نغزة وردة
بقلم غزوان علي
البارت السابع
الجنون طارد الحب بعد ما وسوس له شيطان الكره ذلك
الحب اختفى في شجيرة الورد...
التقط "الجنون"شوكه خشبيه أشبه بالرمح وبدأ في نغز شجيرة الورد بشكل طائش ولم يتوقف إلاعندماسمع صوت بكاء يمزق القلوب ظهر"الحب"وهويحجب عينيه بيديه والدم يقطر من بين أصابعه
صاح "الجنون"نادما: ياالهي ماذافعلت؟
وماذا أفعل كي أصلح غلطتي بعد أنافقدتك البصر؟ أجابه"الحب": لن تستطيع إعادة النظرلي...
لكن! لازال هناك ماتستطيع فعله لأجلي ..
كن دليلي وهذا ماحصل من يومها يمضي الحب أعمى يقوده الجنون .. لذالك يقال دائماً : (أحبك بجنون)
وسيم .وصلنا لبيروت وابو احمد بعلاقاته حجز النا جناح كامل وقريب عالبحر وكأننا عائله واحده ومافرقنا عن بناته وكال اني رايح عندي اجتماعات ولقائات ومتأكد مخلي بناتي بأيادي امينه واني بداخلي اكول لو ابو صالح هنا جان خاف علينا من بناتك 😂😂😂
صالح . هلو وسيم شبيك صافن ومو على بعضك
وسيم . لا مابي شي طبيعي
صالح . كنت اباوع عليك وعلى ريام يااخي البنت مبين واكعة بحبك وغركانه ميانه وركص واغاني وراسها بحضنج وانته ولايمك بلحظه حسدتك مو مثل ايام عبالك جذع نخلة ام سوادي جامده گوووه اسحب الكلمه منها بالغلط ايدي اجت على ايدها كالت بعد لتعيدهه
وسيم . حيل بيك استلم لعد شلون حتخلصها وياها ماادري
صالح . اني هم ماادري راح احاول اضل اتقربلها واكيد هي تعرف حكون زوجها ومتضل تتفيك واذا بقت هيج اخنكها واخلص
ايام . هلو شباب ديكولون صار وقت العشى تجون بالصاله لو نجيبة الكم للجناح
صالح . بكيفكم انتم شتحبون
ريام . احنا ماالنا كيف انتم شتحبون احنا وياكم
وسيم . لا هنا ناخذ راحتنا احسن
ايام . ماشي
وسيم . شوي واجه العشى گاعد صالح ويمه ايام واني ويمي هاي المجنونة
رياام . 😂😂😂 ههههه
وسيم . شبيج ليش تضحكين
ريام . باوع صالح عبالك اثنينهم ديوجه
وسيم . واحنا شنو
ريام لاعيني انته ديج واني دجاجتك
وسيم . ههههه
ريام . اي هيج اضحك
صالح . ضحكونا وياكم
وسيم . تريد تعرفون ليش دنضحك . اااخ اشتعلو شبيج ريام ملختي رجلي شاورتني لتكول الله عليك متعرف ايام بعدك والله تطلع العشى عليه زقنبوت
صالح . اي ليش
وسيم . عالطنجرا وغطاها شفتهه وتذكرت شي
صالح . هههههههه اسكت وسيم
وسيم . سكتت .
ريام . ياطنجرا ياغطى
وسيم . دسكتي مو زين بدلت .
ايام . شنو برنامجكم الليلة
وسيم . اليوم تعبنا من طريق السفر واني حبقى هنا
ريام . اني هم ابقى هنا عندي ملابس واغراضي ارتبهن
ايام . اني عاجبني اروح للقاعة قريت اكو مطربين معروفين يجون واريد اغير جو . تروح وياي صالح
صالح . ماشي اروح واني هم تعجبني الحفلات
ريام . كملت ملابسي ورتبتهن اباوع لوسيم مختفي وين راح باوعت من الشباك شفته ديتمشى عالبحر ضليت صافنه عليه من بعيد ومااعرف سر هالولد شنو صح ديجاوب وياي ويضحك مرات بس دحس تصرفة وياي اخوي وكلامة مابي نشعة حب خلي استغل هالفرصه واروح احشر نفسي يمه
وسيم . اني دتمشى والجو حلو وهاادئ ماحسيت غير ريام قريبة مني وايدها بيدي
ريام . وسيم موكلت تعبان وتريد تتمدد شعجب غيرت
وسيم . شفت الجو حلو كلت انزل اتمشى شوي
ريام . اي صحيح حلو ويخبل بس بي كرصة برد
وسيم . بردانه باوعتلها تهز براسهه اي مااعرف ليش نزعت جاكيتي حطيته على كتافها هاي ماصدكت وختلت بصفحتي
ريام . حسيت بالبرد وكتله اي نزع جاكيته وحطه على كتافي هاي القطة كنت اشوفها بالمسلسلات والافلام ومااهتم اكول عادي بس من عشتها حسيت هذا اهم حدث بحياتي شعور لايوصف بحرف ولاكلمه حسيت بلحظة اريد ادخل بداخل وسيم واني حبسته ميكدر يوخر عني لان يوكع بالمي 😂😂😂
وسيم . ريام ريام رياام
ريام . عيون ريام
وسيم . شبيج نمتي
ريام . لا بس اسمي حلو بصوتك وحبيت اسمعة اكثر
وسيم . عوفي هالكلام هسة واحجيلي
ريام . عن
