قصة عشق علي

الجزء الثامن ٨

"قصة عشق " 8

وصلنا لدار أختو ؛ نزلو هوما أنا بقيت في الطوموبيل ..
علي : انزلي سارا ..
أنا : لا علي ؛ ولا تحاول .. بدك تاخذ المشاكل شخصيا ع بيت أختك وتسبب لي إحراج ؟؟!
علي : أي ، صحيح .. من الأحسن ما تشوفو بعض ،بشوفها دقيقة و أرجع ما رح أتأخر ..
بقيت كنتسنى في الطموبيل ؛ في الأول و الآخر عندي فين نبات ..أربع أيام و فيهم الفطور واخا معنديش باش ناكل ، الغذا و العشا و الأسعار الخيالية ديالهم .. في الفطور نبقى ناكل حتى منبقاش قادرة نزيد و نهار نكملو غير الما مالني غاذي نموت ؟؟!
حتى وقفات عليا ، أختو اللي أول مرة نشوفها من غير تصاور 😳😳
هي : هاي سارا  أنا شيلان ؛ اختو ل علي نزلي من السيارة رح تتعشي معنا ..
تعجبت لأنها مخلاتش ليا الوقت فين نقول لا غير نزلت ، جراتني من  إيدي سدات الطوموبيل و قالت ليا
شيلان : عيب عيب تجي لحد بيتي و تقعدي بالسيارة ؟؟ و ما تفوتي ..
أنا : تسلمي ، بس ما كان بدي أزعجيك .. وانتي مانك عارفة انو كنت جاية !
شيلان : ولو .. منيك غريبة و بيتي مفتوح لإلك كل وقت !
كتهضر بأدب كبير .. وحسيتها صادقة و بزااااف 😳 ماشي هي هاذي اللي قالت عليا مشاكل؟! مبقيت فاهمة والو ..
دخلتني لدارها ، و ماماه بقات كتقول يا ألف مرحبا ، فوتي ..
باباه غير كشوف و ساكت .. كأنه ممتافقش معاهم فشنو دارو و حشمان مني .. راجل كبير و مريض ؛ و جيهان دارت ضحكة كبيرة هاذ البريئة بالضبط عمرني نهز من جيهتها ؛ أبدا .. و علي متلفتش جيهتو ولا شفت فيه ، وبركت فوق الفوتاي اللي مقابل ليه ..
شيلان : تفضلي شربي شاي أنا بخلص الطبيخ و جاية ..خذي راحتك البيت بيتك أختي ..
بديت نشرب في الشاي و باقي سخون بزاف و كلنا كنتفرجو .. و صاقلين مكنستحملش هاذ الجو ! وبالخصوص أنا متأكدة كون مكنتش كانو جبدو موضوع كخربشو فيه بالكوردية !
خذيت راحتي و خذيت كاسي في إيدي ؛نضت و مشيت عندها الكوزينة .. ياك البيت بيتي ؟؟!!
أنا : شيلانوووو ؛ساعديك بشي خيتو ؟؟!
شيلان : لا حبيبتي قعدي حدي لو بديك ..
أنا : أققعد و تفرج عليكي ما فيني .. لازم ساعد و لا فل ؟؟! وريني بس وين الحمام غسيل إيديي ؟؟!
شيلان : الباب الثاني على إيدك اليمين .. تسلمي !
غسلت إيدي و چفضتهم و خذيت من إيديها القزبر نقطعو ..
أنا : شيلي عنييك هاي الشغلة بعرفها !!
شيلان : مشان لا تعبي حالك ؛تسلمي حبيبتي .. أنا رح حضير برغل !
أنا : عيوني عليكي .. رح اتعلم كيف اطبخو  !!
وبقيت كنهضر معاها و نوريها في الوصفات و حتى هي ..ونفس الوقت إيدينا في توجاد .. وكلما هضرت ليها على ماكلتنا كلما كتقوليا امممم شهيتيني ..
