ماذنبي انا

الاخير

#قصصي
#مدن_الاحزان
#ماذنبي_انا

واكف
خابرته وين انت
بشارع بيتكم بعد وين طلعي
لبست كوت طويل وطلعت له لكيته واكف بيدة جكارة ومعصب عيونة تجدح ..بس شافني لزمني من ايدي حيل وصك على اسنانه
...وييينج هااا وينج ليش ماتجاوبين
...وهاي انت لان ماجاوبت اجيت مناك لهنا
....اي اجي وزين مني صبرت هاي الايام ..احجي شصاير هذا ال..... ابن عمج شسوالج خاف ماتعرض لج
...لا ماتعرض حجى شويه وانا نهيت الموضوع
....لاتعيديها بعد لاتخوفيني عليج فداوتي متت خوف عليج اعرفج لسانج طويل وتراددين خفت يأذونج
...ههه لاتخاف
...شلونج ولج
....ههه هسه تذكرت
...خليتي بي عقل انت ...ولج شكلت ع البنطرون انا
...هو وين لحكت اني على ملابس البيت طكيت الكوت واجيتك تعال ادخل هنا برد .دخلنا للبيت وشاف فروحة بقى بتركيا يومين وسافر قبل لايسافر بليل اتصل وكال انا بالباب طلعي
...لك وين  اطلع تخبلت
...اي تخبلت طلعي
....اوووف راح تذبحني انت ..طلعت وكان واكف بالباب وبيدة ورد ابيض يجنن ووياه هديه .نطاني اياهم  .ولج شكول عليج ها اشتعلو عشيرتج
....ياااا ليش
...ولج ما الله يهديج ونتزوج
...هههه لا مايهديني
...فدوش متمني احضنج بس انا ماريد الحرام.ليش ماترجعين وحق هذا الله احبج وما اعيدها وءاذيج ادري اذيتج قبل بس هسه تغيرت صدكيني
...لا نرجع لنفس الموضوع خلينا اصدقاء واهل بيننا طفله خلي تكبر تلكانه منفصلين ومرتاحين وواحد يحترم الثاني  احسن ما متزوجين ومامستقرين ومشاكل
ودعني احمد وحسيت بي كلش قفل عليه
من راح بدون ما احس نزلت دموعي حسيت بشوق اله ردتة يبقى مايروح
من هاي اللحظة بدت مشاعري تتغير تجاهه بديت اشتاق له .من وصل للديوانيه استمر يراسلني ومرات اذا سمع بيه طالعه يضوج واذا كلت له لبست بنطرون يتعارك وياي
احب غيرته عليه واحب من يكول لي اشتعلو اهلج
ولك ليش تشعلهم
اشتعلو مثل مابتهم شاعلة نار بقلبي
بقينا رسايل واتصالات وهو مابطل كلامة الحلو وغزله الممزوج بغيرة
بيوم انقطع عني وبقى يومين ماكو لا اتصال ولا شي بعدين شفت بالفيس منشور لمظفر صديقه ومسويله اشارة ناشر صورتة بالمستشفى ويطلب له الدعاء بالشفاء كان احمد بالصورة تعبان ومربوط بجسمه كومة اجهزة ووايرات من خوفتي رحت لامي اركض وابجي
يوووم لحكي احمد متصوب برصاصه
اسم الله منين اجته
ماعرف يوم انا لازم اروح اشوفه
كعدي تخبلتي
شنو تخبلتي يوم احمد حالته خطرة
سكتي لايسمعج ابوج
نرفزتني امي وصرت ابجي بصوت  سمع ابوي اجة يمنا  وكال شكو شصاير
بابا احمد متصوب برصاصه وهسه هو بالعنايه المركزة
الله يشافي وانت شبيج
بابا اريد اروح اشوفه
شنو هالحجي نعرفه يعرفنا حتى تروحين له
هااا بابا هسه مانعرفه عكب ماصارت لي بنيه من عنده هسه ماتعرفونة ابو بنتي هذا
وان يكن اتطلقتو وانتهى الموضوع
لا ما انتهى واذا ما اخذتني اروح وحدي
انجبي نطيتج مجال هواي انا  وطاح حظج
لا بابا اسفه انا اريد اروح وياريت انت تاخذني .
