جبروت ادم

البارت الحادي والثلاثين

جبروت ادم... الفصل الواحد والثلاثين
رحت لاهلي ثاني يوم وحسن موفه بوعده... عرفته مراح يوفي بوعده... صار ٨اشهر عند اهلي... اول مرجعت شبعت بجي مو على حسن لاء... لاء... لكيت اخويه احمد الجبير منتقل شغله لبغداد داخل الخضراء مترفع منصب بطتب الوزير يشتغل وساحب وراه.. اخويه حازم... والدي قبل كم جهر ضاربته جلطه.. ومكرم بلفراش ميحرك رجليه وايده السره ثكيله لكيته هلى كرسي متخرك وحده بلحديقه ماجنت اعرف بهذا صاير كوله نهى اسالهه تكول بخير وامي اسالهه تكول بخير زينين... حيدر معيد بلكليه متزوج وطالع بيت وحده.. وعلي طالع للخارج رايح لاستراليه اني منعمتهم يسالون عني ويجوني.. حتربتهم وهمه مالهم ذنب الذنب جان كوله ذنب ابويه... هوه المسؤل عن تحطيمي.... مالوم حسن ولا محمد طبعا اني معرفت شلون وصل الكلام منو تهمني ومنو شوه سمعتي كدام حسن بس سلمته بيد الله...... جان والدي على كرسي متحرك بس بعده بشموخه وجبروته ممتنازل  صار اشهر اخدمه... وحسن يتردد يروح ويرجع ماطلعله اله مرات قليله.. تعلق بزين كولش... سبحان الله سنين جان يمه ممعبره هسه صايره روحه بي... بيوم تازمت حالت ابويه كولش... واحتاريت بمنو اتصل استحيت اهابر ازواج اخواتي... ابويه كلي اهذي موباياي واتصلي بحسن... هههههه همه احباب واحد ميفترك الثاني واني رحت بلرجلين
المهم اتصلت وحسن مكال باطل... اجه وبزيه العسكري مترفع وياه حمايه.. واكفين ضلو بلباب... عفت الباب مفتوح اخاف يجي.. امي يم ابويه قلقانه.. ومقهوره وابوي يحاول يطلع بمنضر القوي وهوه ضاربته جلطه...دخل بهيبته وطوله
السلام عليكم...
النفتلي قبلا ارد عليه
فوتي جوه راح ناخذه اني ولولد ونرجعه
اني نسحبت شويه واجاني.. عيونه نار
حسن بدلي خالي يريدج ترحين ويانه
جنت وقته لالسه فستان مشمشي.. مخصر من فوك وعريض من الوراك.. ولابسه شال تقريبا مغطي جزء العلوي من جسمي.. لبست عباتي واخذت جنطه زغيره خليت بيهه مبلغ فلوس جان دائما امي من تستلم تقاعد مال ابويه تنطيني منه واني اجمع... زيوني جلب بابوه وضل يبجي قنعاه.يضل يمي امي.. والولد سر ابيه قبل بسرعه
صعدو ابويه بسياره حسن وحسن يسوق... واني يم ابوي.. .. مشينه اباوعله كل شويه ياخذ نضره مني...جان الكل ساكت