ألآم طفله

Bart 4

امنيـه...رشا... هـي الشـخصـيه الحنيـنه الموجوده بيـنه احنه الـ5 ...

ابدا منخاف منها لا بـل نحترمـه لان عـمرها مااذتنـه بكلمه او حته بفعـل ...

چنـه دائـما نگلله مشاكلنه وهي تنـصحـنه ومتقـصـر ويانه وتساعدنا واذ چنه ع غلط متصيح علينه وتغلـط وتضرب لااا بـس تحسسـنه بعذاب الضـمير الي يخلينه مـنعيد الخطأ ابدا ...

من چنـه نسـالها ليـش متضـربـيــنه وتعصبيـن من نغـلط مثـل الباقي..؟؟

چانت تگللنـه انو لو ضربتكـم هذا راح يساعد انو تكررون الخطأ اكثر من عشر مرات حته ...

بـس لما احسسكم بـتأنيـب الضـمير راح تتـألمون مـن جواكم وراح تصارعون الغلط ومترضـون تسـونه ...

شخـصيـته الانـسـانه الحنونه الواعيه الفاهمـه الي تعرف شـلون تتصـرف بهدوء

وبرحـيلـها فقـدنه شـخص عـزيـز ع گلوبنه كوولش لان چانت بمثابة الام الثانيه..

وانـي شـخصـيا برحـيـله حسيـت نفـسي مثـل الضايـعه ويمكـن لو چانت موجوده
يــمـي لحـد الان چان گتلها عن سـجاد بس للاســف مـاكو هي بالوقت الي اني محتاجتـها بي ومحتـاجه نصـيـحه منـها بـدون ضرب واهانات ع هل شي...

(2) سراء...الشـخـصيه الـحريـصه الرسـميه...شلـون يـعني...

حريصه.... الـي تحـرص ع كـل شـي وتفـكر لكل شـي ولكل وقـت تفكر بمستقبلـها قبـل حاضرها كلـشي بحياتها لازم تكـون مخططتـله ومتـريد احـد ابدا يلـزم عليها عـيب او شـي ناقـص لازم تكون الصـوره المكتملـه دائـما

رسمـيه...تحـب تمشـي ع العادات والتقاليـد ومتـبتـسم الناس غير اقربائها وعائلتها يـعني متجامل احـد تكون رسـميه مـع الكل ماعدا للناس القريبين منها

متحب تضـحك هواي وتنكت

بـس شخصـيـتها چانت حلوه والها اثـر بعائـلتنه چانت دائـما تگول

(لتفكرون شلون شخصيتكم تعجب الناس..فكروا شلون شخصيتكم تعجب نفسكم)

يعـني هي لـما تكـون حريصـه وانسـانه رسميـه مو عشان الناس لا لان هي تريد تشوف نفسـها بهل طريقه لان حابه شخصها وذاتها وشايفتها مناسـبه الها

لما تريـد تمـشي ع العادات والتقـاليـد تريـد تكون مرضـيه للعيشــه الي نولدت عليها ( انشغل في ارضاء نفسك قـبل الانشغال بارضاء الناس )

اضافه الى ذلك ماعندها ثقـه باحد غير اخواتها وامها ... وراح يكون رحيلها الا اثر بحياتــي

(3) ايـلاف...الشخصـيه القويه ... شخصـيـتها قويـه وترد الصاع صاعيـن
حركاتها الها ميلان لحـركات الولد مـع انو عايشه بيـن 4 بنات مادري ليش
هيچ😂

متـهتم وتسـوي الي بـراسـها وميهمـها اكبـر واحد كـانت ولازالت هي الوحيده
بيـنه ترادد ابـوي وتسـوي العمايل اذ ابـوي مد ايـده ع امـي او ع وحده منه
وتشـبع ضـرب بـس ولا يـهمها ...

مـن چانت صـغيره چانت كلـه تگص شعـرها ولادي وتحب تلبـس ملابـس الـولد
وتمـشي مثـل الولد بس مو معناتها متهتـم بمـظهرها لااا

ايلاف طوليـه ضعيـفه عيـونها عـسلـي وشعرها ليـن نص ظهرها لونه بني ع اسود چان بيناتنه شبـه بس اني عيوني رصاصي

سراء طالعه ع ابوي ورشا وايلاف ورهف ع امي واني ع بيبـي ام ابوي

نكـمل حچـي عـن ايـلاف ... عصـبيه الـى ابـعد درجـه ونخاف نحچـي وياها واكثر خواتي تنرفزها هـي رهف وهنـه دائـما عرايـك ومشـاكل ...

(4) رهف..الشخصـيه الامباليه ... مايهمها شي ومشايا ع مقولة (عيش اللحظه)
تگضـي نص يومها ع المرايه مبالغه جدا جدا بحب الذات ماكو بنيه متحب
نفسها ادري بس رهف زاد حبها النفسها اكثر من اي بنيه حته تبوس نفسها بالمرايه والله تموتنه ضحك😂

مايـهمها اي شـي ماتزعل نفسها ولاتحـرگ بدمها وتمشـي الامور طبيعيه لو اكو مشكله تضحك حته بالحزن متتكرم وتزعـل نفسها شوي حته...

حته لما تتعـارك وي ايلاف ...هي شخص باارد ... وايلاف دمها حار وتحرگ بگلبها ولهل سبب تنرفزها ...

ايلاف تحچي وياها بصوت عالي وصياح وهي معصـبه ...واهاي ترد عليها بكل برود وتگلله ... شبيچ عـيـني مضـغوطه منـي ... بنبـره بارده استفـزازيـه 😂

اووووف ربـي توم وجيـري 😂

تگدرون تگولون عنها شخص اناني بس تحبنـه وگلبها طييييب وابيض كالثلج

تحب حسـن ابن خالتـي رواء عمره 22 سـنه وهو همات يحبها مابينهم كلام
او موبايل او مواعده ولا واخد اعترف للثـاني بس مبين من نظراتهم

وبالنسـبه لرهف فـاحنه كخواتها ندري بهـل شـي هي مگالت لغيـري بس الباقي
عرفوا من نظراتها ولهفتها لما يجي طاري وشـلون بس تريد حجج نروح بيت خالتي حته تشـوفه

وهو گايـل لاخوو... واخته سامعتهم هي بگدي (ايه) واجتي گلتلي واني گلت لرهف ...

وانشالله ربـي يجمعهـم بالحـلال (امــين)

وهذن خواتـي وشخصـياتهـن ....ارتحـتي زوزه هـسـه

زوزه/ايي والله امانـي نعسـيـت اريد انام زيـن خلصتـي

امنيـه/نوم العوافـي حمبقـلي

زوزه/ 😪

...........................................

للكـاتبه ...
Zahr'a_kareem