روايه نبـــ قلبيـ ـــض {ريم **وبدر}

البارات الاخير

.......
ببيت ابو راشد
ريم سلمت على امها وخالتها
وطلعت تسلم على ابوها بالمكتب
دقت الباب
ابو راشد:تفضل
ريم دخلت وببتسامه:السلام
ابو راشد بفرح:هلا وغلا هلا بدلوعتي اللي من تزوجت نستنا
ريم قربت وباست ابوها وبدلع:افا انا انساك ياروح دلوعتك
ابو راشد:مشكلتي ماقدر على لسانج
ريم:فديتك بابا والله اشتقت لك
ابو راشد:وانا اشتقتلك
وجلست تسولف مع ابوها
وعقبها طلعت راحت لمريم ولمى بغرفتهم
دخلت وشاقه الزحكه:هاي
لمى:وجعي
ريم:توجع عدويني بلا بعينج شفيه انتي وخشتك
لمى:وات انتي تتكلمين معاي
ريم:لا مع اللي يمج
مريم:نو سوري اي دونت سبيك متزوجات
لمى فرطت ضحك:اوم الانجليزي اللي تعرفينه
مريم:لاتفضحينا
ريم:شكلكم مشتهين ضرب صح
وقربت لهم وجلسو يتضاربون وحاسو الغرفه
والشعور انحاست
جلسو يضحكون وكملو سوالف ونقره بعدها رجعت ريم البيت قبل يرجع بدير
>>>>>>>>>
عند غدو وريان
غاده منسدحه بحضنه وتسولف له
ريان:غاده سولفي لي عن حياتج قبل كيف كانت
غاده:امم انا ماكنت لي حياه الا يوم شفتك بدت حياتي
ابتسم ريان:يلوموني بحبك
غاده حمرت خدودها
ريان:انا كنت تايه ياغاده وماعرفت طريجي الا من عرفتج
غاده:بحب ربي يخليك لي
ريان:ويخلك لي حبيبي شرايج نطلع نتغداء برا
غاده:اوك قلبي
ريان:اوكي قومي نتجهز
قامت غاده وجهزت وجهزت رشا وطلعو
>>>>>>>>>
بعد مرور اسبوعين
رشا ومشاري وعيالهم نفس ماهم
ساره وخالد وعيالهم نفس الشي بس الجديد رشا بنت غدو صارت هي ودحوم ولد ساره ربع واحباب__>
بدر وريم من احلى لاحلى
افنان وراكان اوضاعهم مو تمام وراكان للان زعلان وافنان تنام بغرفه واهو بغرفه
وكل ماجت افنان تكلمه مايرد عليها
زياد وملاك احلى كناري حب
لمى زادت اتصلات ميشو فيها
ومريم مشتاقه لدحوم موت بس لازم تصبر وماتكلمه
رغد علاقتها هي وسعود نفس ماهي صارت تطبخ لسعود
وطلعو ببيت لحالهم بدل الفندق
ومتى مابغاها سعود شالها غصب عنها واخذ اللي يبي منها
.....................
