جبروت ادم

البارت السادس عشر

جبروت ادم.... الفصل السادس عشر
مخلت ايه مقرته امي مخلت سوره مقرتهه ومخلت لا بخور لا شي بزعت روحي ... يمه كافي لخاطر الله سكطتيني مشايفه عروس قبل شنو هاي.... بناتنه مجموعات وشي توصفني اميره ببدله بيضه وناس توصفني الممثله ايناس طالب مثلهه مدنفشه.وناس تكول ملاك... اختاريت بدله منفوشه ردن طويله واصريت انزف بحجاب  مسويت حنه مقبلت ومحد اعترض.. جنت متوتره لفت ام الصالون شعري كعكه بس سحبته وسرحته اول طلبت مكياج خفيف لان ميلوكلي الطوخ.. جنت ماسكه قران زغير متوتره... طلب حسن من والدي يسوونوالعرس وغده يعزمون الناس مو عشه.. وره الزفه ياخذني لكربلاء.. وافق ابوي اني فرحت ضاله بنفسي ازور اهل البيت.. كلبي محسور مقبوض اكو الم بصدري ماعرف معتي ماعرف شكو بس الم الم فضيع... اجو اجو اجو ركضت الجهال بكل مكان وصارت هوسه نزلو بركع على وجهي.. اجه حسن اشوف بس سواد حذائه يلمع وهم اسمع صوت هلاهل اخذولنه كم صوره واني مغطايه وي ابويه وعمي ابو علي راهه كال عمي.. بسم الله يالله توكلنا على الله يله بابه كومي... كمت وكفني ابويه باس راسي من فوك البركع وحجه بصوت هامس.. بويه مودعه بالله رفعي راسي... هزيت راسي محجيت جنت ارجف بارظه ثلجت ثلجت ماحس باطرافي... اخذونه نزلونه بصالون تصوير.. اسمع حسن عصبي ويصيح ماريد صور وعمي ابو علي يحجي... بويه شبيك اخذ كم صوره انته وزوجته وطلعو كبل لكربلاء.. ماترجعون ويانه.. حسن... بويه لخاطر الكعبه ماريد صور هيه طلابه.... مو بميفك امك وصتني.. جان عمي يسوق وحسن يمي حته ايظي ملزمهه اني مدنكه وساكته... وكفت السياره ونزلنه لمكان التصوير حاجاني بنتغه يله نزلي.. اي نازله بس تره ماشوف شي... حجي بصوت احقر واخشن .. وقابل شاسوي اشيل بركعج واخلي الناس تتفرج.. مكافي راح نسوي عرض للمصور يتفرج...
كتله بكلبي كبر وبصفه عوجيه كولما تطلع منه راسك يضربوك بيهه مرض لحد اضلم وجعه امي نشالله... بس بكلبي... نزلت ممد ايده ولا ساعدني اجه عمي ابو علي ساعدني دخلنه للمكان التصوير.. لكيناهه مصوره بنيه اسمع صوتهه.. يا اعلا وسهلا بعرايسنه الحجيه حجزت يمنه امس... تقربت يمي ورفعت البركع... جان واكف ومجتف اديه.... باوع باوع صفن ضل يباوعلي وجامد .. حجه عمي ابو علي
بويه راح ارجع بتكسي هاك السويج مناك العرس والمعازيم عشي المره بلطريج مو تعوفه جوعانه... سلم علينه وطلع... وجت المصوره... يله نبلش يابه وين ضاميج اهلج شنو هلجمال عاد رقوج من الحسد لاء... ابتسمتله وهوه واكف احسه جامد وراح منه التوتر والعصبيه.... تقرب مني وهمس باذني
بارك الله بيج ربي يريحج مثلما ريحتيني.... فهمت من حجيه ارتاح جي محجبه مطالع شعري ورتاح هم المصوره بنيه مو ولد جان هذا طلب عمتي ام علي
طلبت نسوي حركات جنت انفذ بسكته احسه تتغير احواله بكل حركه بس اني حديد ضاربه.. ولا احس ولا الي شغل... كملنه تصوير... وطلعنه لبس البركع  وساق هوه السياره.من وصلنه طريق العام وبعدنه عن المدينه كلي رفعي الكبوس تنفسي.. رفعته شويه..
اي هدى اريد نحجي بشغلات مكدرنه بلخطوبه نحجي بيهن اني شويه نحس بلنضافه والترتيب واحب القوانين والانضباط.. الي يطيعني انطي عيوني والي يعاند ادوسه وحررركه.. اكد على اخر كلمه كتله بكلبي استلم.... احب المره المطيعه طيعيني واعيشج ملكه
رفعت راسي اجاني احساس اريد اغثه... ميحتاج اني اصلا ماحب اكون ملكه نعم الله عليك من تخلينه نعيش بموده ورحمه
سكت وراهه كال.. هدى شيدلعوج... بكلبي. هدو .من حلك محمد تطلع عسل... هداوي يدلعوني....
هداوي احجيلي عنج شويه... اخذت نفس... اني عادي ماكو شي مميز اكل ةاشرب واشتغل وانام  احب افلام الكارتون.. والحلويات.. بس ماكو شي بعد..... طال السكوت. تردين مي عطشانه جوعانه... لا مشكور...
هدى حجه بصوت هامس.... نكضي اربع ايام بمربلاء ونرجع وراهه التحق لوحدتي خامس يوم... انشاء الله ... جان جوابي مقتضب
خمايضايقج هلشي...
لا ليش يضايقني هذا دوامك واجب مقدس..... يتبع