"قصة عشق"6
أنتي اللي دمرتي هاذ العلاقة كلشي بسبابك ، بسباب كبريائك و النفخة الخاوية .. ويلي علاش كنضرب في راسي ؟؟ علاش كنهضر مع راسي ؟؟! صافي تسطيت ..😓
اللهم إني أستغفرك يا رب .. يا ربي ما يكون طرا ليه والو ، مغاذيش نقدر نسامح راسي عافاك أ ربي متحملنيش وجعو ؛ولا ذنوبو عافاك أ ربي حفضو من كل شر ، مبغيت والو ..عافاك أ ربي اعتابرها آخر أمنية نطلبها منك .. عافاك أ ربي 🙏🏻😰😰
هزيت غ صاكي و مشيت كنجري .. وصلت للطوموبيل أول حاجة شفت هي ليصونص ، الحمد الله عامرة .. شديت طريق ، و بديت كنسوچ بواحد السرعة فحال المجانين .. مغاذيش نوقف ، لا منوقفش حتى نوصل لعندو .. حتى نشوف حبيبي بعينيا .. حتى نفسر ليه كلشي ونفهمو و نچر ليه باللي حتى أنا كنبغيه قدرو و يمكن أكثر ..
غير سچت مية كيلومتر جاني نعاس في طريق و ليت كنلعب بالطموبيل و عيني كنسدهم نزيرهم و نرجع نحلهم ؛ حتى فهمت باللي هاذشي خطر اللي كندير فيه ؛ كون غير أنا بوحدي .. ناس أبرياء نقدر نتسبب في فراقهم مع حبابهم كيف ماتسببت فيه لراسي !
هذا غير المهدىء اللي عطاوني في سبيطار باقي مأثر فيا وقفت سرحت سياج و تكيت وغير حطيت راسي نعاس مشى .. وبقيت نفكر بغيت غير نفهم ؛ شنو اللي طرا .. وهي طيح عليا فكرة ؛ اختو جيهان ؛ غاذي نحاول نستدرجها بشوية حتى تهضر معايا .. وحليت الواتساپ ورسلت ليها ميساج !
مساج الأول : هيك جيهانو ما تعايديني ؟؟! ولا حتى كلمة سنة حلوة؟؟!
مساج الثاني: بس أنا والله ماني زعلانه منيك .. طب شوفي ان طلعت حلوة ولا لا ؟؟!
مساج الثالث: مقطع من ڤيديو ديال عيد ميلادي أحسن لقطة رسلت ليها ؛ اللي كنقز و نشطح فيها لصقتها مع اللي فيها الكادويات 😔 غاذي تعجبها ختى أنني عندي فكرة كيفاش غاذي تكون ردة فعلها البريئة ..
مساج الرابع : تصاور ..
تسنيت حتى عييت والو ما حلاتش الميساج .. و آخر ظهور ليها مازال قديم !
بقيت شادة التليفون في إيدي باش إلى وصلني ميساج نسمعو حتى غفيت .. شوية و ملي فقت رجعت شديت طريق !
ومعرفتش علاش الجسد ديالي مبقاش كطيعني مبقاش شاد معايا الريتم .. أنا اللي مالفة نسوچ حتى عشرة سوايع بلا منوقف .. دبا ساعة مقادراش واخا كنفورصي على راسي ؟؟! شنو طاري و علاش هاذ العكس ؟؟!
وكيف كل مرة سؤال كجرني لخوه حتى كنرجع نفكر في علي .. وبقيت كل ساعة كنوقف و نرجع نكمل .. لكن هاذ المرة ملي وقفت طليت على الواتساپ و المفاجأة كانت جيهان شافت رسايلي و مجاوبتش؟؟! 😨
حاولت نرفع معنوياتي و نتفاءل بالخير ، حيث عارفة غير غاذي يشوفني أنا غاذي ننسى و حتى هو ! مجنون فحالي .. و في وسط هاذ البكى كلو ضحكت ! ضحكت حيث قربت على حدود الدانمارك و حيث جات في بالي تصويرتو و هو كقوليا : البروشينچ لازم شيلك ياه ؛ يا غشاشة انتي !
من غشنا فهو ليس منا ؟! لتكوني يهودية و ما صارحتيني ؟؟! 😡تعي لهون تعي
مكرضاش يخسر 😄 ومحسيتش حتى لقيت راسي كنضحك ..
وقررت نوقف نقاد حالتي غ شوية .. واخا لابسة غير سيرڤيت.. وهاذ المرة ما وقفت حتى لقدام باب دارو ديال الپاركينچ .. طوموبيلتو في الپاركينچ حتى هي .. البالكو محلول و بان ليا شي حد داز وايني مزعمتش نصوني في الدار نيشان .. رسلت ليه ميساج بالكونكسو ديال دارو 😂
أنا : علي ، تعى ع البرندة أنا تحت ..
وبقيت مقابلة البالكو و أنا في طوموبيلتي .. كاين الموت ديال البرد أوووف ..
تسنيت خمسة دقايق و مجاوبنيش .. هزيت تلفوني ووعيطت ليه نيشان في الخاص ؛ مطفي ؟؟
عيطت عند اختو حتى هي .. طافي .. ؟؟ أوف !
يمكن مكاينينش في الدار و غير تهيأ ليا شي حد داز ؟؟ لا أويلي الطوموبيل كاينة ؟؟ مشيت صونيت في الدار جاوبتني اختو قالت ليا شكون ؛ قلت ليها أنا سارا ، قولي ل علي أنا كنتسناه في الپاركينچ .. قالت ليا واخا !
