جبروت ادم

البارت الحادي والعشرين

جبروت ادم... الفصل الحادي والعشرين
هدى... دايخه وثكلانه كولش....تعبانه جسمي كوله ياذيني... حسن تغير ١٨٠درجه دلتل ورومانسيه وبلا ماطلب منه شي هوه يوفرلي من يروح بوداع حار ومن يجي استقبال  حار اني مجاريته وياه ممقصره وياه بشي  واليريده اوفره اله بلا مينطق .. بس اني ما.. نطيه مجال يغتر او يحاسبني ابداااا... واكو مشكله اني صارت نساتي ضده هوه  تلعب نفسي منه قربه يدوخني اكره عطره.. جانت وياي نغس الوقت زوجه حماي محسن حامل..... وسبحان الله مشاكلهم كله بسبب بعده عنهه صارت نساتهه بي تريده يمهه اربعه وعشرين ساعه مانعته من الطلعه وي اصدقائه.. جان من يجي حسن يرتاح اخوه لان زوجته تخاف من حسن لان يرزل ولسانه متبري منه.. واني ماحسسه انه ماريده بلعكس ابدله الاهتمام... بس يضل الداخل محد يعرف بيه   .حسن هدى راح اوديج هاذا دوامي يم اهلج من ارجع ارجعج.. هدى انتفضت...ليش ليش دزني لاهلي...
حسن ههههههه معوده لاتخافين ارجعج تدري بيج متفاركين عطري وفراشي الي يشوفج كاتله نفسج... عليه.... بس هاذي اوامر امي تكول هدى ثكلانه ونخاف عليهه وهيه تكرب من الصبح لليل.. بلا متجزع..
وكفت اريد اروح اطلع من الغرفه. وكف وياي وحضني من وري احس بدكات كلبه على جتغي واسمعهن  كدما قويات همس باذني...
حسن.. هداوي.. راح اشتاقلج ديري بالج على ابني.. لا تولدين انتضريني..
ابتسمت.. وهزيت راسي .. اي....
اخذني لاهلي وانطاني مبلغ فلوس كلي خلي امج تجهز للبيلي  والج من تزوجتج لليوم مماخذه لنفسج شي ولا داخله للصالون.... كلامه صح  .. اني دائما اعتني بنفسي وجهي اعوف زوجه عقيل تحفه الي وشعري اصلا ماغير بي شي.. انتبهت اخر ايام شعري كثران الشعر البيض مو طبيعي. .. نزلني وسلم على اهلي وراح سلمت على الكل ومتفاجئين لان ايسوا من جيتي وزيارتي الهم.. ابويه سلامه مثل ماهوه بارد.. ومن بعيد... مباساني ولا حضني اني هم مبادرت  ولا تقربت.. حيدر للان ممعرس طولت خطوبته صار سنه ونص وكثرانه مشاكله هوه وخطيبته...  وزوجات اخواني مثل ماهنه ممتغير شي   بس اكو شغلات مثلا كثرانه الدخله والطلعه والملتبس كوله حصر والحجاب مو مثل قبل  .. مو بس اهلي اشوف المتمع جاي يتحول.. طلعات ودخلات والتركيز كله على الملتبس والمكياج والساعات والذهب وماكو مجالس قبل الي نحجي بيهه على الطبخ واخبار الاقارب. لا لا هسه سوالفهن امي واخواتي ونسوان اخوتي كوله على نوعيه السلع كوله تركي ووسوري... اهلي بيتهم مو مثل قبل الياطين وصخه وهوسه الترك مخبوص السطح مخبوس المخزن مخبوص الكاونترات .. الزمهن دهن.. ماكو البيت كوله مجفي على وجهه... اول اربع ايام خطار ماحرك ايدي واني داخله بشهر التاسع حسب كلام الدكتوره رحت قبل اسبوع اخذوني حسن وعمتي... بعدين معجبني الوضع ضليت اسبح وبعدني احس ممرتاحه طبعا .. جايتهن هديه من السما انه ابويه ميحب الغسل ويريد البيت ناشف من يدخل.. حجتهن يكعدن متاخرات من النوم فماكو وقت للغسل كليوم.. خامس يوم كعدت وي اذان الفجر كلوحده بغرفتهه فوك بلطابق الفوك اني صليت وكمت سويت شاي وريوك الجو صيف حلو توه بادي الشهر الثالث.. واكوم ابويه بغرفته وي امي اسمعه صله ورجعو نامو ا.. واسوي اكتساح للدوانيه شامل كابته كلاب لزمتهه فرك وجلط من ساعه اربعه فجر لساعه سبعه الصبح والصاله وياهه والمداخل والشبابيك  .. حسيت تعبت وتوقفت  طلعت اطفي كهرباء المي.. واغلق الحنفيه سمعت.. صوت اعرفه اي اعرفه هذا بطارمه جيرانه بيت ابو محمد وهذا صوت محمد تاكدت ماحبه اماعشكته بيوم... ابد ماشتاقله افكر بي مرات اي بس ماشتاقله...  دخلت وجنت جوعانه تريكت... وكعدو اخوتي لدواماتهم طبعا كلواحد امله لفه جبن وطلع محد تكعد تسوي ريوك لرجلهه  رجعت نمت
هدى هدى يمه اكعدي هذى رجلج يريدج على التلفون
فتحت عيوني..
واخذته نعساااانه.. هلو ام محمد شلونج
فتحت عيوني وركزت
ههه منو ام محمد اني!!!!
جان صوته مرتاح وسعيد
اي انتي زوجتي حبيبتي وام ابني
تسلم تاج راسي شلونك شخبارك...
حسن... دامج بخير اني بخير يعافيتي
هدى تسلم ربي يخليك
اني زينه مشناقه لفراشي وغرفتي
حسن... اممم بس ممشتاقه لاحد ثاني
هدى عرفت قصده بس ليش اجذب مشناقتله اخر ايام ضليت احن اله
.... اكذب اذا كلتلك ممشتاقتلك..
حسن وبدهشهه اللهم صل على محمد وال محد من ارجع اذبح خروف  هاي اني كشتاقتلي هداوي الخلوه اكول مافد يوم وصيتج ادري بيج اصيله متتوصين بس بداعتي لا تخلين احد يتمعن بجمالج غير.... هدى.... اممممم اول واخر مره اسمحلك تكولي هيج   خ.