ما اخذج وتنجبين وتسكتين
اعتذر انا راح احجز واسافر
ولج تخبلتي الولد راح يموت اهله بس يشوفونج ياخذون بنتج
اسافر بدونها اتركها عند ماما
امي.. لج ماما شجاج
لاتمنعوني منه بس اشوفه خاف يصير بي شي بابا فدوة
امي.. فاديه صدك تحجين
اي صدك ..انتم حطيتو بطريقي وصح اذاني واتطلكنا بس احبه ماما وهو صدك تغير وديتوسل بي ارجع
لزمت ايد بابا حبيبي طول عمي شادة ظهري بيك لاتعوفني هسه .اخذني للعراق والله مو حمل فراق بعد كافي رانيه وابنها شيبو كلبي واحمد اول رجال بحياتي وابو بنتي  بابا فدوة لقلبك من طلبت مني اغير حياتي واعوف دراستي وفرضت علي اتزوج احمد ماعصيت لك امر فدوة بابا اخذني والله اموت اذا يصير بي شي
الاب.. استغفر الله ..امري لله
كمت بست راسه ربي لايحرمني منك ويجعل يومي قبل يومك
الاب ..اسم الله بنتي لاتكولين هيج
حضرت نفسي للسفر وطلعنا ثاني بس وصلنا احس ودي اركض ..شفت مظفر وكال بعدة بالعنايه الاصابه اطلاقتين رصاص وحدة ببطنه ووحدة بالصدر والرئه متضررة ونزف دم هوايه
صايرة عركة ويه بيت عمة ويه عشيرة ثانيه والشباب متجمعين ببيت عمهم لحمايه البيت والعشيرة الثانيه هجمو عليهم واطلاق نار واحمد تصوب وكم شاب من العشيرتين تصوبو
بعد ساعه اجتي امه وابوه واتفاجأو بوجودي بابا كان مبين عليه متضايق وابو احمد اصر ان نروح عندهم نبات ولاول مرة اشوفهم خوش ناس ويعاملونة زين
ببيتهم الكل طلب اتصل بفروحة ع النت ويشوفوها
اليوم الثاني طلع احمد من العنايه لكن وضعه مو كلش تمام رحت للمستشفى العصر لكيت احمد نايم  بقيت كاعدة اباع عليه وابجي بابا كان كاعد على اعصابه
الاب.. يله كومي نروح
...بابا ماشفته ماكعد
تضايق مني بابا وطلع من الغرفه دخل مظفر وظل يكعد باحمد
ليش خلي نايم
يمعودة خل يكعد ماصدكت يطلع ابوج
احمد احمممد اكعد
فتح عينه بثقل
احمد... امممم هااا
ولك اكعد الوادم اجت من تركيا تشوفك
احمد فز والتفت للجهة الثانيه وضحك فاديه
ولك مظفر اطلع برة
اها يانذل
ولك اطلع بلا لغوة
طلع مظفر وانا بس ابجي
تعالي يرويحتي لاتبجين ولج تحرك كلبي دموعج
احمد متت من الخوف عليك اهئ اهئ
اششش اشش لاتبجين فدوة رحت لعيونج مابيه شي
ولج شكول عليج ام لسان
ليش
لو قابله نرجع جان انت حلالي واكدر احضنج
كوم على حيلك وننخطب
صدك والله
والله
هسه اكوم واخطبج
لا لا صير زين ونكعد نتفاهم
اووو بيها تفاهم يعني شروط وقوانين
ههه مو كلش يعني شويه
بابا دخل سلم على احمد وتحمد له السلامة واحمد كال له عمي افضالكم غطتني شلون اجازيكم
عمي الفضل لله
عمي بقى فضل واحد كون تكمله وتوافق
بابا فهمة وغلس كال له... كوم بالسلامة ويصير خير
رجعت لتركيا بس روحي ظلت عند احمد بعد كم يوم طلع احمد للبيت وبدة يتحسن واتصالاتنا ما انقطعت
بيوم فتح وياي موضوع الخطبه
احمد انا عندي شرط
شنو
ما اعيش بالديوانيه تجي هنا بتركيا
تحجين صدك
اي والله
شلون ولج ماكدر
وانا ما اعيش بحكم العشاير حكمكم لجم كلبي كم مرة
اخذ مني اختي وحرق قلبي عليك من تصوبت انا اخاف من عيشتكم
شلون اعيش هناك وشغلي هنا
اهلك عندهم خير اخذ من ابوك فلوس وافتح لك هنا مشروع ونعيش محد يموت جوعان
مادري ولج
هذا شرطي الوحيد
بقى احمد كم يوم يحاول يقنعني بدون فايدة بالنهايه كال انطيني وقت افكر
بعدين اتصل بيه وكال موافق .