شيلان : خبرني علي إنك حاجزة بالأوتيل ؟! صح
أنا : أي ، صح ..
شيلان : أنا لو ماكان البيت كثير صغير ، كنت شلتيك فوق راسي !
أنا : قلتيها هلا كأنيك عملتيها وأكثر تكفيني نيتك !
شيلان : أي لكان بس توعي تعي لهون كلي و كمان علميني طبيخ مغربي و هيك شغلات ! بتعرفي إنو أكثر من مرة أكلت طاجين ؛ اممممماه كثيييير طيب 😋
أنا : لو مافيها إزعاج لإلك أي أكيد بجيكي وعلميك على راسي ..
شيلان : بالعكس .. بكون ممنونتيك أنا ! 🙏🏻
وبقينا نلكلكور ونتعاودو .. دخلات الحوت الفران و مشينا بركنا نشربو أتاي ، نهضرو و نضحكو ومرة مرة نعاود ليهم شي حاجة تضحك مرة معلومة ولا خبار .. المهيم درت ليهم جو .. و علي ؛ معبرتوش حتى هو اللي جا سرح رجليه حدايا فوق الكناپي و هضر معايا !
علي: أي ، سارا ما قلتيلي ؛ الأوتيل وين بالظبط ؟؟!
أنا : والله ما عم أتذكر العنوان لكن بعرف إسمو .."وايك آپ كوپنهاچن " پليز خذ الرقم و اتصل فيهم بس للتأكيد !
علي: أي ؛ عطيني رقم الحجز والمنطقة بالظبط لانو فيه اثنين هون رح تلاقيهن بالفاتورة !
وعيط و بقى ك لكلك معا المضيفة و يضحك ؛ ضحكها خرج من التيليفون و كهضرو بالدانماركية مقصرين تبارك الله ؛ وأنا صبرت حتى صبرت و درت فيه شوفة بنص عين ! ديال حسن ليك سد التليفون و لا نبهدلك !
علي: يووووووو ع النظرة الصاخبة .. غرتي؟؟!
أنا : ليش حتى غار ؟! ومن مين ؟! بعرفها؟؟! لكن هاي  قلة احترام ،شو كنت عملت أنت لو أنا كنت عم أحكي مع مضيف بهاي الطريقة ؟؟ وانت حدي؟! وعم چرچر معو و نكيت؟؟!
علي :  😳 شلووون بتغيري يووووو ، بس لو كنتي أنتي كنت  قبرتيك أنتي و ياه ! قدامي و لا ورايي 😤
أنا : ياده (ماماه) تقبرك و ماتتركك تقبرني  ؟؟ 
جاوبتني بعينيها أنها موافقة معايا !! وضحكات
علي : أي أي .. اتحدو عليي ..
طاب العشا ، حطوه  في الأرض ، ربعت و بركنا ناكلو ، شوية هز "الصلاية" و حطها ليا على رجلي ، باش يغطيهم .. حيث كنت لابسة كسوة و معاها ليبا"كولو" كحل و شفاف !
مفهمتش قصدو واش باش ناخذ راحتي ولا حيث معجبوش الحال يبانو فخاذي ؟؟ 🤔
تعشينا ؛ضحكنا ؛لعبنا كارطة..ودرنا حالة .. معرفتش علاش حسيت أنا منهم ؟! و كأنو عمرنا تخاصمنا .. وحتى علي حسيت بيه ماشي نفس الشخص .. حسيت بيه علي الاول اللي عرفت ، حتى البارح مكانش بهاذ المرح ..وغير نبدا نحن فيه كنتفكر تصويرتو مع لاخرة ..وكتقلب مزاجي ..