بالننندن
غيداء ودعت ولد عمها محمد وسافر
وعلاقتها مع سلطان من اسبوعين شبه منقطعه ماترد على اتصلاته وبالمعهد تكلمه برسميه
وهي مشتاقه له اشتاقت لمسكت يدينه اشتاقت له بكل مافيه بس تكابر
لبست وباست امها وشالت شنطتها
وراحت للمنحت
وشافت سلطان وشالت نظرها على طول ومشت وحطت اغراضها وجلست على منحتها وجلست تنحت وبداخلها كان ودها تصرخ تقوله:اشتقت لك
بس ماتقدر
سلطان:غيداء
غيداء بدون لاتناظره:نعم
سلطان:اشتقت لك
ارتجفت غيداء وحاولت تخفي رجفتها بس ماخفت على سلطان:تشتاق لك العافيه
سلطان:غيداء انا مسافر
وقفت غيداء نحت وجلست تضب اغراضها وسقطت دمعتها على يدها وجلست تسكر الشنطه بدون لاتناظره:توصل بالسلامه
ومشت مسك ايدها سلطان:غيداء رحميني
غيداء زين ماسكه نفسها لاتنفجر صياح:اتركني
تركها سلطان وطلعت تركض غيداء وسلطان لحقها بدون لاتحس وشافها من جلست بالحديقه وغطت وجهها بيدينها تكتم شهقاتها
ورفعت راسها لسماء وتبكي بحراره:آآه يارب احبه يارب ارحمني
سلطان كان يسمعها وقلبه يتقطع
ماقدر يسوي شي غير انه ياخذ نفسه ويروح الفندق وشال شنطته وراح المطار ساعه ونادو لركاب
ركب سلطان الطياره وضيقته ضيقه واعلنت الطائره عن اقلاعها متجهه لرياض
>>>>>>>>>
عند ريم وبدر
جالسين عند ام بدر
وساره وخالد جو
وام راشد وام ريان
ولمى وديوم
وريان وغدو وزياد وملوكه
ورشا ومشاري
بختصار الكل متجمعين وحتى رغد
وجالسين سوا البنات والشباب
والبنات طبعا متلثمات
وسوالف وضحك
التفت الكل على فتحت الباب والخطوات البطيئه
وقف الكل بفرح من شافو سلطان
رغد من شافته عجزت عن الكلام وصارت تبكي بصمت
ام بدر قربت لسلطان:جيت يانظر عيني
حضن سلطان امه وفرحان:ايه جيت يالغاليه
قربت ريم وحضنته وبتطير من الفرح:حبيبي سلطان اشتقت لك
سلطان:وانا اشتقت لك ياقلب سلطان
ابعدت ريم وناظرهم سلطان:الكل هنا فديتكم
قربو الكل وسلمو
بدر:محلو يادب
سلطان:هههه من يومي حلو
ريان:سلطان بالله ماعجبت بوحده شقراء هناك
غاده عطت ريان كوع وعض ارضه
والكل ضحكو
ام بدر:مطولين الوقفه
دخلو الكل وجلسو
وسلطان جلس قبال رغد بس مانتبه لها يناظر بالشباب وامه ويضحك
التفت والتقت عيونه بعيون رغد
وتوقفت الدنيا عنده
شاف العيون اللي عمره مابينساهم العيون اللي عشقهم
لحظات صمت وشوق اختلاج كل منهم
الكل يشوفون نظرات سلطان ورغد وسادهم الصمت
حس بنفسه سلطان وشال عيونه
ووقف:انا طالع ارتاح
الكل حسو فيه
طلع سلطان ومن شاف رغد رجعت جروحه اللي غيداء نسته اياهم
انسدح على سريره
ويفكر فيها كانت تبكي انا متاكد شفت عيونها غرقانه دموع
آآآه يارغد
انفتح الباب ورفع راسه وشاف ريم وساره دخلو عنده
جلس وببتسامه يخفي ضيقته:هلا
ريم:هلا فيك سلطوني
وجلست بجهه جنبه وساره بجهه
سلطان:شعندكن
ساره حضنته:اشتقت لك ياخوي
سلطان باس راسها:فديتك ياقلب اخوك
ريم:كح كح تراني اغار
سلطان وساره ضحكو
ريم ناظرت بالغرفه وكانت بكل مكان حط اسم رغد
وعلى المرايا كاتب رغد وسلطان
وتنهدت بضيق
ساره:سلطان
سلطان:لبيه
ساره:انت رديت هني خلاص ولا عاد بتسافر مره ثانيه
سلطان:مادري
ريم:ايه صح اخبار غيداء
ابتسم سلطان:بخير
ساره:وش غيداء منو هذي
ريم تغمز لها:زوجه سلطان
التفت سلطان لريم وقلبه يدق بقوه لهالكلمه
ساره شهقت ووقفت:سليطين تزوجت بلندن
سلطان وريم فقعو ضحك
سلطان:لا ياقلبي ريم تستهبل
ساره:اجل من غيداء
سلطان:رفيجتي
ساره:شنو نوع علاقتكم
سلطان بحيره:مادري
ريم ضحكت وبقلبها وربي حاسه انك حابها بس ماتبي تعترف
ساره:شلون ماتدري اجل من يدري
سلطان:ساره حبيبتي غيري هالسيره مو وقته
ساره:انزين وجلست
ريم همست لسلطان:طحت بحبها وماحد سما عليك
سلطان نغزها
ساره:وش تتساسرون فيه
ريم:ولاشي
دخل دحوم ولد ساره يبكي
وسحب ايد ساره وطلعت معاه بتشوف وش فيه
وريم وسلطان لحقوهم
ودحوم اشر على رشا اللي جالسه تلعب بسيارته وشد شعرها ورشا جلست تصرخ وتبكي
ساره شالت دحوم وعطته كف وجلس يبكي صرخت فيه وسكت
وريم شالت رشا تسكتها
وسلطان دخل غرفته
ومسك جواله واتصل بغيداء مقفل انقهر
وجلس يتقلب بفراشه ويفكر بغيداء
...........................