طااار قلبي من الفرحة
...احمد بقت شغله من تجي اكولها الك ماشي
بس شلون اخطبخ شلون نتزوج .تعال هنا ويصير خير
فتحت الموضوع ويه بابا وحسيته مو كلش قابل بس انا كلت لهم مستحيل اجيب لبنتي زوج ام
سرمد عرف واتصل بي وتعاااارك وياي كلببب الدنيا
ماتتزوجينه ماصدكنا خلصنا
...مو بكيفك هذا ابو بنتي
واذا
شوف احمد انت اللي حطيته بطريقي لو ماسوايتك جان انا واختي هسه عايشين حالنا حال البنات اللي بعمرنا نطب ونطلع ونداوم جامعه لكن سوايتك خلتنا نعيش ضيم وقهر محد عاشه ...كافي يا اخي عوفني ليش تعارض .احمد غلط وهسه تغير
سكتت الكل بكلامي
واجة حبيبي حمادين كنت ادلعه بهذا الاسم
قبل لا يخطب طلبت منه نطلع نتمشى طلعنا لنفس المطعم
اريد منك وعد واحد بعد
شنو

احنه اتفقنه نبعد عن كل عادات العشاير مو صح
اي صح
بقت شغله وحدة
شنو هي
اخوي واختك ..هنا احمد عفس وجهه
شبيهم
مالنا دخل بيهم لو تشوفهم يوم لاتفكر لاغسل عار ولا شي
نظر لي بغضب وزفر نفس
...احمد اريد اعيش وياك اريد ارتاح عندك اذا صار وقتلت اخوي شتتوقع اسامحك هذا اخوي وعمر الدم مايصير مي
وزينه اختك لو قتلتها انت نفسك ماتسامح نفسك
بقى ساكت
كلت له بدلع ها حبيبي راح تحقق حلمي وتعيشني مرتاحة لو تدفني وانا عايشه
ابتسم وكال اعيشج احلى عيشة
حمدت ربي وشكرته لان كنت خايفه
خطبني حمودي وسافرنا اسبوع ومن رجعنا اصر احمد ان نشتري بيت بفلوسه وننتقل كلنا  نعيش بي
ههه مو بيده حتى بتركيا مايريد يصير كعيدي
استقر سرمد باوربا
واحنا بتركيا رجعت لدراستي وامي متكفله فروحة واحمد مشروعه الحمد لله تطور .بس بقت سالفه البنطرون مايقبل بيه واحنا عرايك ع اللبس😅😅😅
.........
اخر ما اختم بي قصتي رساله للامهات اياج وتمييز الولد وتفضيله لان يصير اناني حتى وياج انت امه اللي دللتي
والشاب من تحب لاتفكر بس بنفسك والبنت فكري باهلج اخوتج شنو ذنبهم تدمرين سمعتهم
اهلنا وشيوخ عشايرنا ياريت تتطور افكاركم وتلغون احكام عشايركم الاحكام اللي دمرت هواي عوائل