وأنا غادية ، قالت ليا أختو قدامهم كاملين ؛
شيلان : والله إنتي حبوبة كثيير و مبين عليكي طيوبة أكثر .. وبنت ناس ،مش إنتي نفس الإنسانة اللي حكو لي عنها ؛ و أنا بقليك هالكلام قدام الكل ..لأني عن جد حبيتيك من كل قلبي  وتلفتات في ماماها وفي علي !👀
أنا : مابدي أعريف شو حكو ليك عني و لا حتى مين حكى ، لكن اللي متأكدة منو إنو مرات الإنسان بيغلط و يحكم على الناس من الغلاف .. غالبا بيكون سوء تفاهم متغدي من إختلاف التقاليد و الثقافات .. ولا بشيل من حدا و أتمنى ما كون زعلت حدا فيكن و إن شاء الله ما تشوفو مني شر ! ويكفيني إني تعشيت بأطيب الأكلات 😂👍🏻
شيلان : يا أم القلب الكبير تعي بوسيك 😘😘
أنا : شيڤ باش باوك (تصبح على خير بابا  وشيرت ليه)✋🏻
باباه : تبسم ابتسامة عريييييضة 😉
حسيت بيهم كشوفو فيا بدهشة ..😳 ومشيت ..💃🏻💃🏻
داني الأوتيل ؛ مبودر صدرو و واثق من حالو 🙈 وقدام الباب ..
علي: سارا ؟؟ فيني نظل معيك بالأوتيل ؟؟
أنا : ليش إنت تركتني برات الغرفة لما حجزت الأوتيل .. أكيد فيك حبيبي !!
وبدى كيضحاااك ..وفرحان !!
و غير وصلنا الإستقبال ..شدني الموت ديال الضحك و أنا كنتخايل حوايج في راسي و كنطلب من ربي يتحققو 🙏🏻
سلمت على المضيفة و عطيتها تلفوني فيه النمرة 😂 و وأنا غاذي نتخنق بالضحك .. حتى علي بدا كضرب ليا على چفايا .. وسول البنت منين  يقدر يشري قرعة د الما ؛  واحد الراجل واقف حدانا مدها ليه .. و عطاها ليا بديت نشرب .. ونستاراح و نرجع نضحك !! وكنتسنى شي ردة فعل .. 😂 لكن علي معرفنيش باللي فهمت قبل منو .. ومطاحتش في بالو أصلا علاش كنضحك ! من سؤالو ..
علي: شو اللي ضحكيك هيك ؟؟!
مجاوبتوش .. ودورت وجهي .. 
وأنا نقول للبنت ؛بشوية الناموسية مفرقة عافاك .. مسمعنيش علي ..
"تشيك إن" داز بخيير حيث كنت خايفة يطلبو ليا الكارطة باش خلصت .. و علي واقف حدايا وشاد كارطة كقرا فيها .. المضيفة تلفات لعند علي وبدات كتهضر معاه  بالدانماركية .. و هو يذوبك تلفت لعندها ؛ من نبرة صوتها فهمت باللي كتكمل ليه النكت اللي بدات معاه في التليفون ملي عيط يكونفيرمي الريزيرڤاسيو 😈
وغير عطاتني الكارطة باش نحل الباب سولتها باش نأكد ل ميستر علي أنني فهمت شنو قالت ليه و شكون هي ؟؟!
إنتي اللي كنتى كتهضري معانا قبيلة في التليفون؟؟!
قالت ليا آه ؛ قلت ليها: ظريفة بزاف شكرا ؛ متشرفين بيك !  تلفت عن علي ودرت فيه شوفه ومزيرة فمي حابسة الضحكة خفت نمشي فيها .. 😂✋🏻
علي : ليش عم تضحكي ، عيب شو سويتي ؟؟ ولا حدا فهمان ؟؟ 🙀 ع القليلة خبريني اضحك معيك ؟؟
أنا : قصدك خبرك حتى تضحك على حالك ؟؟! بس لو كان فكرك إنو رح تخليني غار من مضيفة مثل هاي انت غلطان ؛
فكرك إنو الدانمارك مثل بلادي و بلادك بيوضفو بس الحلوااات فائقات الجمال فإنت غلطان ! أغار قال 😂😂😂
علي : 😡😡😡 شو قصديك ؟؟!
