#نمشه

البارت الثاني

للكاتبه نور الربيعي 

البارت الثاني

من بعد مافكرت بالحجي الي لازم احجيه لابويه ولازم اطلع من هالسجن الي صارلي بيه اسبوع رجعت اتذكر اول يوم عرسي
......الصبح اجت اختي ميساء ومرت ابوي كعدني حسن
:: نمشه كعدي اجو اهلج
::شعدهم جايين من الصبح ماشبعو مني
:: ههههه لج كومي جايبن الريوك وبعدين العروس لازم تكعد من الصبح هيه الي تكعد العريس
:: تعبانه شكو كاعده من الصبح بعدين اهلي يدرون مااكعد من وكت ولا اتريك شكو جايبين الريوك
:: هههههه كومي نمشه اليوم يختلف عن كل ايامج الي فاتت حتى الناس يختلفون مو مثل اهلج ... ولازم فتره يلا تعرفيهم وتعرفين طبعهم
::اني عرفت طبعك من ليله البارحه
::ههههههههههههههههههه
.................
كعدت سبحت ولبست دشداشه ماروني ومكيجت خفيف وحسن كمل ونزل يم اهلي ونزلت وراء
رحت كعدت يم ملساء
:: ها ولج حتى هنا مخلصانه منج
:: دروحي ..سولفيلي شنو الصار
عكت حاجبي ::مثل ماصار بليله عرسج .....كمت من يمها وكعدت يم خيريه ام حسن
::البارحه عمتي ولا عافتني ضلت ويايه ولا اني مشفتكم كلشش
جاوبتني مرت ابوي ::والله عيني ندري ام زوجج خوش مره كلنا هيه اداريج
::يي مقصرت ويايه الله يخليها النا
باوعتلي وضحكت بقلبي اكول شوفي عمه بعدني ممعاشرتج وصرت مثلج لوكيه
امل::بعد بنتي نمشه امانه يمكم دربالكم عليه
خيريه::يابعد روحي اخليها بعيوني ...احسبها مثل بناتي وبعد هيه مرت حسن موشويه
::الحمدلله .... يلا لعد احنا نترخص
......
جرتني مرت ابوي ع صفحه
::البشاره وين
::يمه كلشي تمام ليضل بالج
:يي يمه دربالج ع روحج وهاي عمتج مبين مو هينه لتناسليها خليج زينه حتى لو ع غلط
::ان شاءالله يمه
بست راسها وراحن ....ضجت كلشش رغم رتاحيت من الاهانه الي احصلهه هناك بكل حجايه بسس بالاخير يبقون اهلي ....وحسيت بالغربه كلشش
خيريه ::بنيتي احنا بالبيت كل احنا نتعاون ....ومدام انتي متعرفين شي من الطبخ فالماعين عليج والحديقه ...ع ما تتعلمين الطبخ الله كريم لان اول وتالي تبقين بالبيت ...مرت عدنان تعتزل ...والبنات يزوجن ويطلعن وتبقين وحدج
::انشاءالله عمه
...........طبيت للمطبخ عباره عن كوخ الطباخ قديمه وكاتلها الدهن والوصخ والعيون خربانه ....والكاونتر حديد وبيبانه واكعات ...........والكاع دهن امشي عليه ....اباوع وبقلبي شلون عايشين هيج
باوعت لمرت عدنان ( جنان) صغيره بالعمر بسس مبين عليها اكبر من شكلها وملابسها المبهذله ...
بسس خوات حسن نعيمه وصابرين وشروق حلوات ومرتبات ويدرسن هم
ومحمد اخوهم الصغير احلاهم كلهم عيونه عسليه واشقر مدري عليمن طالع لا الابو حلو ولا خيريه بس ذره من الجمال
عدنان ضخم وطويل اطول من حسن ...ومبين اكثر هيبه من حسن ...وعرفت الي بالبيت كلهم يخافون منه ...
مرت الايام واتعودت عليهم وحجيهم ومرات عمتي ومرت عدنان اسمهعم يحجون عليه .....بس اتحمل واكول كافي مشاكل حياتي من صغري بس مشاكل .....يوم الايام اجت اخت حسن شروق للبيت
........تضحك وتسولف وياي حسيتها ارتاحتلي لان اول مره احجي وياه من بعد العرس...مزوجه وعدها بنيه وولد صغار
::نمشه مرتاحه ؟ احجيلي لجاوبين اي لو لا سولفيلي شلونهم وياج
:: الحمدلله والله مرتاحه ...وعمتي والبنات زينات وياي
::وجنان ؟
:: شروق انتي تعرفين الغيره الي تصير بين الحموات ... بسس اني احاول مااخلي غيره بيناته بس هي مصره كلش
::اعرف والله ترا مو بس وياج حتى وياه البنات وهم ويايه قبل ماازوج .... بس تدرين حقها البنيه حقها مايصير عدها جهال وتحس بالوحده وتشوفجن مرتاحات
::ليش م يصير عدها جهال
::من الله ...عدنان ماضل دكتور ماوداها ...يكولون ماكو امل ميصير عدها ومااعرف ليش عدنان بعده ويااها ...امي تكله اتزوج اريد اشوف جهال مايقبل
::خطيه والله ماادري بيها
:حسن ؟
:: شبيه؟ ههههههه
::هههههههه
::حسن غريب
:: شلون ؟
::مرات يضحك ويسولف وياي ونكعد ناكل ونباوع بالتلفزيون ...ومرات يجي ماله خلك ومن اساله شبيك يكلي تعبان ...اكول يي يجوز تعبان شغل وضغوط عليه
