طفلة قاتلة

البارت الثاني عشر و الاخير

سهى_الشمري
هلووو للكل اعتذر لان مادانزل بارتات بس عندي امتحانات يوم على يوم وصعبات فراح اختم قصة طفلة قاتلة وبس افرغ انزللكم قصة جديدة من اختياركم المعلومات في نهاية البارت
،،،،،،،،،،،،،،،،،،
ويوم عن يوم خوفنا مرتضى وبيوم من الايام فتحنا التي في ولگينا خبر انتحار مرتضى ماادري ليش حسبت الدنيا مالامتني فگمنا نخطط ضد عامر ووليد بس كل واحد گدرنا نجمع معلومات عنه واستخدمناهم ضدهم وعامر انسجن مؤبد ووليد مات ابنه وصار بيه جلطة بالدماغ وانشل ياسبحان الله لكل واحد يوم والله مايضيع عقاب واحد والكل ياخذ الي يستاهله وبعد كم يوم نشرو خبر جزاء كل واحد اذاني اربعتهم وطلبو مني لقاء على برنامج...... وكلت كلشي صار وياي من كان عمري 15سنة وكولشي لحد عمري
وبعد اشهر على زواجي
زيد:جوري جبتلج بقلاوة تعاي
جوري:اييي
وبعدني ظگت اول لگمة ومااتحملت ورحت تقيئت
زيد:جوري شبيج حبي مريضة؟؟
جوري:مااعرف
زيد:العصر نروح للمستوصف نحللج اظنج حامل
جوري:ياا ياحامل مستحيل اتمنى بس ماادري ليش مااصدك
زيد:هههههه بلكت واصير اب الله
جوري:ههههههه
وصار الغدة تغدينا ونمنا وگعدنا ب4 بدلنا ورحنا للمستوصف ولزمنا سرة وصاحو اسمي فحصتني الدكتورة
الدكتورة:حبيبتي شكد اطفال عدكم
زيد:ماعدنا
الدكتورة:مبروووك اجاكم اول واحد
جوري وزيد:😳😳
زيد خطية گيف وباس راس جوري وگام يبجي من الفرحة
ورجعنا للبيت وماخلاني الزم عود شخاطة ادري شنو السالفة ششايلة ومر اشهر على حملي وصرت بشهر 7 كل مااكول لزيد خل نحلل يگول احسن من تجيبين

وبلگوة اقتنع وصدك رحنا وشايلة هم
فحصتني الطبيبة وگالت حامل ببنية
زيد طارر من الفرح يگول اخيرا راح اصير اب واب لبنية كيوت مثل امها ههههه

ومر الشهرين بصعوبة علية لان كل اسبوع اروح للمستشفى لان اتخربط وصرت بشهر التاسع وجبت البنية واجة باسني براسي زيد وحرنا شنسميها واخر شي بعد اسم مني ومنه قررنا نسميها ديمة وعشت احلى حياة وية زيد ودمدومة

والعبرة من القصة ان الله مايضيع حساب احد ولو طال العقاب بس مايضيع حق الانسان ولازم كل اهل ينتبهون على اولادهم ولو توفى احد من الوالدين لازم اذا قرر يتزوج يعرف شيختار حتى مايمر ابنه بألي مرت بيه جوري وشكراااا
                              النهاية
،،،،،،،،،
اتمنى تكون قصة طفلة قاتلة نالت اعجابكم وحبيتوها اني عندي امتحانات هالفترة بس راح ابدي انزل قصة من اقرغ واذا تگدرون اليوم وباجر والخميس تكتبون شنو القصة يلي تريدون ابدي انزلها وقصتي القادمة راح يكون اسماء الابطال من اختياركم وراح اختار من بينهم واذا عدكم افكار للقصة القادمة اكتبوها بس مو فصلية قصة اخرى اكتبولي بالكومنت احبكمممممم ❤❤❤تفاعلو