أنا : ولا شي .. بس ماكنت عم ضحك عليها ؛ على وجك اللي صار عم يطلع بالحيطة 😂 حتى انو قريت كل اللافتات الموجودة بالهال 😂😂😂
ياااااا ربي تسمح ليا طولها كان قد عرضها و خوييييييييييبة وزادها الحبوب مخبز ليها الوجه !   😬 وواخا ظريفة عويناتها زايغين .. وغير عرفاتو هو اللي كان مجمع معاها في التليفون بدات كتحلون عليه 😂
"أنتي يا الحبيبة ؛ يقولو ليا يجيبوك ضرة عليا أنا نوجد ليك دهازك و منخليش اللي يغوت عليك .. نسكنك معايا  نوكلك و نشربك بإيديا ؛ نتهلا فيك فحال النونوس ديالي  "سالار" (سميتو هكذا لأنه أول مرة شفتو و عنقتو هزني لمكان بعيييييد كيشبه ل سالار دي يوني )
يظل يقرسني ببطة و دبة ويقلع ليا الماكلة من يدي ؛مكرهنيش مناكلش .. كول دبا كول يالاه 💃🏻💃🏻💃🏻
وحنا طلعين  ؛ لآخر إيطاج ؛ كنفكر ..الغرفة غالية ؛ وايني والله ما نكبرها في راسي ؛ ولا نبان قدامك طلابة .. هاذ ليامات غاذي نشد الشوماج و التعويضات الطبية وزيد عليها نص الخلصة ديالي اللي مازال مخديتهاش حتى هي  .. خاصني غير منساش نعيط ل مراد يرسل ليا الفلوس ؛ المشكل خاصني نتسنى حتى لثنين ..يحلها ألف حلال !
دخلنا ؛ الغرفة فنة بالخصوص حيث كنطل على المدينة كاملة ؛ منظر أكثر من رائع .. ونا مولفة بسطوح هي هاذيك جاتني على هوايا 😂😂
علي: وقفي وقفي سارا.. في تختين  ؟؟ ليش 😳😳
أنا :بعريف علي ؛ غلطنا مرة مش رح نعيدها أكيد ؛ ضعفنا مرة مش رح تتكرر بوعدك  .. إلا إذا كنت واثق من إنك ضعيف و على طول ؟؟ ولا شو رأيك ؟؟
علي : 🙄🙄🙄 أي معيك حق !!
حسيت بيه تزير وماعرف باش يجاوب .. وبدا كقلب شنو يدير..
أنا : ننزل على اللوبي بار .. لس الوقت بكير !
علي : أي والله فكره ..
هبطنا ومشينا الاستقبال نسولو على البار ديال الأوتيل .. وإذا بالمفاجأة كاينة بنت وحدة أخرى هي كبيرة شوية في العمر  .. وبدا كدردش معاها و أنا فهمت شنو كقوليها غير من جوابها ؛ سولها على أصولها واش لبنانية و قالت ليه أنها كولومبية .. لااااااا زودتها كثير هاي المرة ! وجات معانا توريه لينا .. وتلفت يشوف ليها في "لاطاي ديالها" كانت مقادة !
أنا : خذ راحتك ؛ اتطلع اتطلع ! 😡
علي : 🤓 كان بس بدي شوف شي !
درت راسي مسمعتوش و سبقتو للوبي كنزرب .. غير دخلت أول حاجة شفت ؛ مجموعة ديال صحاب عرب؛ شافوني كلهم تلفتو فيا 😍 عرفوني عربية و أنا عرفتهم توانسة من لهجتهم .. شبييييك يا راااااجل انت  😂 بالالحان
جا علي ضرچتهم وقلت ليه جيب ليا كاس د الما و بركت قبالتهم .. متشاورتش 😈
ونسمع في واحد من صحابهم قاليهم : من صباح و حنا نفركسو على وحدة عربية ؛ توا جات قعدت بحذانا ..
