#نغزة_وردة
بقلم غزوان علي
البارت الرابع
وسيم . وصلت المكتب كعدت اراجع اوراق واوافق على بعض التصاميم اندك الباب كلت تفضل
ريام . صباح الخير وسيم
وسيم . صباح النور
ريام . سلمت عليه واكلته بالسلام ووجهي يضحك و اشو هذا بارد ولايمه رد الصباحية ورجع دنك عالاوراق اريد احجيه كلتله شلون صارت ايدك ضل بالي يمك وهذا هم ولايمة رفع تك عين وكال زين مابي شي ردت احجيه بعد كلتله شخبار التصميم اكيد لمساتك عليه تجنن رفع راسة وصفن بوجهي وكالي خلي اكمل الموافقة على تصاميم المكتب ونروح للقطعة هااا اي كمل كمل وبداخلي اكول هذا شبي وليش هيج اسلوبة جاف وشايف روحه هففف شگد مغرور وردت اغير تفكير البارحة من انجذبت اله واتعامل ويا بعقلي مو بقلبي وهم بسيطة وسيم اني اعلمك ريام منو
وسيم . رديت الصباحية عليها طبيعي بس هاي استلمتني بالكلام لوك لوك لوك عرفت اول صفة بيها لغويه واني مااحب الي يحجي هواي خاصة اذا مشغول بشي شعليه بيها هو بيت اكمله واسلمه لمقاول واخلص كولها يومين
بلقيس . صباح الخير
وسيم . صباح النور
ريام . صباح النور حبيبتي
بلقيس . تفضلي قهوة
بلقيس . تفضل استاذ قهوة
وسيم . اني مدنك عالورق ومااشوف غير كدامي فتحة صدر قريبة من وجهي وبسرعة فريت الكرسي للجهة الثانية اااخ هاي بلقيس متبطل سوالفهه
ريام . كاعدين جان تدخل السكرتيرة سلمت وجايبة قهوة انطتني وانطت وسيم بس وسيم مااعرف بسرعة اندار هو والكرسي المتحرك عبالي انتل 😂😂😂 والله ياالله شبي هذا والله مو صاحي ابو كمزة بس انتبهت عالسكرتيرة لبس ضيق وفتحة صدر كبيرة
وسيم . كمت من الكرسي لبست الجاكيت وعدلت نفسي وصلت للباب اباوع هاي ريام بعدها كاعدة طلعت شفت بلقيس كلتلها صيحي ريام حتى نروح للقطعة
ريام . اباوع الوسيم كمل اوراقة وشرب شوية من القهوة كام لبس جاكيته وعدل نفسة كدام المراية ماادري شنو من حركة سوة يمكن باس روحة 😂😂 وطلع من المكتب عبالي حيجيب شي ضليت كاعدة انتظره مااحس غير بلقيس تكول ليش كاعدة وسيم يمكن هسة وصل السيارة وصاحني كال صيحي ريام
اااه يالقهر اني هيج تسوي بي وسيم هيج تحتقرنييي اكرهك بداخلي اصيح اكرهك
وسيم . يلا ريام شبيج تاخرت
ريام . اووف عندي هواي كلام بس مو وكته ولازم اماشية كلتله اسفة
وسيم . صعدت بسيارتي وشفت ريام فتحت الباب الثاني مال السيارة گلتلها ليش سيارتج وين گالت موجودة بس نروح بسيارتك ومن ترجعني اخذ سيارتي
ريام . ردت اصعد وسمعته يكول ليش تعبين نفسج روحة ورجعة روحي اخذي سيارتج واني امشي وراج حتى اندل بداخلي اكول الله يصبرني عليك وسيم حتى ثولني وعبالك ديتعامل وي طفله بس شنو مسكتني اني عليه ماادري
وسيم . تمشي بالسيارة وامشي وراها دخلنا بمنطقه راقية وكولها حمايات ولان گالتلهم وياي سمحولي عادي شفت قصر جبير وقريب منه قطعتين مسيجات كالت هاي الي وهاي الخ لاختي ايام حددت القطعة ومساحة البناء والجمت ايدي اصبعي موتني ومتحمل عيب اكول اخ
ريام . نزلنا واباوع على وسيم لبس نظارات واول مره اشوف شاب هو يحلي النظارات بس قلبي حاقد عليه ومهتميت بس بقى يشرحلي التصميم ويحدد وكال بعد اسبوع نباشر بالعمل اباوع عليه هم لازم ايدة ويتالم شفت اصبعة مورم عرفته مخزن وسهل فتحة طلبت منه يجي وياي للبيت حتى اعالجة بالبداية تردد بحجة عنده شغل بالمكتب بعدين وافق
وسيم . الالم كتلني وهاي تكول تعال اعالجه لان مخزن ويبقى يأذيك دخلت بيتهم كلتلها هنا سوي بالحديقة لان مستعجل ماشي اروح اجيب المشرط وتعقيم ومخدر موضعي تاخرت ورجعتلي كالت اسفة المخدر ماكو دورته ومتيهه وين مخليته
وماراح افتح اصبعك لان يأذيك عوفي الاذية وشوفي شغلك اتحمل
ريام . هذا شديحجي اعرفه مو صاحي بس خلي اعذبه حيل بي اخذ بثاري وهو واكف انطاني اصبعة ودار وجهه اني امزق بصبعة ولاعبالك يمه زيدت الفتح متعمده وكأني افتح بخيارة ومااحس غير بضمه قووويه سحبني لصدرة ويصيح كاافي كل ماانضف بي يزيد الضم مااعرف انفاسي صعدت ارتبكت قلبي يريد يطلع من مكانه صخنت كل هالاشياء صارت بلحظات حسيت على ايده تدفعني حيل اخذ القطن والشاش وطلع بدون اي كلمة
