روايه نبـــ قلبيـ ـــض {ريم **وبدر}

البارات24

ببيت ابو راشد
عند ريم
عقب تقلبات بالفراش جلست وهي الصداع
والتفكير بيقتلها وقفت وطلعت لها بجامه
ودخلت اخذت دش وطلعت وجلست تسرح شعرها وبالها
عند بدر شناقصني يابدر ليه تخدعني..... لاتظلمينه ياريم..تعبت من التفكير يارب دلني لشي الصح
وطلعت لصاله وحصلت افنان جالسه
ريم ببتسامه:مساء الخير
افنان:مساء النور
ريم:وين ماما وخالتو
افنان:طلعو عند جارتنا
ريم:اها
افنان:اقول ريم
ريم:هلا
افنان :شفيه وجهك فيك جاحه
ريم بضيق:سلامتك
افنان:براحتك لو مو حابه تقولين لي
بس كيف كانت طلعتك مع بدير
ريم بخاطرها:من سبب ضيقتي واللي فيني بدر:عاديه
افنان:ريم تحجي صاير شي مو مرتاحه لكلامك
ريم:تطمني افنان
افنان:براحتك
لمى ومريم دخلو:السلام عليكم
افنان+ريم:وعليكم السلام
لمى:اخبار الحلوات اتوحشتكم
افنان:مايوحشك غالي
مريم:تدرون حسيت خلود فيها حاجه
لمى:وانا كمان انتبهت من وجهه تعابير زعل
ريم:مالقينا غيركن انتن يالمهابيل ناخذ بكلامكن او احساسكن
افنان:هههه اي والله
لمى:وجع اي والله ورب البيت نتكلم جد وقسم انها زعلانه
مريم:عمركم ماصدقتو لكن والله مبين عليها في شي بينها وبين فيصل والدليل كانت تضحك من لمو سالتها عن فيصل تغيرت تعابير وجهها
لمى:اي والله انا انتبهت بس ماحبيت اسعل
افنان:طيب وش دخلكن في بينهم شي والا لا
ريم:اي والله حب شرافه بقوه عيب اللقافه بالهالامور انتم باقي صغنونات
لمى نظرت بمريم ومع بعض:اقلبي وجهك انتى وهي الغلط مو عليكم علينا
افنان:ضفن
لمى وقفت:عيدي انسه فنو
ريم:قالت لكن ضفن اوف
نظرت مريم بلمي وريم وافنان على طول انحاشن
ودخلن غرفتهم وجلسو يضحكون
لمى :بلاء اي والله رفعن ضغطي
مريم:يرجهن اي والله عكرو مزاجي
لمى:ايه بس تعالي غلو اليوم تحقق معاك بشنو
مريم بربكه:هاه وانتى وش دخلك
لمى:افا
مريم:ضفي بس ومشت عنها انحاشي يالخوافه..>>غلو انتى السبب اسكتى لادوس ببطنك>> اسفه هع
*******************
عند ريان
جالس على البحر وغاده تتصل فيه ومايرد
تكفين ياغاده لاتتصلين انا تعبان لاتزيدين تعبي
اه يمه ليش تبين تحرميني طعم السعاه اللي كنت بعيشها مع غاده
وبصوت عالي:ليش يمه انا احبهاااااااا
قام ريان يتمشي على البحر
ويجر احزانه معاه وشاف واحد جالس يبكي ومتلثم
قرب منه وجلس جنبه اخذ نفس طويل:اقدر اسولف معاك اشوي محتاج افضفض لاحد
لف الرجال لنبره صوت ريان وجات عينه بعينه
بعدها صد وقال بصوت كله حزن:انا مستعد اسمعك قول اللي تبي وخذ راحتك
ريان دق قلبه لهالشخص حس من عيونه والصوت كمان
بس ياحرام شكل الدنيا ضيمته
ريان :شكلك مهموم اكثر مني
الرجال تنهد:مهموم اه ليتك تعرف العذاب اللي اتعذبه كل ثانيه
ريان بهتمام:لو حاب تفضفض قول وربي حاب اسمعلك
وقف الرجال وبنكسار :ياريت اقدر افضفض لك ياريان بس ماقدر باي
ومشي بسرعه
ريان جلس يناظرها لين اختفي بعدين استوعب ريان قال ريان
اي عرفه ان اسمي ريان قام يركض يبي يلحقه بس للاسف اختفي
ريان بقهر:غبي وربي اني غبي مااستوعب الا من راح
يالله لو كان.. اعوذ بالله من الشيطان بس
بس صوته ونظرت التفاجاء من شافني مثل سلطان وحتي قال ريان
.... الله يهديك ياريان سلطان له سنه متوفي... ادري بس قمت اشك او من همي قمت اتوهم
....... فديتك لاتفكر واجد ورد على المسكينه اللي احرقتك بالاتصلاتها وانت مطنشها...