وجاوبو الثاني : و راس أمك خلي الليلة تعدي على خييير يا خويا .. مشفتش معاها حبيبها ؟!
عينيا على التلفون ؛ وذني معاهم .. و مغيرتش تعبير وجهي .. وكنقول في خاطري ! دبا بدا اللعب ديال بصح ! غاذي نعلمك أصول الإحترام وفصولها ؛ تك تك 👆🏻
رسل ليا علي ميساج ..
علي: شو ع بالك  تشربي ؟!!
أنا : پينا كولاتا (تقريبا ف پينا كولادا)🍹شكرا
واحد منهم وقف عليا ؛ وقال : عايش أختي ؛ مفماش عندك بريكَيَّا ؟؟ (بغى بريكا)
نحنحت ليه براسي ، لا .. ومشى وهو كشوف فيا
خليتو حتى برك شفت فيه ضحكت و قلت ليه : أنا  كي فهم شويييية آربية ؛ هضر أنت فرانساوية ؟؟! لعبتها نازلة من القمر 😁
نقزو كاملين : وييييي بيان سيغ (طبعا)
أنا : ڤوزيت دوغيجين تينيزيان؟؟!أو جمو طخومپ؟!(انتوما توانسة ولا جاب ليا الله؟!) 😬😂
وبقينا حث حث شي جوج دقايق؛ وكلمة و ضحكة ؛ وكنضحك بعينيا ونعسهم وندور راسي بشوية جيهتو؛ جهد اللي نشوف علي  ☺️ و حتى البلاصة اللي مضلمة عاونتني باش ميشوفنيش !
واقف على الكونتوار كتسنا في شنو كوموندا 🍹
كشوف جيهتنا و أكيد مع كنهضرو بجهد سمعنا ..
والضو اللي ضارب فيه خلاني نفهم باللي كبخ دم استمتعت بتعابير وجهو و من صباعو اللي كطبطو فهمت قوة الحرقة اللي شاداه .. وكنظن أكثر بشويتين من النار اللي شعلها فيا قبيلة .. وأنا كنتجاوب معاهم غ تا وقف عليا مستر علي ..🤓
هز صاكي بواحد جهلة و قاليا : قومي يالاه ؛ الغلط عليي جبتيك ع هيك أماكن  ..كنت مفكر حالي لساتني بالدانمارك 😡
ناض واحد منهم ؛ بغى يتشاد معاه .. وقفت قدام علي كندفع فيه .. وقلت ليهم بالفرونسي : سيل ڤو پلي نو غونطخي پا دون سون جوه (عافاكم متدخلوش معاه في لعبو )🙏🏻
واحد جر صاحبو بركو و قاليا ؛ عايش أختي ..وتلفت لعند علي و قاليه ؛ سامحنا خويا ! 
مزدتش معاه كلمة لا يولي فاضحني قدامهم ،جرني من إيدي كنت غاذي نطيح ؛ مع طالون .. وليت كنجري كشي روبو حتى وصلنا حدا الاستقبال و وقفني ..   
علي: إنتي بديك تجننيني شي ؟!
أنا : أكيد لا ، بس قلت احزور من أي بلد هني .. قولك احزرت صح ولا لا ؟؟! طبعا قوية قوية أنا💃🏻💃🏻💃🏻
علي : شو هاذ ؟؟! من وين تعلمتي قلة الاحترام ؟؟!
أنا : أووووه مين بيحكي ؟؟! أكيد منك .. طبعا !!
