- ( في التليفون 📱 )
نهى :- أحمد انا هروح مع هبة صاحبتي نشتري شوية حاجات وراجعين ..
لا متخافش مش هنتأخر ..
شكرا ياحبيبي .. سلام 💖
هبة :- نهى هو انتي متجوزة !؟
نهى :- متجوزة ايه .. لا طبعا .. مش لما نتخطب اصلا الاول .
هبة :- طيب مين أحمد ده 🙄 ؟
نهى :- احمد ده صاحبي يا بنتي.
….............................................................................
#صاحبي و #صاحبتي .. الـ boyfriend .. girlfriend
تعددت المسميات و الذنب واحد
يا بنات مفيش حاجة اسمها صاحبي ..
ويا شباب مفيش حاجة اسمها صاحبتي .
ولا حتى لو مامتي عارفة ولا حتى لو كلمتي مامته.
الحب مش حرام بس ملوش غير طريق واحد (الزواج)
يدخل البيت من بابه من غير تجاوز و مالا يرضي الله
انا عارف إن الجواز صعب دلوقتي وعارف إن الصحوبية انتشرت جداااا في كل الأوساط بس..
(حتي وإن كثُر الخبث هيفضل حرام) ..
يا شباب الله عز وجل حَرم ذلك .. ولا يرضاه أو يحبه ..
يالا بينا تعالوا نتعاهد من اللحظة دي إننا هنترك الذنب ده لله ((و من ترك شيئا لله عوضه الله خيرًا منه )) 💪
بلاش تقلل من #رصيدك بسبب شهوات مؤقتة وكل العائد منها أذى..
وخليك فاكر "وَلْيَسْتَعْفِفِ الَّذِينَ لَا يَجِدُونَ نِكَاحًا حَتَّىٰ يُغْنِيَهُمُ اللَّهُ مِن فَضْلِهِ ۗ"
متخيل مين هيغنيك؟ الكريم الرزاق الذي عنده خزائن السماوات والأرض
ربنا يرزقكم جميييعا الحلال الطيب.