اه ياغاده اه مااقدر ارد
مسك جواله وقفله ومشي
*******************************
نروح لرشا ومشاري
اول ماوصلو لفرنسا رشا حست بضيق
وهي تناظر كل مكان بفرنسا طول ماهم بالسياره
كان كل مكان تشوفه تحسه ينطق بااسمها واسم مشاري
وكانت سرحانه بذكريتها للي تالمها قطع سرحانها مشاري وهو يمسك ايدها
لفت عليه وشافته مبتسم نزلت منها دمعه بلا شعور
ابعد يدها عن ايده ولفت لجهتها مره ثانيه لين وصلو للفله
اول مره رشا تشوفها كانت فخامه رشا مستغربه ان مشاري عنده هالفله
وماحكي لها واول مادخلو جلست تناظر بالصاله اللي الوانها كانت ممتزجه
ومشاري يراقبها بعيونه
صعدت رشا على الدرج بدون لاتلتفت لمشاري
اول ماصعدت شافت الصاله اللي فوق
وكانت الوانها ابيض واحمر وكانت تشوف صورها ماليه جدران الصاله
وكانت صور قديمه تجمعها مع مشاري
صارت تمشي وتناظر لصور ومع كل صوره كانت تبكي بحراره
وقفت عند صوره وماشاري شايلها وجلست تبكي بحراره والم وماحست
الا بدفي ايدين مشاري تحتضنها لفت عليه ونظرته بالم
ودموعها سيول ومشاري عوره قلبه قربها له بس
رشا ابعدته وببكي:اكرهك
وراحت بسرعه دخلت اول غرفه صادفتها
مت نفسها على السرير وبكائها يزيد
وتحس بالم بقلبها حطت ايدها على قلبها تضغط عليه بقوة تبي الالم اللي تحس
فيه يروح تحسه يزيد صارت تزفر وتنادي :مشــ
نروح لمشاري
كان واقف بنفس المكان
مصدوم مجروح من الكلمه اللي صار يسمعها دوم من رشا
جلس على واحده من الكنبات وفتح ازاراير قميصه وتمدد
على الكنبه يبي يرتاح يحس بتعب الكون كله فيه
جلس يفكر برشا وحياته معاها كيف بتكون وغلبه
النوم من كثر التعب والتفكير
********************
عند راشد وديوم
تحديد بالنمسا
اول ماوصلو راحو للفندق
دخل راشد ورمي نفسه على السرير بتعب
جخلت ديمابعده وابتسمت من شافته منسدح
اخذت اغراضهم ورتبتهم وراشد يراقب كل تحركتها وكانت رافعه شعرها
وهي رايحه جايه نزل نص شعرها على وجهها وهي ترفعه ابتسم راشد وهو
يناظرها بعد ماخصلت ديما ترتيب كل شي
عطوراتها هي وراشد ومكياجها واشياءها الخاصه ضبطتهم
على التسريحه اللي بغرفتهم بعدها راحت
طالعت لها بجامه لانها تعبانه بس تبي تاخذ دش
وعقب تنام ووطلعت بجامه حق رشودي
وهي يبتسم لها وراحت ديما تاخذ دش بعد ماخلصت طلعت وشافت راشد
اللي ينتظرها ابتسمت له ولفت لتسريحه وصارت تنشف شعرها
راشد راح اخذ دش
وديما نشفت شعرها وحطت شوي من عطرها وبعدها تذكرت ان ملاك عطتها قبل تطلع فواحه
راحت فتحت شنطتها وحطتها على الطاوله وشغلتها
وانسدحت على السرير
طلع راشد وهو يشم ريحه الفواحه
وحاس براحه وناظر بدبما اللي مستلقيه على السرير ابتسم
وقرب لها بعدت ديما له شوي
لانها كانت منسدحه بنص السرير
انسدح راشد جنبها وقربها له وديما قلبها يدق بقوة
باس رقبتها وعقب نام وديما لحقته من التعب.
