يوم ثاني مر عادي لرحت لاحد ولا احد اجه
صـارت دنـيا ليل تقريـبا السـاعه 9 ونص اخوانـي بغرفتهم وساره وابوي بغرفتهم
ضجت واختنـگت ـمــن الـبيـت گلت اطلع بالحديقـــه الخلفيـه شــوي اشم هوه
طلعت كلها زرع اخضـر يـخبـل واضـويه صفر مفتحـوحه وي لون القـمر شي
جميل رحت جوه القمريـه بيـها قنفات گعدت الجو بارد يخبل فتحت اغنيه
لاليـسا وگعـدت اقره روايـه واشـرب نسـكافيـه منـدمجه وي الروايه ووي الجوو
فورا تغيـر الجو واصـبح عاصـف وضـرب البرق وبدت تمـطر قـوي طفت الاضـويه
مال حديـقه متت خوف صارت ضلمه ومطر ورعد وبااارده وتخيـلوا انتوا
جو مرعـب جدا كلما دااريـد اطلع يضرب رعد وارجـع ادخل للقـمريه خايفه
وابـچـي ضليت واگفـه لاني طايله ارض ولانـي طايله سـمه ضميت وجهي
بايـدي وضليت ابـچي واشهگ عالي عندي فوبيا من الرعـد حسيـت اكو احد
جاي باتجاهي للحـضه تخيلته جان وجاي يقـتلنـي نقـطه دم مبقت بجسمـي
گعدت بارض القمريه وضمـيت راسي بين رجليـني واشهگ وارتل ايات الله
حسيت ايد ع كتفي صـرخت واحد كومني وجرني اله بحركه سـريـعه
وحط ايده ع حلـگي حته اوگف صـراخ ضامني الجسـمه وگلي اهدي هذا انه
حسـيت بأمان ودفو برغم من انو جسـمه وملابسـه مبلله مـــي مسـك ايدي
وگالي متخافيـن ع روحچ تتـمرضـين يصير بيـچ شي بهل رعد يلا ندخل
امنيه/ اخاف اطلع من القمريه
عمار/ههه تخافين لييش
امنيه/عـندي فوبيا من الرعد اخاف من صـوت كولش
عمار/خلص انطيـني ايـدچ انـه راح افوت وياچ ماكو داعي تخافيـن
امنيه/ لا لا اخاف
عمار/ يعني اذا ضليتي هنااا متخافيـن
امنيـه/ دنگت راسي ومجاوبت بس دموعي تنـزل من الخوف
حط ايـده ع حنچـي ورفع راسـي
عمار/حبـي انه يـمج لاتخافيـن
حسيت بـطمأنيـنه وخوف بنفـس الوقت مسك ايدي بوحده من ايدي
وحط ايده الثانيه ع كتفـي وطلعـني بره القمريه تبللت مـي المطر قوي
كولش رغم احنه بجنوب العراق بس چان كولش قـوي شوي ونوصل
للباب ضرب رعد قوي صرخت وحضنت عمار قوي ركضـنه سـؤه ووصـلنه
للبـاب انتها شعور الخوف حسيت ع نفسي حاضنته انتفضت منه بسرعه
عمار/ هاا شفتي وصـلنه بسلام
امنيه/شـكرا
عمار/بعد لطلعيـن بالليل الدنيه تخوف
امنيه/ هزيت راسـي بـنعــم واني مدنگه
عمار/اماني
امنيه/رفعت راسي وگتله ... نعم
عمار/احبـچ صـح مو هواي شايفين بعض بس كل مره اشوفچ اضل افكر بيچ
ومترحينن من بالـي اكو شي جاذبنـي الـچ خلاني مو بس معجب لا وبعد محب
امنيه/فتحـت عيوني ع وسعهن وباوعت بعيونه حيييل
مادري شصار بيه تلخبـطت ارتبـكت بـدون ماانطق باي كلمه فتحت الباب
ودخلت للبـيت واني متفاجـئـــه من الي صار ومن الي سمعته
طبيت الغرفه وقفلت الباب رحت للكنتور واني بعدني متفاچئه ومصـدومه
اخذت ملابس وبـدلت وگعدت ع الچربايـه افـكر بالي صار تعبت من التفـكير
گلت ماكو غير اگول لرسـل
📲📲📲📲📲
رسل/ الوؤ هلاو حبي شلونچ
امنيه/ لج رسـل گلي احبـچ
رسل/ هااا شنوو شگلتي منووو ولج احجي الووؤ
امنيه/ولچ عمار گالي احبـچ والله لگيلي رسل شاسوي
رسل/گلللللوش مبروووك والله چنت حاسـه هههه
امنيه/لـچ رسل اني وييين وانتي وييين
رسل/انتي غبيه لو غبيه شنو اني بياحال المفروض تفرحين اكثر مني ولچ
الشيخ الصاك الحات الهيبه گلچ احبـچ شتردين بعد يالمتعافيـــه
امنيه/لچ شبيچ رسل عمار متزوج وعنده بنيه
رسل/عزااااااا نسيييت 😨
امنيه/ امداچ اي والله شأسـوي هسـه
رسل/واللهي يصحبتي معرفش اوئلك ايه ... يعني هذا شكد ميخجل اجه
اعترف وهوه متزوج
امنيه/اوووف خلص احسن حل اتجاهله مكو داعي ارد عليه
رسل/اماني سؤال انتي تحبي؟؟
امنيه/تخبلـتي انتي شنو احبه طبعا لاا هو اني يمته شفته وفوگها متزوج
رسل/اوكك حب لتعصبيـن ومثل مگلتي احسن حل تجاهلينه وتبتعـدين عنه
امنيهـ/ هو هيـچ يلا حب تصبحيـن ع خير
رسل/ وانتي من اهلو حبي
ومرت الايـام روتيـنيه وعمار چنـت احاول اتجنبــــه رغم محاولاتـه الهواي لحته
يشـوفني ويـحچـي وياي او يسمع جواب منـي ...
وبـعد مكانت دانه هي القريبه الي بهل بيت صارت نبأ بهل شهرين الي بقيت
بيهم هي القريبه منـي لا اكتشفـت انو دانه عدها حب التملك وعدها تكبر
وابـد موقـريبـه من طبعي مع انها بنت عمتـي
اما نبأ فكانت قريبه لشخصـــيتي وهواي اشياء مشتركه بينه وحته امنتنـي
ع اسـرارها واني كذلك حبيتها وحچيـتلها هواي اشياء عني
ومره من المرات اجتي بيبي فريال وويـاها نبأ
ونبأ گلتلـي ـــــــــــــــيتبع.....
أنت تقرأ
ألآم طفله
ChickLitمرّرت بالصدفة بشارع الأحزان وجدت حلم تائه الخطوة والمعان كان يبحث في أشلاء الزمان عن نبض سرق أمام العينان يعود بالذكرى لعالم الأشجان يقلّب صفحات طواها النسيان لحظات نبعت من بئر الحرمان لتغرق القلب باليأس والهوان تحية نبض الإنسان لمشاعر الأح...