علي : كيف يعني مني ؟؟ 😳
بذكرك وحنا بالبيت ؛ كنت عم تچرچير قدامي مع المضيفة وتنكيت ؛ ولما جينا ع هون قمت عم تسأل هاي الختيارة من وين هي و مابعريف شو كمان ؟؟! لا وما كتفيت ب للك لك قمت عم تطلع فيها بإعجاب .. فكرك لأنو ما بحكي دانماركي يعني ما رح أفهم شي ؟؟! 😡
زير فمو بقى كشوف فيا حيث ملقاش باش يجاوب ..واخا باغي يجاوب !!
أنا : ما بدك ياني ولا ما مليتلك عيونك ؛ أوكي .. تركني فل عند صديقي و كفي عطلتي ع كيفي وبدون حسابات ؛ اظهر اسهر ارقص ولا اعمل حساب لحدا !
علي : لا ما راح تفلي لمطرح ، أكيد بدي ياكي ..
بس انتي مانك فهمانه شي .. سارا 😞
أنا : ليش هيك اشيا بدها ماستر غزل ؟؟  أنا ولا مرة قللت من احترامك ولا مرة طلعت بشب حلو كان و لا لا .. مش فهمانة شو ؟! أنو إنت زلمة ،رجال مش المراة ؟! ..
علي : ماكان قصدي هيك ..
أنا : قصدك ؛ حبيبي قصدك ،لتفكر انو ربك خلقك بأوپشن زيادة عني ؟! أنا كمان فيني أضعف قدام حدا حلو ..
علي : عن جد ؟! أوووهو ؟؟ شر بيعجبك قتلني الفضول والله
أنا : لو بيعجبك طيي** البنت أنا كمان بيعجبني طي** الشب ؛ لو بيعجبك صدرها الكبير أنا كمان بعجبني صدر الشب العريض وبس شوفو حتى على بعد 150 متر و دولابين ملابس فيني قلك كم قطعة بقلاوة عندو ببطنو 😍 لا ومش هيك و بس ؛ كمان بجيب لتر عسل و بصبو عليها وببلش آكلها .. واستمتع فيها 😍 قطعة ورا الثانية 😋
علي : (حط إيديه على فمي ورإيد ورا ظهري وجرني لعندو بجهد ) مابدي أسمع ولا كلمة خلص ..بعتذير ، پليز سكري الموضوع 
مخرج فيا عينيه و مقربني منو ..ومزعزعش عينيه ؛ وأنا عينيا من عينو الليمنة ل الليسرى ؛حسيت بيه ندمان و صادق أكثر من أي وقت ؛ حسيت بقلبي بدا يضرب ليه من جديد ..حتى طلعات قدامي صورتو هو وياها اللي شفت صباح ؛ دفعتو و قلت ليه :  ما مدام أصريت إنك تجيبني معك و تظل حدي  ف ع القليلة احترمني ؛وبنصحك☝🏻️ ما تتستفز أنوثي حتى ما بعثر لك رجولتك ؛ ومن هون 👇🏻و رايح رح كون مرايتك بكل شي .. (كنغوت و عينيا مغرغرين بدموع  من صورة اللي شفت و مازال كتغلغل فيا )
علي : سارا سامحيني ما كان قصدي ..وبوعدك ما راح عيدها ..  انطريني هون رح جيب الكوكتيل و ارجع ؛ نشربو بالغرفة ونلعب ورق شو رأييك؟!
