طفلة قاتلة

البارت الثالث

#الكاتبة_سهى_الشمري
#طفلة_قاتلة
حبست في سجن ابدي لقاء خطئي الذي اقترفته دفاعا عن نفسي ولكن لما انا الوحيدة التي اعاقب ؟؟
.....
بعد ماضربوني ابرة مهدء ماحسيت على شي كعدت بالليل بالغرفة الي بالمركز وانفتح الباب واجة بابا
ابو جوري:بابا بس اسمعيني الله يخليج
جوري:كتلك اطلع وعوفني انت فضلت مرتك وابنها علية ولا مرة كتلي بنتي شنو الفرق هسة
ابو جوري:بويه اني ندمان والله وحتى مرتي طلكتها
جوري:مو مشكلتي
ابو جوري:الله يخليج وشتريدين اسويلج
جوري:ماشي طلعني من هذا المركز
ابو جوري:موو...
جوري:شنو موو معناتها ماتكدر اذا عوفني بحالي ولاتخليني اشوفك بعد يلا 😢
وراح ...
كلش تعبت نفسيتي خلال هاي الفترة وتجيني احلام وكوابيس عن حسام واصدقائه
بعد كم شهر
طلعت لحديقة المركز كاعدة على مرجوحة
اجت بنية يطلع عمرها 16/17 كعدت يمي
منار:اكدر اكعد لو تضوجين؟؟
جوري:كعدي عادي
منار:شونج
جوري:هو الي عايش مركز مجانين شونه
منار:وياج حق شكد صارلج هنا؟؟
جوري:9اشهر  وانتي
منار: سنتين
جوري:ليش
منار:اني عايشة وية اهلي ابويه وامي وصارت عركة بيني وبين اختي الاكبر مني فصرت عصبية ومو بوعيي طعنتها بالسجينة بس والله ماجان بقصدي  😭😭
جوري:لاتبجين الي صار صار وانتهى شكد راح تبقين هنا
منار:لان عمري 16 وقاصر وكان حادث راح ابقى بعد 5سنوات وانتي ليش
جوري:اني ...وسولفتلها كلشي من ولادتي لحد الحادث وكتلها راح ابقى 5سنوات اتعالج
منار:ههههههه صارلنا ساعة نسولف ومانعري اسامي بعض
جوري:ههههه صح اني جوري
منار:عاشت الاسامي اني منار
جوري:اتشرفت بيج
منار:الشرف الي
وظلينا نسولف وكل شوي تجي لغرفتي نسولف
......
بعد كم يوم
اكو وحدة اسمها زينة شفتها تتعارك  وية منار اجيت فليتهن عن بعض اشو هاي جابت صديقاتها وتعاركنا صارت عركة قاتلة اخر شي اجة مدير المركز وكم دكتور بلكوة فكونا وعاقبونا وكعدنا ننضف المركز عقاب النا محسسيني بمدرسة داخلية ههههه
بس مع ذلك جانت حلوة هاي الفترة لان تعرفت على منار وصرنا اعز صديقات ونفرح من نشوف وحدة تعالجت وخلصت فترة حكمها ويطلعوها وننتظر موعدنا احنا بس طبعا شخصيتي ظلت عدوانية بس وية منار زينة الة اني اي احد يقترب مني اتصرف بطريقة متوحشة مو بيدي ماااعرف ليش اتمنى اتغير بس مااكدر اخاف من كل شخص 😔
جنت اتمنى اطلع من المركز اريد اشوف الدنيا شون صارت شتغير بيها ماتغير اريد اشوف العالم الخارجي
........ستووووب خلص البارت اتمنى يعجبكم بعد شوي انزل بارت ثاني ومشوق وكولش حلووو وراح نتعرف على شخص جديد بالبارت الجاي ترقبو من هو 😉😉😉