ألآم طفله

Bart 3

اكـيد حابين تتـعرفون عـليه اوكــ 😊

اسمي سجاد عمري 22 سـنه... عندي اخوان اثنين واحد متزوج وعنده ولد وواحد بالاول متوسط وعندي اخت وحده مدرسة حاسوب واسلاميه بمدرسه اهليه...

انـي اشتغـل وي الوالد بالسوبر ماركت ابوي يلزما من الساعه بــ 8 الصبح
لحد الساعه بـ12 ...وبعـدين اني استلمه من السـاعه بـ2 الضهر الى الساعه
بـ10 بالليل وبـعدين يـجي ابـن عمي يلزمه للـساعه بـ3 بالليل ...وامي مديرة مدرسه...

احنه عائله ميسورة الحال وبيتنه كولش چبير بـ5 غرف وكل واحد بينه يصرف
ع نفـسه ماعدا الاكل الي ناكله بالبيت الوالد والوالده متكفليـن بيـه ...
يعني المتزوج بينا (بهاء) يصرف ع نفسه ومرته وبنته من راتبه وراتبه الحمد لله زين بس الاكل كله من اهلي ... واختي (نبأ)تصرف من راتبه ع ملابسه وحاجاته وشغلاته ... واني اصرف من شغلي بالسوبر ماركت واخذ اجري واصرف منه...بس اذ طلبنه من الاهل ميقصـرون ...وطبعا اخوي الصغير (علي) البيت كله يصرف عليه لان باعتبار  اخر العنگود المدلل😊

اني مواصفاتي...اسمر ضعيف وطولي وسط عيوني وشعري سود وباقي الملامح متناسقه ماكو شي اوڤر بوجهي...اني شخصيتي مثل اي شاب
بعمري يحب يلعب ويتسلى يعني سوالف بنات اربع وعشرين ساعه
اكبل واترك اكبل واترك وهاي حالتي ... واكو بنات اذ يعجبني عادي اخذ منهن الي اريده ويريده كل شاب صغير او چبير ... لتگولون ماعندك اخلاق وساقـ..
اني مضاحك ع الشريفه ...هنه لو شريفات ياخذن الرقم ويكبلن من وره اهلهن
.............................................

(( موضروري الـي تاخذ الـرقم وتـحچي وياك وتحبك وتصدگك مو شريفـه
اكـو بنات فاقدات اهتمـام عـند اهلـهن فاقدات الحنـان لهل سبـب من يشـوفن
واحـد يحچي وياهـن كلام معسول ينجرفـن وره مشـاعرهن ...

واكـو بنات محـد معلمـهن شـلون يتصرفن وي امثال هل شباب لهل سبب   تفكـيرهن اـنو محيـصير شي مجـرد واحد يحبني ويتزوجنـي وهل تفكيـر))

...صادقوا بناتكم ياناس سواء اب او ام انطوهم الحنان والثقه علموهن لتهملوهن ذنـبهن بالنهايه يوگع ع  الاهل قبـل ميوگع عليها وع الي ضحك عليها...

................................................

امنيـه...طلعت ماما بعد 4 ايام من المشفى ولهـسه ابوي الي بس بالاسم
ماكو بالفندق وي حبيبت الگلب يععع...

رجعت للبيت ولگتنه منضفين غرفه رشا القديمه وسراء للعروسه مثل تعليمات
ابوي وجايب اثاث الغرفه غرفه تركي بيضه وحمره فد شي تخبل نظفنه
الغرفه وسديناها ...

وماما ضلت متدخل لغرفتها كله تبات عدنه وتقبلت امر انو يتزوج عليها
لان باختصـار كرهتــه واستـسلمت للامـر انو بـعد مالها غير تزوجنه وتفكنه
من الضلم وتنتضـر اجلها وايقنت انو هذا مصيرها بالدنيـا احنه وبعد منتزوج تبقه وحـيده من غير عزوه بس هيهات احنه نتركها...