وسيم . لو بمخدر ولا هذا الالم من كد الالم محسيت غير اني ضميتها بقووة تخيلتها اختي علياء حتى ريحتهه مثلها وحسيت على نفسي خجلت اخذت القطن والشاش واني اسوق شديت ايدي ورحت للبيت لكيت ابن خالي نزار وهو اقرب صديق الي ضلينا نحجي ونتشاقة ويحجيلي عن بطولاته وي الارهابين وشلون يعذبهم حتى يعترفون وحيل قاسي عليهم .. بقلم غزوان علي
هلو اني نزار ضابط تحقيق بجهاز مكافحة الارهاب عمري 27 سنة حاقد على الارهابين لدرجة واعرف شلون اطلع الكلام منهم حتى لو اضطر اشلع اظافرهم من اصابعهم واعرف الارهابي من عيونه بين فتره وفتره اجي لبيت عمتي لان احب ميسم واريدها زوجه الي والكل موافق بس ابو صالح معاند ميقبل وحتى مااعرف شسوي حتى اقنعة احب اخويه وصديقي وسيم واني وياه نفس العمر
وسيم . احم احم نزار وين صفنت
نزار . لا هنا يمك وهسة رايح اني عندي واجب مداهمة لواحد صار هواي ادور عليه وعرفت وين يسكن
وسيم . ماطول قافل عليه اعرفك تجيبة . زين اني صاعد اخذ حمام وانزل اتغدا ابقى تغدا وياي
نزار . لا ماالحك شوي واطلع براحتك انته
ميسم . اباوع على نزار وخايفه منه احسة مجرم لان يحجيلي شيسوي وياهم بالتحقيق
نزار . شبيه الحلو واكف بالباب ويباعلي نظراتج تفقدلي صوابي
ميسم . لابالله
نزار . اي والله وانتي ضايجة من طبيعة شغلي لان اعذبهم بس لو تدرين انتي شگد دتعذبيني اقسملج عذابج الي ازيد من عذابي الهم تعذيبي الهم على وجه حق وتعذيبج الي مو على حق وباطل اني طالع مع السلامة
ميسم . راح نزار وضليت احجي وي نفسي صح احبه لنزار واحب كولشي بيه احب حتى كلامه وزعله وعصبيته بس ماابينله مااريده يتعلق هواي لان اعرف بابا موافق يكون زوج الي اوووووف ليش كل الي نتماه ميصير
احبك نزار والله احبك
ابو صالح . ام صالح وين الولد والبنات صيحيهم انجمعوا البنات والولد وامهم بابا احنا اليوم معزومين بيت صديقي واخوي ابو احمد حضرو نفسكم عشانا يمهم
صالح . قصدك هذا وكيل الوزير . اي هوه وسيم قبل يومين راح كمل تصميم بيت لبنته واتفقت وي المقاول يشوف شغله وابو احمد احتمال عزمنا علمود هالشي
ابو احمد . ايام ريام بابا اليوم عالعشى راح يجون ضيوف النا اني وصيت الحماية يجيبون العشا من برا بس اريدكم ترتبون نفسكم بالبس ووياكم هالنواعم كيك عصائر بعد العشى
ايام . بابا منو حيجي مبين ناس معرفه اي بابا يجي ابو صالح اكيد تعرفيه هذا الي نرسي عليه المقاولات اي اي عرفته ومنو يجي وياه . عائلته ام صالح وصالح وعنده ولد اسمه وسيم واعتقد بنات اثنين
ريام . اني سمعت اسم وسيم مااعرف فرحت بيهم وبجيتهم وره شويه انخبصت ارتب بالبيت رحت سويت كيك ومعجنات اني شاطره بيهم ايام مراقبتي وسألتني شبيج انخبصتي وتغنين والكيك اشكال شكو .. لا ماكو شي بس ردت مااخجل بابا وحتى يلكي كولشي جاهز . بقلم غزوان علي
عمر . بعدني بالليل اصيد بالدواعش وبالنهار انطي احداثيات مكانات لجماعتنا ويضربوهم والضربه بالمضبوط يعني المكان البي شبه انتهى وسقط واني فرحان بالشي الي قدمته للوطن رجعت امشي شفت الامير مالتهم وثنين وياه وهو هم مسؤل عني لازمين بنات يزيديات اطفال ويلعبون عليهن ويجبروهن على وضعيات سخيفة لاحول الله اصبري ياروحي تره موتي هنا اذا اتحرك . مكدرت اصبر حميت نطقت الشهادة وسحبت المسدس ووكفت عليهم وهمه نازعين ربي ماخلقتني واقتلهم ثلاثتهم وسترت البنات وهزمتهن وتأكدت نهزمن وصاراً بسلام بيد قواتنا رجعت امشي حسيت الدنيا ظلمة بلحظة
ابو عائشة . المقر هل تسمعني اجب
المقر نعم اسمعك جيد اجب
ابو عائشة لقد امسكنا بالخائن وبضربه اخمص البندقية على عنقه وفقد هل اذبحة اجب .
المقر . يقول امير الامراء ابو قتادة لاتقتله واجلبه لنا نستفاد من المعلومات التي لديه ومن ثم نذبحه . . يتبع