********************
عند ريم جالسه تفكر بالبنت اللي شفتها ونار الغيره بتقتلها وبضيق:افنان
افنان عدلت جلستها:هلا
ريم:فنو متضايقه وتجمعت دموعها
افنان بخوف:ايش فيج تحجي قلبي
ريم:بدر
افنان:تكلمي شصاير
ريم قالت لافنان كل السالفه
افنان:طيب سالته من البنيه ذي
ريم:لا
افنان:ليش
ريم بانفعال :ماقدر انا انصدمت احس مشوشه كل اللي اعرفه اني مابي اشوفه الحين مابي
افنان:طيب طيب اهدي
ريم انسدحت تخفي دموعها اللي كانت بتخونها:افنان طفي الضوء بنام
افنان:بس
ريم:لابس ولاشي فنو ابي ارتاح ممكن
افنان :طيب
طفت الضوء وطلعت
راحت غرفه لمى ومريم حصلتهم نايمات
وراحت لامها وخالتها كمان نايمات
حست بضيق وملل راحت للمجلس
وجلست تطقطق بالتلفزيون وبدون لاتحس سلبها النوم ونامت
وبهالحظه دخل راكان الفجر
وكان يغني منتى سهله
في جمالك في دلالاك اشهد انك منتي سهله..
شوفي انتى في خيالك شكثر احلى واحلى..
لك عيون الله عليها وين القي مثلها.
الكحل لو تبطي فيها هي تزين كحلها
في جمالك في دلالاك اشهد انك منتي سهله..
شةفي انتى في خيالك شكثر احلى واحلى..
مش غريبه لو زعلتى تنتحر نجمه وتطيح ..
والله اكبر لو ضحكتي تبرد الشمس وتسيح
في جمالك في دلالك اشهد انك منتي سهله
شوفي انتى في خيالك شكثر احلى واحلى..
وداخل جو
وكان بيصعد غرفته بس شاف ضوء المجلس شغال
راح للمجلس دخل وشاف افنان نايمه وشعرها مغطي وجهها
وضامه يدينها وببجماتها البيضاء البرموده وصاير قلبه يدق بقوة
قرب لها ورفع شعرها افنان لفت للجهه الثانيه
ابتسم راكان من حركتها حط ايد تحت رقبتها وايد تحت رجولها
وشالها افنان تمسكت براكان وفتحت عنونها ببطي ومن شافت راكان شايلها
صرخت وانخرع راكان وطاح هو ووافنان طاحت عليه وصار يدق قلبه بقوة
وافنان مو احسن منه حست افنان بنفسها وقاما عنه ودموعها متجمعه:اسفه
وجات بتمشي بس راكان سحبها وبحب وهمس باذنها:ياويل حال راكان اليوم كيف يجيه نوم بعد وعض شفته
افنان ارتفعت حراره جسمها دزته وطلعت تركض على الدرج
راكان ضحك عليها وطلع لغرفته وهو يتذكر موقفه مع افنان وقلبه يدق بسرعه
*****************************
نرجع لريان
اللي رجع للبيت ودخل وتفكيره بالشخص اللي شافه فتح
جواله حصل اكثر من 10 مكالمات لغاده ومسج منها
كانت كاتبه(ريان خوفتني عليك انتظر منك اتصال لو مارديت علي ياريان بكرا من الصبح اجيك لبيتكم)
تنهد ريان بضيق وبعدها رمي جواله
وانسدح عشان ينام وينسي كل شي
*************************
عند رغوده وملوكه
ملاك طبعا حطت راسها ونامت الا رغد
اللي جفاها النوم وقامت جلست على النت
فتحت مسنجرها ماحصلت احد متصل
خلت المسنجر شغال وفتحت منتدي وجلست تتصفح
