جبروت ادم

البارت الثالث والثلاثين

جبروت ادم... الفصل الثالث والثلاثون
طلع حسن وعافني بدوامه مهتميت.. وعفته مفكرت بي... واجه وره ايام دكتور علي... والي فهمته جاي يخطبني.. هوه متزوج.. بس دكتوره وياه مجموعه طبيه... وخفاره.. وماعنده اطفال صار ٦سنوات متزوج... وابويه صاحني وحجالي
يابه.. شيخطبوني اني بعدني على ذمه حسن...
بابه حسن طلكج عند السيد بس محكمه بعدكم.. مصر ياخذ زين منج اءا تزوجين..
نصمددت حسيت السكر صعد فول عندي.. بويه فدوه اروحلك طلكني شلون متكلولي... زين اقلها مبلغيني الزم عده....
دنك ابويه راسه وحجه
بيوه طلكج رجعي... والعده انتي من طلعتي للدنيه لازمه عده منو شتيف طولج
ردت افتح كلبي واحاسب ابويه على عمري الضيعه.. بس سكتت.. وحجيت بصوت وعبره مكسره وهوه.. فهم قصدي... ولا تقل لهما اف ولا تنهرهما  وقل لهما قولا كريما.... بويه
اني كلمره لبيك وطوع امرك.. لس اترجاك هلمره ماريد اتزوج.. خليني هنا اذا مضايقتك بكعتي اروح لاحمد اخوي بغداد
رفع راسه وحجه بحده...
خذا بيتج ومتنجبرين بعد على اي شي ضلمتج مره بعد ماعيدهه.. بويه الليت اني مسجله باسمج.. والمحلات واجاراتهن  هم الج.. بعد شتردين
بجيت بقهر وحركه على عمري الضاع.. سنيني ااي تجبت بلارض وشربت مايهه الاراضي القفار القاسيه... حزت بكلبي.عملت حسن  وغضبت منه شلون يتجرء ويبوسني وهوه مطلكني شلون يلزمني اصلا.. حسيت نفسي حاقده عليه

رجع صوت ابويه.. بويه عيوني الج تردين بعد شي امريني... باوعتله واشرت لحضنه.. اي بويه.. اريداي مكتن بحضنك سنين حارمني منك....فتح اديه وتقربت منه حضني بكل قوته
بجيت بجيت بجيت وحته صرخت مادري شلون طلع صوتي.. بس طلع... جان يمسح على شعري ومختنك.. وحجه..بويه اني جان قصدؤ احميج.. انتي ااي بنيتي على نفسج سور.. وهلسور صار بمرور السنين قلعه.. ماعرفت شلون ادخلهه دومج مبتعده واحسج تكرهيني... يابويه.. متتدرين شكد احبج من دون خوانج.. يابويه انتي نعكاسي محد يشبهني غيرج حسيتج امتدادي... ردتلج زلمه زين يحمج ويحتويج.. مانكر اني فرضتج على حسن وغرضته عليج... انه متكد ابن خالج يحبج وشاريج  .. متدري يابن زنه قاري براسه ومطيحج من عينه.. كلي راح اوديهه الك.. ماسنقبلتج ادري بيج سبع على ابوج وتثبتين برائتج بدون حته شاهد ولا دليل وبلفعل من رجعج حسن وطلكج.. كالي مناكد خالي هدى طاهره وبريىه.. بس النفس بعد متتهواهه...