چنت نايـمه يـم ملاك بغـرفتها
سـمعت صـوت نبـأ وهي تـگعدني من النوم
نبـأ // اماني اماني
امنيه // همممم
نبأ // يلا گومي سته ونص
امنيه // اوكك
غسـلت وجهي ولبست شالي ونزلت
شفت بيبي گاعده بالصاله تباوع اخبار ع قناة الشـرقيه
صبحت عليها وبسـت راسـها
رحت للمـطبخ نبـأ وداليه ودانه واگفات
وحده دتـطگ بيض
ووحده دتحمي الخبـز
وحده تخدر الـجاي
انـي فتحت الثلاجه وطلعت منها جبن وزيـتون وحطيـتهن بصـحون
نقلنه الريـوگ ع ميز الطعام بالصالــــــــــه
الكل گعد من النوم ونزل متحضـر حته يـروح الدوامه
گعدنه كلنه نتريـــگ بــدون كلام
اجه قائـد اخو عمار وطلعوا هوه والجد هاشـم
وعمار وعمي حسن طلعوا همات
رائـد جان منتضـــــرنه نخلص تبديـل حته نطلع
گعدت ملاك وريـگتها ومشـطتلها شـعرها
ولبسـت انـي تنوره نيلي وقميص احمر
وشـال نيـلي ومشـجر بورد احمر وجنطـه حمره
طلعنه اني ودانه وداليه ونبـأ وملاك وي رائـد
وصلـنه ملاك للمدرسـه تالي داليه وصـلوني الجامعتـي وراحوا
اني بالجامعه تعرفت ع بنيـه مسيحيـه اسـمها مايا
بنيـه تخبل طويله ورشيـقه وبيضـه شـعرها اصـفر وعيـونها زرگ
وحبابه وشاطره وطيبـه وخلوقـه
البنيـه الوحيـده الـي تعرفت عليها بالجامعه
مردت اكون صداقات هواي وحده كافـي
حضـرنه 3 محاضـرات وحده وره الثانيـه
وراهن طلـعنه للكوفـي وگعدنه نسـولف
طلبـنه كوكيـرز ونسـكافيـه وبدت مايا
تحـجيـلي عن عاداتهم واني احجيـلها عنه
شـفت بنيـه اقتربت من طالولتنه
وسـتأذنت حته تـگعد سـمحنلها تـگعـــــــد ويـانه
هيه بنيه شايفتها من المرحله الرابعه بس شـجابها عليـنه
جان طولها وسـط سـمره عيـونها كبار سـود جسمها بي سمن شوي مقبوله
فاطـمه // اني اسـمي فاطـمه عمري 24 سـنه
مايا // اهلا وسهلا نتشـرف واني مايا 20 سـنه
فاطمه // وانتي امنيـه محمد صـح؟؟
امنيه // تعجبت شعرفها بأسـمي ... ايي اني امنيه محمد
فاطمه // ادخلـج بالموضوع فورا تعرفـيين أنـس جابر الي وياج بالقسـم
امنيه // اييي
مايا // انتي حبيبته موو
فاطمه // هههه لا موحبيبته اني اخته
مايا // يااا مو اشـفج مرات توگفين ويااا
فاطمه // زيين أنس شـلونه بالقسـم شـتشـوفون اخلاقـه
أنت تقرأ
ألآم طفله
ChickLitمرّرت بالصدفة بشارع الأحزان وجدت حلم تائه الخطوة والمعان كان يبحث في أشلاء الزمان عن نبض سرق أمام العينان يعود بالذكرى لعالم الأشجان يقلّب صفحات طواها النسيان لحظات نبعت من بئر الحرمان لتغرق القلب باليأس والهوان تحية نبض الإنسان لمشاعر الأح...