اما رغد
فاطلعت برا على طول وتشاهق
من شافت سلطان واهي مو قادره تمسك نفسها
اتصلت بسعود وهي تشاهق وقالت له يجي ياخذها
ربع ساعه ودق سعود وقال لها تطلع من جت تطلع نادتها ملاك:رغد
غطت وجهها رغد عشان ماتشوفها ملاك انها تبكي:هلا ملاك
ملاك:بتروحين
رغد:ايه سعود برا يالله باي
وطلعت قبل تسمع ردها
وركبت مع سعود واهي تشاهق بقوه
سعود خاف عليها
واول ماوصلو البيت
دخلت رغد وهي تبكي وتشاهق
دخل سعود وجلس جنبها:رغد حبيبتي شفيك
رغد حضنته وهي تبكي:سعود انا تعبانه
سعود انصدم اول مره تحضنه حضنها بقوه:سلامتك ياروح وحياه سعود
رغد:سعود انا عانيت كثير وتعبت ومافيني اتحمل اكثر
سعود:طيب ياقلبي انتي اهدي بس
وظلت رغد بنوبه بكاء لاتوصف
نامت بحضن سعود
ناظرها سعود :آآه يارغد ان شالله بعوضج عن كل الم وتعب تعبتيه
شالها وحطاها على السرير وحضنها ونام
>>>>>>>>>>
اما الباقيه
كل واحد رجع لبيته
>>>>>>>
راكان وافنان
اول مارجعو دخل راكان
وبدل لبس بجامه
نزل تحت
دخل المطبخ وشرب ماي
وطلع وصادف افنان بس مشى ولاكانه شافها
افنان مسكت ايده:راكان
راكان بجفاء:شبغيتي
افنان:ابي اكلمك شوي
راكان فك ايده:مابيننا كلام
ومشى
افنان جلست تصرخ بصوت عالي:هذي مو حاله حرام عليك اسبوعين ماتكلمني انت لازم تسمعني انت ليش جذيه ليش
نزل راكان على صراخها وشد ايدها:صوتك لايعلى
افنان بالم:راكان ايدي
شد على ايدها اكثر راكان:احسن يمكن تحسين باللي فيني
افنان:انا حاسه راكان انت بس اسمعني
راكان فك ايدها:اسمع شنو
افنان:راكان انا اخذت لحبوب لان مالنا كم شهر متروجين وماحبيت انه يصير حمل حبيت نستمتع بزواجنا واجلت فكره الحمل شوي
راكان بعصبيه:كان اخذتي رايي كان قلتي لي مو من وراي
افنان:ادري غلطت انا اسفه راكان وربي مابسوي شي من وراك توبه
ضحك راكان على كلمتها توبه وقرب لها وابتسم:اشتقت لك
افنان استحت وبهمس:وانا بعد
شالها راكان وطلع فيها على الدرج:احبج
دفنت راسها بصدره افنان
ودخلو الغرفه وسكرو الباب*_~
>>>>>>>>>