طفلة قاتلة

البارت الخامس

#سهى_الشمري
صدفة واحلى صدفة وبصيص امل يشق الطريق لمساعدتي هل سانجح ام لا

بعد كم يوم وظل هذا الدكتور يتكلم وياي بلشت اتحسن بس ماادري ليش مارتاحة لشي
زيد:جوري
جوري:نعم دكتور
زيد:اريد اعرف شي
جوري:تفضل
زيد:انسي كوني ودكتور وانتي بمركز اعتبريني صديق وسولفيلي ليش انتي هنا
جوري:😯☹😮
زيد:جاوبي
جوري:ما اكدر
زيد:لاتخافين احجي حتى اساعدج
جوري:اني.... وسولفتله كولشي ..بس حسيت راح يتخلى عني ماطول عرف وراح مايساعدني حتى اطلع
زيد:هذا السبب اذن اوك ان شاء الله تطلعين بسرعة
جوري:انت ماراح تساعدني مو لان قاتلة صح؟؟
زيد:طريقتج كانت دفاع عن نفسج وهذا مو غلط
جوري:يعني
زيد:يعني ياست جوري راح احاول اساعدج
جوري فرحت انو ماغضب او توتر او خاف مني
وعافني وراح اجت منار
منار:هلووز
جوري:هلوززات
منار:اممم الدكتور جان هنا
جوري:دنجبي كومي نطلع للحديقة
وطلعنا وتمشينا
منار:شو ماهو هذا دكتور امجد ماشايفته لهسة
جوري:احممم
منار:وجععم اي والله بعدني ماشايفته لاتحمحمين يمي
جوري:هههههههههه
وفجاة شفنا واحد  شاب يطلع عمره 25او26هيج شي يعني واكف ويتلفت يمه
منار:ويلاه شوفي
جوري:جنه متيه او هيج مو
منار:دكولي منثول تجي فيت هههههه
جوري:ههههههه
وانوب اجة يمنا
امجد:السلام عليكم
البنات:وعليكم السلام تفضل
امجد:زاد فضلجن اةة بس ردت اعرف شغلة وين غرفة الدكتور زيد اني دكتور جديد هنا فمااعرف بس هوة حتى اندل
البنات:انت اذن دكتورر امجد
امجد:هههه تعرفني يعني
جوري:دكتور زيد دكتوري وكاللنا راح تجي
امجد:هاااا اوك اذن انتي جوري مو
جوري:ايي
امجد:وانتي منار الي راح اعالج مو صح
منار:امم
امجد:تشرفت بيجن
البنات:واحنا هم وراح
منار:خرررب هذا دكتوري هلة بالحظ الزين
جوري:زاحوفة هههههههه
اعرفكم بنفسي اني امجد دكتور نفسي عمري 26سنة اعالج بمركز ببغداد وانتقلت للعمارة لمركز هناك وكالو راح اتسلم حالة بنية اسمها منار وعمرها 19 سنة واني معضل العب حديد وعندي صديق مقرب اسمه زيد هم دكتور وصرنا اثنينا بنفس المركز وطويل اني 188سم واسمر وعيوني وساع سود وعندي لحية خفيفة اجيت للمركز ادور على زيد ماهوة كال اني استقبلك بالمركز عود فاني انتظرته ورة شوية شفت بنيتين بالطعشات او العشرينات مااعرف وسئلتهن وبالصدفة عرفت وحدة بيهن مستلمها زيد والثانية اني استلمها وعجبتني صراحة ههههه بس المشكلة اني خاطب عيب هالتفكير مجود هههه وانوب رحت لكيت زيد تسالمنا وظلينا ندردش وحان وقت معالجة منار لاول مرة رحتلها وظليت احجي وياها وعرفت سالفتها وقررت اساعدها واخليها تأمن بية حتى تتغير شخصيتها
...........ستوووب بالليل اكمل اعرف قصير كولش بس عندي احتفال باجر بالدوام لهذا لازم اجهز واسحب شعري واجهز غراضي وهاي السوالف تعرفوها ههههههه