ماذنبي انا

البارت السابع

#قصصي
#الكاتبه_مدن_الاحزان
#ماذنبي_انا

البارت.  6

شفته نطاها تليفون واول ماباوعت له كالت الله لايوفقك الله لايوفقك ركضت جريت الفون منها وشفته سرمد متصل فيديو وصرخت ولك كلب حقير ولك ماتت اللله ياخذك .
.كان شكله تعبان ويبجي وانا اصرخ الله ياخذك انت والكلبه اللي شردت وياك
ولك ماتت ما كلفو نفسهم دفنوها اجو لابوك وكالو له تعال اخذه ولك عبالك كلب وميت ما اهتمو كله بسببك الله ينتقم منك
هسه متصل شتريد تعزينا شوف هاي امك اليوم رابع مانامت ومابطلت بجي اخذت الفون وطلعت للديوانيه نطيته لابوي شوف شوف ابوك شلون مكسور ظهرة ابوي شافه كال له الله لايسامحك ما راضي عنك دنيا واخرة
اخذت الفون وكلت له والله اذا اتصلت بعد والله انطيهم عنوانك واخليهم يوصلونك ويقتلونك

ضلينا هناك اسبوع ورجعنا لكن اااخ شلون شلون رجعنا بس الدموع تجري .اجو الجيران عزونا باختي
رجعنا لحياتنا بس امي مو هي نفسها لا وحدة ثانيه تنعى وتون على اختي وصارت بروحها شوفه ابن اختي لكن ابوي رفض ابد مايروح الهم ويسأل عنه
رجعت للمدرسه صرت بالسادس اعدادي الطالبات كلهم عرفو قصة اختي وبحكم ان المنطقه شعبيه عشائريه وناس تعرف اخبار ناس بديت اسمع من الطالبات اخبار عن اختي شلون كانت عايشه ومرة طالبه حجت وياي كالت لي اختج خطيه يكولون بيوم ماتت خطيه ماتت جوعانه لان من ولدت ظلت بالفراش ومحد نطاها حتى ماي
سمعتها وبقيت ابجي واحس بداخلي حقد تجاه اهلي لان نطوها فصل وتجاه اهل زوجها تمنيت احرق بيتهم عليهم..
مشت ايامي وانا ازيد حقد عليهم اذا مريت بشارعهم احس مثل اللي يرش ملح على جروحة
بعد ٦ اشهر من وفاة اختي وامي مابطلت نوح على ابنها اندك الباب وانا فتحته لكيت ولد شاب عشريني شكله زين مرتب
سلام عليكم
عليكم السلام
الحجي موجود ؟
اي
ممكن ادخل عندي شغله وياه
اي اتفضل
بين مانمشي بالحديقه ..تفضل اخي تفضل
....طلع بابا ونظر للولد نظرة كلها غضب وصاح ...شعندك هنا مو ماتت مو كتلتوها ليش جاي هنا
....عمي حقك وغلطان بس اسمع مني وبعدها اطردني
فاديه وكفت بصف ابوي لزمت ايدة..بابا هذا منو
.....هذا زوج المرحوم
من عرفت هو زوجها تمنيت اكطعه باسناني ..شعندك جاي شتريد
عمي ماجاي علمودي جاي علمود ابن المرحومة
امي كانت واكفه ورانه بس سمعت ابن المرحومة صاحت يمة شبي وليدي وينه ليش ماجبته ؟
خلوني ادخل وافهمكم
دخلنا للاستقبال
امي...وين ابنها ؟ بي شي ؟
اي خاله بالمستشفى....