وتفجات من دخو شخص مو مضاف عندها
نك نيمه(*انا ابـــعد منــ خيالكــ
السلام عليكم
رغد نك نيمها(*لو بالبكي يرجعون اعمى الثنيتين
وعليكم السلام من معي
انا ابــــــعد منــ خيالكــ
انا ظلك اللي مابيقارفك
لو بالبكي يجعون اعمى الثنتين
ظلي بس انا ماعرفك انت من بالضبط ووش تبي مني
انا ابـــعد منــ خيالكــ
هههه قال ماعرفك قال انتى مو بس تعرفيني انتى جرحتيني انتى قتلتيني وانا حي ومابتركك
ترتاحين دقيقه وبحسسك بالعذاب اللي اتعذبه
لو بالبكي يرجعون اعمى الثنيتين
انا ماعرفك عشان
وسكتت لانه طلع
قفلت النت رغد
تحس بخوف من هالشخص انا ماعمري جرحت احد الا قلبي بس
تركني وراح ونزلت دموعها شلطان ليش تركتني ليش... تستاهلين يارغد انتى تقتلين القتيل وتمشين بجنازته
... ادري انا غبيه وحقيره وماستاهل حب سلطان لي
وجلست تبكي وست بصداع فضيع راحت غسلت وجهها وتوضت عشان
تصلي ركعتين بعدها دعت لسلطان الله يرحمه ونامه
**************
عند خلود
اللي جات الساعه 6 الصباح
وفيصل ماجاء
سمعت صوت فتحت الباب فزت بسرعه
فيصل نظرها نظره مافهمتها
خلود بعصبيه:فيني اعرف وين كنت
فيصل:نعم انسه خلود عيدي
خلود خافت:فصولي خفت عليك
قرب منها فيصل ومشك شعرها بقسوه :لاتقولين فصولي سامعه
خلود بالم:اه ايه
تركها فيصل وبعبره:فيصل اسمعني قبل كل
فيصل رفع ايده:اششش
خلود فهمت وسكتت وخافت من شافت ايده ملفوفه
قربت له وبحنان يعذب فيصل:فيصل ايش فيها ايدك
فيصل ابعد عنها عشان لايضعف:مافيها شي ومشي عنها
اخذ دش وطلع وجلس يلف الجرح وخلود
حاولت تسويها له بس رفض فيصل
بعد مالف جرحه انسدح
خلود تنهدت بضيق وقربت تبي تنسدح
فيصل لف عليها وببرود:نعم انسه خلود
خلود اللي مافهمت:شنو ماقلت شي
فيصل ابتسم على برائتها اللي تاسره بس حاول يخفي ابتسامته:باختصار عندك الكنبه نامي عليها
خلود:بس انا تعبانه وماقدر انام على الكنبه لاني احس وسكتت
فيصل:لانك تحسين بايش
خلود حست باحراج:ولاشي تصبح على خير
فيصل صد عنها ومارد
خلود انسدحت على الكنبه وتحس بالم بظهرها وبطنها
وتحاول كثر ماتقدر تكتم المها عشان فيصل لايسمعها
فيصل وهو يتقلب:خلود
خلود كانت بحاله ماتقدر ترد وايدها على بطنها وكاتمه اهاتها
وعرقها يتصبب منها رغم بروده الغرفه
فيصل جلس وبنرفزه:خلود
خلود تحاول ترد عليه بس مو قادره
قام فيصل بعصبيه وسحب اللحاف منها وشافها لمه نفسها وباين تتالم
قرب لها وبخوف:قلبي شفيك
خلود ودموعها تنزل من الالم:فيصل بموت
فيصل بخوف:وش تحسين فيه وش اللي يالمك
خلود هنا غابت عن الوعي
فيصل صار يركض مث ل المجنون ولبس خلود عبايتها وشالها ونزل فيها ععلى الدرج
ومارد على امه اللي تنناديه
ركب سيارته وحرك بسرعه للمستشفي