نحنحت ليه براسي واخا ؛ ومشيت جيهت لاسانسور بقيت واقفة ..وكل مرة كنفكر فيه هو وياها غلي ككبر و قلبي وأنا نسمع هضرة ديال واحد مغربي .. وبديت نقرب من الصوت ؛ جاي من ورا الأسانسور ؛ كنشوف غير رجليه بارك و لابس سبرديلة چوتشي و سروال دجين  كحل .. وطفيت تليفوني دزت من قدامو  تليفوني على وذني و أنا كنتمشى وبديت نهضر بالمغربية .. وكنشوف في الأرض ومرة ندور عيني للجنب ونهزهم الفوق باش يبانو ليه كبار .. 👀 😁 
أنا : صافي أ ماما كوني هانية ؛ غير سيفطيهم ما نجي فين نرجع الفرنسا حتى يكونو وصلوني ..غ متنسايش تكثري ليا من كعب غزال و غريبة البهلا 😬
وسكت شوية و كملت الهضرة بالفرنسية  : جوڤوزيم طخي طخي فوغ .. پاس مون سالام أ تو ل موند ( كنبغيكم بجهد ؛ وصلي سلامي ليهم كاملين )
تبسمت وأنا كنرجع نشعل في التليفون ؛ زعمة فرحانة وأنا كنتمشى رديت شعري للجنب .. وتبادلت الابتسامة مع واحد شارفة چاورية ؛ 🤓 ورجعت بلاصتي فين كنت واقفة ! وحسيت بيه ناض من بلاصتو .. 🏃🏻
وفي نفس اللحظة بان ليا علي كقلب عليا بعينيه ؛أنا هون .. أنا هون .. والخيال اللي كان ورايا تحيد !
وقلت ليه آجي نبركو في الهال هنا .. خاوي !
علي : أي فكرة ،أنا آسف ، ع التأخير الزلمة كان بحكيني و ما عرفت كيف اتخلص منو ....
وغير خطا خطوة حتى شافو و تلون و أنا كنشوف فيه .. وكنقراه .. وغير دورت وجهي لقيت المغربي كشوف فيا ! وبركت بجنب و علي قبالتو نيشان ..
بديت كنهضر بجهد باش يسمعني المغربي ونزيدو فضول ؛ ونظراتو ليا كافيني باش نقلي ل علي سمو
وبطرف عينيا كنحس بيه كشوفيا متعجب زادني ثقة في الخطة ديالي ..
أنا : علي ؛ أختك مبين إنو حالتها مش تبع وحدة سقطت  اليوم .. كنت مفكرة إنو رح تكون تعبانة بالتخت و مو قادرة تتحرك ؟؟! شو القصة؟؟
علي : أي لأنو القصة صار إلها أكثر من أسبوع و هي لهلا ما عم تقدر تنسى .. فلما اتصلت فيني و هي مدمرة أثرت فيي كثييير .. قلت باخذ أهلي عندها بلكي تستانس و تنسى شوي .. مثل ما شفتي بتظل لحالهت و زوجها بيرجع من الشغل مش قبل الساعة طناشر !
أنا : آه لهيييك ؛ منيح إنو ما حسستها بشي ؛ وتفاديت إفتح معا الموضوع !
علي : أي منيح حبيبتي ..
حبيبتي ؟؟ 😳 ياااه عندك الحب ساهل ؛  كنت عارفة صباح شي حاجة ماشي هي هاذيك ، وأنا نتفكر أول إحساسي ؛بأنهم مكانوش جايين لكوپنهاچن ..حيث ملي دخلت لعندهم للدار عاد بداو كجريو يجمعو في حوايجهم ، دبا أكد ليا باللي كان باغي يمشي عند حبيبتو .. ماشي عند ختى مبقاش عندي شك ..😞 وكل ما تفكرتها كنزيد نتشحن عليه ! 
درورت عيني شفت فيه بالزربة وحنيت عينيا وملي شفت في علي لقيتو  كيخنزر فيه ! عاد مازاد حلى ليا الكوكتيل  ..
أنا : كثير طيب الكوكتيل .. ومش حلو أكثر من اللازم ! متوازن ع لساني بالظبط ..
علي: يالا ع الغرفة بدي فرجيكي شي مهم ..
فهمت باللي ماستحملش يتقاسمني معاه شي حد ولو غير بالنظرات؛ غريب أمرو كيفاش كنتاظر مني نتقاسمو قلبا و قالبا؟؟
أنا : شو رح تفرجيني ؟؟ لحيوط؟؟
علي : كثيييير رح تنبسطي ..
