امنيـه...طبعا كأي بنت لا وبـعد طفله لاول مره بحياتها تسـمع غزل من شاب
اكيد راح تنجرف وره هل غزل وتحب تسمعه اكثر من مره وتدمن علـيه
هاذ چان حالي صـح اسمع خواتي وامي خالاتي اقربـائي يحچون عن جمالي ويمدحون فيـني بس لاول مره بحياتي شاب يسمعـني هل حچي الرجال الوحيد الي عرفته بحياتي هو بابا وچان كوليته يسمعنـي اهانات وغلط وضرب وعمامي وخوالي مااشوفهم الا بالسنه حسنه وخوان ماعندي
والصراحه كلام سجاد اثر فيني وحبيـته وحبيت اسـمعه مره ثـانيه وثالثه
وعاشره بعد ... مچـنت ادري انو هل شي غلـط لان محد من قبل منبهني
انطاني رقـم بورقه ماادري شلون اجتني الجرأه واخـذت الرقم من ايده وركضت ارجع للبيت وگلبي يدگ بنبضـات مسـموعه للـكل
وصلت للبيـت وخدودي محمره ووجهي منور والخجل مبين علي
رهف/العـب العـب طاع هاذي شلون الضحكه شاگه حلگه ادري مهرچ واني مدري حته سـراء مومثـلچ شبيچ ولچ
امنيه/عاد لاتبالغـيـن شنوو حته سراء مهيچ فرحانه لعد غير اني فرحانتله
رهف/روحي شوفي شكلچ بالمرايـه وتعالي احچي وياي
امنيه/اووي دسكتي وگولي يالله لتحسديني
رهف/اووووي ام كفشـه عيني بارده
(تسـريع احداث)
مـر شهر وخلالـه چنت كل يوم لما اهلي ينامون اخذ موبايل امـي
واروح احچي وي سجاد صرت احب اسمع حچيه وكلامه وهو
علمنـي احچي وياه عادي واگوله حبيبي صدگ حسيت بشعور
غريب ديلامس قلبي طفله وتحب الله حبـها بريء ...
اجـه اليـوم الاسـود ع بيـتنه واجتـي الغيـمه السوده الي من بعـده
حياتنـه حتسـود اكثر من مااهي مسـوده ... چان يوم جيت بابا من السفر
وامي چانت مبدله ومكيـجه خطيه طالعه چنها عروس
گاعدين ننتضـر شوي وانـدگ الباب گامت اختـي سراء تفتحه
واحنه كلـنه وگفنه نستقـبل ابوي الي رغم ظلمه النا اشتاقيناله
وچانت المفاجأه دخل ابـوي ووياه واحد ديدخل بالجنـط چانن
خمس چنط كولش.كبار دخلـوهن واحنه نباوع فـد شوي وصاح
ابوي
دخلي حبي سراوي البيت بيتچ
ساره/اي حبي دخلت
محمد/هلاو شلونكم بنات شلونچ ام رشا
هاجر/منو هاي محـمد
محمد/يالله ... هاي مرتي ساره ومن اليوم حتعيش ويانه بالبيت
ديرون بالكم عليها تسمعـوني بابا بنات هاي مرت ابوكم وامكم الثانيه
هاجر/تخسي امهم الثانيه تتزوج علي محمد بشنو قصرت وياك اني
محمد/اني اگولچ بشنو قصرتي قصرتي لما جبتي هل عار للدنيا وبليتيني
بيهن وخمسه همات خمسه وحلمي چان ولد وانتي رفضتي
أنت تقرأ
ألآم طفله
ChickLitمرّرت بالصدفة بشارع الأحزان وجدت حلم تائه الخطوة والمعان كان يبحث في أشلاء الزمان عن نبض سرق أمام العينان يعود بالذكرى لعالم الأشجان يقلّب صفحات طواها النسيان لحظات نبعت من بئر الحرمان لتغرق القلب باليأس والهوان تحية نبض الإنسان لمشاعر الأح...
