طفلة قاتلة

البارت الثاني

#سهى_الشمري
#طفلة_قاتلة
قد اكون صغيرة ولكن عقلي اكبر من عمري قد اكون ارتكبت خطيئة ولكن ماذا عن اخطاء من حولي اين العدالة اين الحق في كوني انسانة ياليتني كنت ترابا بدلا ان اعيش حياة بدون ام واب قد اكون يتيمة الام ولدي اب لكن كلمة الاب تقال عن الشخص الذي يساعدك فما بال الذي لايأبه لصريخ ابنته ودموعها ............
من التمت الوادم ومااسمع غير الصريخ مال النساوين خفت مدري ليش اجو الاسعاف اخذو حسام صعدوه بالسيارة اني ابويه واكف بعيد يم مرته حتى مااجة اقترب مني يهدئني او او يعرف ليش هيج سويت بالعكس ظل واكف ودمعته تنزل على حسام اني اخذتني الشرطة للقسم رحت واني ابجي من الخوف اتمنى امي وياي لو جانت موجودة ماجنت راح اعاني هالمعاناة بس مع ذلك ماندمانة لعملتي لان لقة الي يستحقه حققو وياي وكتلهم على كولشي من اول مرة اغتصبوني هو واصدقاءه لحد ما ضربته بس جنهم مااقتنعو فقررو يسوونلي تحليل وراح تطلع النتيجة باجر فخلوني بغرفة مسدودة واني ميتة خوف وابجي ظليت انام وافز واهذي بامي وماعندي احد يساعدني فصار ثاني يوم اندك الباب وانفتح مال الغرفة المحبوسة بيها
جوري:هاا را راح اطلع ؟؟😢
الشرطي :طلع كلامج كوله غلط ومحد مغتصبج وانتي جذبتي بافادتج
جوري:هاااااا؟؟؟؟مستحيييل اني اغتصبوني ذولة الكلاب اكيد اكو غلط
الشرطي:ماكو غلط ولهذا راح نحطج مركز للرعاية العقلية واعادة تأهيل لان وحدة بعمرج وقاصر اكيد اكو خلل بمخها حتى تكتل ومانكدر نحبسج لهذا انحكم عليج 10سنوات بالمركز  سهى _الشمري
جوري:اني مابية شي  مو مخبلة طلعوني ماما ماما تعاليلي 😭😭
الشرطي:تعالو اخذوها
وظلو يجروني واني بلكوة امشي  من الخوف ويسحولون بية اتسحول وصعدوني بسيارة المركز وظليت افكر شلون صار هيج اكيد ام حسام الة علاقة بالموضوع وزورت التحاليل حتى تبرئ سمعة ابنها
وصلنا للمركز عيوني مغوشة دخلوني لغرفة ولبسوني قميص ابيض طويل وربطو ايدية على ظهري علمود مااسوي شي وظليت ابجي واصيح بلكت واحد يساعدني او يهربني انوب اخذوني لغرفة نوم اعتقد صارت غرفتي ودموعي تصب  ومرت الايام صعبة علية بالمركز مال اعادة التأهيل واني احاول اقنعهم اني مابية شي بس من كد مايخلوني بغرف وية ناس مخبلة وماعدها عقل وتتصرف جنها اطفال احس روحي بلشت افقد عقلي بس ظليت اردد اسمي واسم ماما علمود مااتخبل وبعد كم يوم اقل الشهر  سمعت انو حسام مات  بسببي بس ازداد خوفي بس قررت انتقم من جماعته الباقية وبيوم جنت كاعدة بغرفتي اجة واحد ممرض يمكن
الممرض:اهاا يعني انتي جوري والله ماينلامون من يسموج جوري صدك وردة جورية انتي
جوري:اطلع منا
الممرض:ادري بيج مخبلة حالج حال هذولة المرضى عادي
جوري:اطلللللع مناااا بسرعة
الممرض:تعاي ياحلو مااسويلج شي
جوري اتذكرت حسام وجماعته من كعدو يتغزلون بية اول مرة وسوو قذارتهم ماحسيت على روحي الة اني لازمة دولكة كزاز اريد اركعه بيها وبعدني ردت اضربه اجو الدكاترة
الدكتور:الزموها بسرعة هاي وحدة مخبلة الزموها
جوري كمشوني واني اصيح اني مو مخبلة اتركوني
وانوب حبسوني وحدي وكمت ابجي شنو هالحظ يلي عندي ...لا جوري لاتضعفين انتي قوية راح تنحل مشاكلج
ومرت فترة  بالمركز عانيت بيها لان  دووم عبالهم اني مخبلة بس احس صدك فقدت عقلي كلما يجي واحد يمي اريد اضربه واقتله احس لازم اقتله لان اخاف لايقترب مني فصارت كولها تخاف مني فبيوم من الايام جانو حابسيني لان ردت اقتل دكتور اجة فحصني ماادري خفت منه واتصورته حسام فحاولت اقتله لحد يلومني مو سهل اربعة يغتصبوني بنفس الوقت وعمري بس 15 و اتصور راح ابقة اكثر بالمركز  لان مثل مايكولون صرت مخبلة ومتوحشة المهم جانو حابسيني وفجاة اجة رجال عنده لحية طويلة وثخينة وبيضة ومبين تعبان والحياة معذبته
جوري:اطللللع منا عوفني لاتقترب مني
ابو جوري:هذا اني بابا لتخافين
جوري:طلعووووه منا طلعوه
ابو جوري:بابا لتخافين هذا اني اهدئي
جوري:😭😭😭طلعوه منا مااريده
ابو جوري :بابا اجيت اشوفج كبرانة بنتي
جوري من عرفت هذا ابويه اتذكرت كل طفولتي الي تعذبتها وياه وشون باعني بيوم اخذوني
ظليت اصيح
جوري:اطلللللع اطللللللع منا بصوت عالي
سهى_الشمري
الدكاترة رجاءا اطلع منا رجاءا
الدكتور:اهدئي عمو شو اهدئي
جوري:لحد يقترب مني عوفوني وخرو لاتجيسوني
وضربوني ابرة مهدئ وبعدها ماحسيت على شي
..................ستووووب خلص البارت 633كلمة ترة طويل اتمنى تكونون حبيتوه تفاعلو حتى باجر انزل بارتات كووومة شنو توقعاتكم للبارت الجاي شراح يصير وية جوري 😉