وسيم . انتي طبيبة وشخصية وثكيله وذكيه مرات اشوف تصرفاتج استغرب ومرات اتعجب من اشوفج عبالك فد وحدة طفلة خبلة وحتى الفاض مااعرف شلونهه ابسط شي هاي من كلتي صالح وايام ديوجه وانتي دجاجه
ريام . اي لتنسة كلتلك ديج هم . وسيم خلي احجيلك اني من عرفتك صار بي هالطبع مرات احجي الشي ومن اكون وي نفسي اخجل واحاسب نفسي ردت اتوب واصر على التوبه بس ماادري ليش من اصير يمك انسى شكلت وينعاد كولشي وسيم لو تشوفني شلون تصرفي بالكليه وي الطلاب ومع الاساتذه متصدك هي اني نفسهه الي يمك
وسيم . هسة صدكتج وانطيتج العذر اني تمنيت اصير مثلج افصل واعيش بدورين تمنيت اعيش هالحياة كدام اي انسان بس مرات اعيشهه لوحدي يعني بالبيت اغني ارقص اهوس وكدام الاخرين امشي على نمط واحد واحسب لكل حركة وكلمه
ريام . وسيم صدوگ تعرف تركص
وسيم . اي سلو . واعرف اغني هم
ريام . غنيلي شويه حابه اسمع صوتك
وسيم . شعاجج اغنيلج
ريام . مممممم بكيفك اي اغنية تعجبك بس قبلها اني تعبت من المشيي تعال هاي حجره جبيره انته اكعد وانتجي عليها وافتح رجليك واني اكعد بنصهن وانتجي عليك
وسيم . لابالله هههه طبعا انتي فد شي صدوك خبله
ريام . وما على الخبله حرج
وسيم .ليش دجاوب وياها ماادري وكعدت مثل مكالت وكعدت بين الرجلين وانتجت على صدري وضمت اديه مدري وين بس اكو دفو بالموضوع وغنيتلها
طول عمرى باخاف من الحب وسيرة الحب وظلم الحب لكل أصحابه
وأعرف حكايات مليانه آهات ودموع وأنين والعاشقين دابوا ما تابوا
طول عمرى بأقول لا أنا قد الشوق وليالى الشوق ولا قلبى قد عذابه
وقابلتك انت لقيتك بتغير كل حياتى
ما أعرفش إزاي انا حبيتك ما أعرفش إزاى ياحياتى
من همسة حب لقيتنى باحب وأدوب فى الحب وصبح وليل على بابه
وسيم . حسيت على بصيص شمس بعيني مااعرف شلون نمت باوعت لكيت ريام على كعدتها بحضني بس نايمة اكعد بيها متكعد شلتها ودخلتها جوه نيمتهه بفراشها ورحت لفراشي وقبل مااكمل نومتي ضليت افكر اني ک حب ورغبه ماالي يم ريام بس احساس عندي كأنها اخت وصديقة قريبة الي ردت تفتح موضوع الحب حتى افهمها بهذا الشي بس مفتحت واذا استمر وياها بهاي الطيبة وهاي علاقة الصداقة راح تتوهم اني احبها ومن حقها ولااكدر اختلف عليها واعاملهه بسوء اوووف يالطيبة العندي اني اعترف خارجي كولش قاسي ومخربني وي الناس اعرف صفاتي عدهم انه مغرور ومتكبر وشايف نفسة بس داخلي غير طيب وقلبي ابيض واحب الخير واحب الناس كولها ومايوم مزعل احد . خلي اكمل نومتي والله كريم
ريام . كعدت من النوم متأخرة اتذكر جنت كاعده يم وسيم وبده يدندن بأغنية صوته حلو ختلت راسي بصدرة ونمت حسيت اني بفراشي منو جابني مااعرف رحت اغسل وجهي لكيت وسيم كاعد ديشرب قهوه صباحو وسيم
وسيم . صباح النور
ريام . كنت تغني ومااعرف شلون نمت ومنو رجعني لفراشي
وسيم . كملت مقطع من الاغنية وانتبهت عليج شفتج نايمه كعدتج وكعدتي عادي وكتلج يلا نرجع كلتي اي ورجعنا
ريام . هاي اني كعدت وكتلك اي ورجعت امشي على رجليه ودخلت الغرفة ونمت وتغطيت
وسيم . اي
ريام . والله ماادري يجوز صدك كولشي يصير اني موطبيعيه صايره طاير عقلي
بالجانب الاخر
عمر . من سحلني ابو عائشة وداني لابو قتادة اول ماشافني ضربني على ركبي وكال اكعد عليهن اني هي اجت كعدي هيج لان اذاني عتني من شعري للخلف وحط السيف على رقبتي وبده يذبح اني سلمت للامر وتشاهدت نطقت الشهادة ضربني على حلكي تالمت بس توقف عن الذبح بلحظة گاله ابو عائشة لكينه بجيبة مسدس وجهاز ارسال وبملابسة الداخلية جيب بي موبايل صغير بي رقم ومكتوب اخي وسيم .
سألني عندك اخوان گلتله لا وفعلا ماعندي جان يضربني وهذا منو وسيم كاتبة اخي كلتله هذا ابن عمي واعتبره اخوي بس ماكنت اظن يوصلون لوسيم وكلامي عادي طلع عدهم خلاية نائمه في بغداد مخصصة للتفجير وخطف الناس اااخ لوميت ولا سامعة يكول راح نجيبة يمك نعذبه ونقلع عيونه ونذبحكم سوة ااه وسيم مااريد اشوف عيونك الحلوات يتأذن كله صوجي الهي رحمتك موتني اخذني الك قبل مااشوف هالمنظر . يتبع
