السمراء🌸:
الحلقه الاولى:
بسم الله الرحمن الرحيم
انا ولاء بت هاديه جدا، عمري 16سنه
بعيش في قريه صغيره شديد
السنه دي انا ممتحنه تالت،طويله،سمراء وعيوني زرقاء..
امي وابوي ما عندهم غيري ف الدنيا دي.
مرسلني المدرسه وعلي امل اطلعهم من الفقر الهم فيهو ده ..
حياتي مااشيه مستقيم والحمد لله بصلي وبصوم ونحن ناس في حالنا بس، الثانويه انتهت وامتحنت خلاص المدرسه كانت بعيده شديد وكنت بمشي كداااااري بطلع 6 صباحاوبرجع 4
مساء..ماهمتني المساافه ولا التعب لانو لمن اشوف فرحهه امي وابووي بي نجاحي تعبي كلو بزوول ،النتيجه خلاص قربت تطلع وانا علي امل اجيب اعلي نسبه ، وعشان اريح ابوي طبعا ما وريتكم ابوي شغال بتاع حطب بقطعو وببيعو في المدينه بي كاروو اشتريناهو بي القروش الورثها ابوي من جدي،واهو ممشين حالنا
النتيجه طلعت وطلعت لي منحه ولازم كان اسافر للجامعه عشان اقدر اكمل درااستي هناك،ابوي احتار يتصرف كيف في المحنه دي ..ويجيب قروش من وين ،للتزكره دي وكيف وكيف ، فضل اربعه يوم للموعد لازم انزل جامعه وكنت بصلي وادعي ربي ده وفجاه ابوي تعب ورقد وكلها كم يووم وانا امي طبعا مالينا غيرو اجلت السفر وقلت ان شاء الله بلحق وبقينا انا وامي نشتغل في البيوت وبنرجع بالليل وبي حق الله نوفر العلاااج لي بابا ..وفي يووم رجعنا وكان تعبان شديد واتوفي ، انا وامي ما لقينا حتي اليدفنو ويا رب ويارب تعين ليي المصاايب دي ورانا ورانا يا رب تهونها..
جا اكتر زول في الحله عندو قروش ده عم سيد ده كان معرس وحده واتوفت طبعا بي القهر المعيشو ليها رغم قروشو وطلب امي للزواج امي رفضت في الاول بس ما كان عندها حل وانا لازم اسافر وادرس وعشان نعيش وهي خافت من هسي تشيلني الحمل ده علي ووافقت وعرستو ..
#يتبع