تسنيت شوية ! وهو يبان ليا علي جاي لبالكو 😍😍😍 الروح رجعات فيا و ابتسامتي و صلات لوذنيا ! غمممممضت عيني و بديت كنشكر في ربي ، الحمدالله واقف على رجليه .. 🙏🏻🙏🏻🙏🏻 نحمدك يا ربي استاجبتي لدعاءي خرجت من الطوموبيل كنجري 🏃🏻🏃🏻 و غير هزيت راسي ؛ رجع دخل ؟؟ مال هذا هبيل .. مشافنيش يمكن و محلش تليفونو .. 😬
مقالتش ليه ختو باللي أنا لتحت ؟؟ هاوا رجع ، بقيت كنشير ليه بإيدي✋🏻 أوووف أو مالو عمى ..😳
رجعت دخلت بالزربة للطوموبيل هزيت التليفون وغير تلفت جيهتو .. شعل الجارو وكشوف جيهتي مشيت نجري و ميتة بالفرحة و أخيرا قربت لقدامو و متأكدة شافني دبا ، بعيده عليه بشي خمسطاش متر ، كشوفيا وككمي كأنه مكعرفنيش؟ قلبي بدا يدق بجهد و ريقي مقدرتش نبلعو .. بديت نعيط علي علي و مجيت فين نوصل تحت البالكو ، سدو و مشى ! 😰😰
مشيت نجري للباب القدامي .. صونيت صونيت صونيت مجاوبني حتى حد .. بديت كنصوني عند الجيران كاملين ؛ خاصني نشوفو ، خاصني نفهمو .. خاصو يسمعني .. كنسوني عليهم بالتتابع .. حتى حد مبغى يحل عليا ؛ بان ليا اسم عربي في الصونيت بقيت كنصوني حتى جاوبوني .. وقلت ليهم باللي انا صديقة جارهم .. وبعد تحقيق حلات عليا ! طلعت نجري .. صونيت في الباب حلات ليا ختو وهي مقاداش تشوفيا ؛ و سدات الباب في وجهي .. بقيت كنصوني نصوني .. شي جوج دقايق .. والديه لداخل ختو و يعلم الله شكون آخور .. عيب نصوني هكذا ! بركت في دروج ساعة و أنا كنتسنى .. بلا فايدة ، ماشي أنا هي الإنسانة اللي جيت أول نهار كندق على هاذ الباب ؛ يا إما الباب تبدل ؟؟ يا إما غلطت في العنوان ؟ بعد كلشي عطاهم قلبهم يسدو الباب في وجهي ..كنحبس في راسي باش منبكيش كنستنشق الهوا و نرجعو .. قلت نتخبى ورا دروج اللي كديو الپاركينچ باش الى بغى يخرج من الباب اللوراني يلقاني في وجهو وايني بلا نتيجة ساعتين و انا كنتسنى .. حبست الباب خشيت فيه كلينيكس باش يبقى محلول .. وخرجت ! مشيت للطوموبيل ندفى شوية لابسة غير تجاكيطة ديال سيرڤيت خفيفة قتلني البرد تكون شي سبعة تحت الصفر ..
ودرت للجيهة الثانية ؛ كيف ما كان الحال مغاذيش يقدر يهز الطوموبيل بلا منشوفو ! وما جيت فين نوصل حتى كبان ليا جاي و في إيديه ڤاليزة ؟؟ 😳😳 مشيت نجري عندو !
أنا : علي ليش ما بدك تحكي معي؟! وبغيت نشد ليه في إيديه .. رجع خطوة اللور وبعد مني ..🙁
علي: مابعرفيك .. ولا تقربي عليي ؟؟
مالو في نيفو؟؟ وحنكو؟؟ 😳 ربى شعر و اللحية 😔
أنا: علي ؟؟ بليز حكيني شو صار بوججك؟! قلي شي ؟؟ عيب جيت لحتى شوفك .. أكثر من ألف كيلومتر و ما تعطيني وجج؟؟ وتسكر الباب بوججي .. اسمعني عطيني فرصة فهمك كلشي .. وبوعدك امشي دغري ..🙏🏻
مكشوفش فيا ، دخل للطوموبيل ، وملي حاولت نقرب منو دفعني وسد عليه الباب ، حتى طاح من إيدي التليفون .. جات اختو تجري ..
جيهان: اتوسليك سارا فلي ع بيتيك ؛ ما بدي ياكي تنأذي
أنا : بليز جيهان فهميني شو صار مع علي؟! ووجو ؟؟
جات ماماه ؛ بست ليها راسها فهميني شو صاير ؟؟ خالتي ؟؟
ماماه : ما بعريف ✋🏻 ابني أنا ما عم يحكيني من فترة ، وأرجوكي ، روحي ع بيتيك ! ما بعريف ابني صايرة ما عم اتعرف عليه ؛ كتهضر معايا و كتحشي الهضرة 🤐
علي: إمي ، مع مين بتحكي انتي ؟؟خلينا نمشي.. رح نتأخر
أنا :(واقفة قدام طوموبيل حابساه ؛ ) ✋🏻مش رح اتركك تفل حتى تحكي معك و تفهمني شو صاير و ليش وججك هيك !
أنت تقرأ
قصة عشق علي
Romanceقصة غرامية بالدارجة المغربية و الشامية ، تدور أحداثها ما بين فرنسا و الدانمارك .. علي سوري كوردي و سارا مغربية !