::يي لتحجين وياه من يتغير مزاجه خليه على مرامه وسوي الي يريده
.........
صاحت عمتي تعالن صبينه غده .....
وبالغده اباوع نظرات جنان عليه ...شلون نضحك ونسولف اني وشروق وصارت ميانه بيناتنه .....
اني اتعمد اشاورها ونضحك ......علمود تنقهر اكثر .....بس بعدين اذكر حجي شروق واستغفر ربي
........ بالليل اجه حسن متاخر اول مره يجي متاخر من عرسنا وشفته مو ع مزاجهه
سالته وين جنت ؟؟ ليش تاخرت
::جنت يم امي نسولف
:: من شوكت ؟
:: من مساع
::مكلت عندي مره تتنتظرني ..... بعدين شنو انته متعشي
::نمشه كافي اسئله روحي طالعه وعشه مااشهي
:: شصاير
:: امي صار فتره تلح عليه تريد طفل ...واني مااريد
::ليش ماتريد ؟ بعدين شبيهم الجهال
::مابيهم شي بسس هسه بعد وكت ماصار شهرين ع زواجنا ....شكو مستعجلين خلينا نستقر والله كريم
::ولشوكت ؟؟
::ماادري ... يلا راح انام ... تجين تنامين
::يي جايه وراك روح
.............
غرفتي بيهه قسمين يعني فاصل وصايره غرفتين
نص مخلين بيها التلفزيون والثلاجه والنص الثاني االاخشاب مال غرفه
....... الصبح من كعدت اسوي ريوك لحسن قبل ميطلع للشغل ...اجت يمي عمتي بالمطبخ
.....كل مره تجيب سيره الجهال بسالفه لو قصه لو مثل واني افتهم قصده تريد جهال بسس مااجاوبها
هالمره اجتي كالتها
::شنو حسن كعد
::يي عمه جاي يبدل
::جا اكلج صار شكد من ازوجتي
:صاار شهرين ليش ؟
::شهرين موه هواي
::على شنو هواي
....... اجه حسن وكعد بلكاع وخليت يمه الصينيه حتى يتريك
باوعت لعمتي غيرت الموضوع وضلت تحجي وياه حسن بالشغل
::يي عمه على شنو هواي
تباوعلي وتباوع لحسن داتشوف اذا هوا انتبهه ع الي كلته .....شافته رفع راسه ويباوعلها
::ابن اختي صبريه اول شهر بعرسه حبلت مرته
::عمه حتى لو حامل اني هسسه ترا ميبين الا بعد 4 اشهر
::جا اني من حبلت بعدنان اول شهر وعرفت حامل ضعفت وصرت مااشتهي اكل
حسن :: يمه موك تلج سدي الموضوع
::ماكو مااسده ...حقي اريد اشوف جهالك قبل ما الله ياخذني
::اسم الله عليج عمه ...لتخافين تشوفينهم بس بعد وكت ..والله يجي يوم وتملين منهم
::لا يمه الجهال يخبلون ونعمه للبيت
حسن كال الحمدلله وكام من الصينيه ......اشرلي اجي وراء
::نمشه اذا جابو سيره الجهال كولي الله كريم
:: ان شاء الله
::يلا اني رايح رايده شي
::دربالك على روحك
ديطلع من الغرفه وصحتله :: حسن
::ها
::مشتاقه لاهلي
:: بسس ارجع الكاج محضره
::يابعد روحي انته
...........
من خلصت غسلت ماعين الغده ورحت ابدل علمود من يجي حسن اني مخلصه .....
صاحتلي عمتي .....
::ها يمه
:: اشوفج مبدله وين رايحه
:: لاهلي عمه بسس يجي حسن يوديني صار ههوااي مشايفتهم
::يي خوش عود سلميني ع مرت ابوج
::ان شاءالله
.......اسمع جان تكول بصوت ناصي ..والله زين تطلع وتتمكشخ
باوعتلها وابتسمت عرفت بيه سمعتها
::نمشه البارحه كدامج خليت فلوس جوه الفراش لو وين
:: اي جوه الفراشات خليتهن
::جا وين راحن دورتهن مالكيت ...ماشفتي خاف شلتهن منا منا
:: لا عمه بسس انتي دائما تخلين فلوسج جوه الفراش ومتغيرين مكانهن
جنان :: هالايام فلوس يختفن منج هواي يعمه شسالفتلج لو جاي تنسين لو
::يي كملي لو شنو
::لو اكو ايد تاخذهن وماتحجي
:: اها شقصدج
::تعرفين قصدي كلش زين قبل مجانن يختفن فلوس عمتي وعلى حجايتج تكليلها انتي دائما تخلين فلوس جوه الفراشات
::شقصدج اني حراميه
سكتت
خيريه : شمالجن اتمالخن بعد
:: لا عمه ترا اتهمتني وكالت حراميه واني والله مامده ايدي
خيريه :: اعرف بنيني مااتسويه انتي
جنان :: هاي شنو عمه مصارلج شهرين من عرفتيه للبنيه وثقتي بيها
:: كومي من وجههي البنيه اعرفه خوش بنيه ولا تتهمينه بالبوك اذا مشايفتها بعينج
كامت من مكانها تريد تطلع لزمتها من ايدها وكتلها بصوت ناصي
:: لزمي حدودج احسن الج لتخليني اشوفج نمشه شنو ؟
:: لا عيني خوفتيني
::غصبن عليج تخافين ترا الي كدامج تهججم بيوت افتهمتي
.......جرت ايده وراحت ...وعرفت من وراء هالسالفه راح تصير مشكله 

....................

للكاتبه نور الربيعي 

البارت طويل ؟ وشنو رايكم ؟ شجعوني حتى اكمل