ومشينا لاسانسور و طلعنا و غير دخلنا للغرفة بقيت واقفة وقلت ليه ..
أنا : يالاه بدي شوف ..
تلفت عندي ودفعني على الحيط ؛ وزيرني من ذراعي بزوج
علي :شو بديك تشوفي ؟! ما شفتي كيف كان عم يطلع فيكي ؟؟ ما بستحمليييييل بغار عليكي افهمي بقى ..
أنا : آييي تركني ؛ كثير عم توجعتني ..  😤👿
علي : بعتذييير مكان قصدي ..
وطلق مني 😕 دخلت للحمام بدلت حوايجي لبست پيجامتي وتخطيت من فوقو و طلعت بركت في جناب الشرجم ؛(كبير و عريض و كلو زاج المنظر كطل على المدينة كاملة ) درت سماعات في وذني و خدمت أغنية " كناسين -سيبال جان " معرفتش علاش ؛ ملي ما كنبغي نشكي لحد كندير موسيقى تفهمني تواسيني  و تقول في بلاصتي شنو أنا مقادرش نقولو حتى بيني وبين نفسي ، بالخصوص أنني في مرحلة الاستكانة في الحب ؛(  الذل و الخضوع وميبقاش كيتحكم في راسو ) لمن ولا ل شكون نقدر نعاود بالتفصيل ؟؟ لمن نقدر نعاود أنك ذليتيني ؟؟ إلى كنت رافضة نعتارف بيها لراسي ؟؟
كل ضو من أضواء لمدينة كدخلني في تساؤل جديد ؛وبقيت كنفكر ف كلشي ؛ في شكون تقدر تكون هاذيك امتى عرفها و امتى بغاها ؟؟ وباغي يوهمني أنه كغار عليا ؟! هاذي ماشي غيرة هاذي حب التملك ؛ فكرني غير في الدري صغير ملي ككون يلعب بشي حاجة و إلى مل منها كلوحها و غير يشوف شي حد هزها في إيديه ك غوت و حيح بحجة أنه باغيها ! نفس الطباع ، كنت عارفاك طفولي لكن ماشي من نهاذ الناحية ؛ لكن نوعدك حبيبي مغاذيش نخلي قلبي يكون لعبتك  أبدا ، أبدا ✋🏻😞
كنوعد راسي و عيني كتسارا المدينة شارع شارع .. وبين كل شارع كنشرد و نضيع ؛ و كل شارع كندخل من خلالو لأزقة الذكرايات ; كل شي عشتو معاه زوين ندخل في تفاصيلو  درب درب .. ولا حتى شنو دار فيا ؛ و خيانتو و حسرتي على "علي " اللي عرفت أول نهار وأسفي على تصويرتو المثالية اللي استبدلها بصورة "زير نساء"  وغير نتوجع كنغمض عينيا ؛ غير ثواني نستوعب بيها الألم و نحس فيها بالجرح اللي خلاني ننزف .. وغير نحس بقلبي بدا يتقطع نرجع نحل عينيا من جديد.. على أمل أن العذاب يوقف  😔
وتلفت بقيت كنشوف فيه ؛ كنحاول نفهم ؛ كيفاش حتى درت و صدقت كل كلمة قالها ليا ؟؟! كيفاش غشمني ؟! كيفاش عطاه قلبو يلعب بيا؟! و ملي عينيه تصادفو مع عينيا دورت وجهي و رجعت نقلب في الشوارع على عذابي ؛ على راحتي ..😔😔😔
حتى حط راسو فوق فخاذي ومنطقش كلمة وحدة .. وغفى .. وأنا شردت في تفاصيل وجهو ؛ هاذ الوجة الملائكي اللي خلاني نبغيه ونتدل ليه .. هبطت من الشرجم بشوية وبقيت مسنداه على ذراعي حتى تكيتو في بلاصتو ..ومشيت لبلاصتي ننعس ; يصبح و يفتح ..