روايه نبـــ قلبيـ ـــض {ريم **وبدر}

البارات27

بعد ماخذت جوالها لمى
طلعت برا عشان المسجل
وكان الجو جنان والهواء يلعب بشعرها
اتصلت بريان
ريان:الو
لمى:هلا ريان اتصلت فيني وماداني ارد
ريان:ايه متى تبون ترجعون لان احنا بنطلع
لمى:مادري اسال ماما واقولك
ريان:اوك باي
قفلت لمى وشافت ورد جوري احمر عجبها
قربت وقطفت ورده وصارت تشمها وابتسمت لا شعوريا
بعدها رجعت وهي تمشي وقفها صوت تحبه ومشتاقه له:لمى
لمى غمضت عيونها وقلبها يدق بسرعه لفت وفتحت عيونها ببطي
وشافت مشعل برزته وسكسوته وذابت
مشعل ببتسامه ساحره:كيفك
لمى انتبهت لنفسها ومشت بسرعه
مشعل بصوت عالي:لنى احبك احبك
لمى وقفت وقلبها يدق بقوة وبقلبها:وانا بعد احبك
قرب لها مشعل وهي معطيته ظهرها لفها حضنها
لمى ماتدري ليش مابعدته وخلته يحضنها
مشعل وهو حاضنها:محتاجك حيييل لمى ابيك عمري اللي جاي وحياتي كلها ابيك لقلبي الحياه
لمى ابعدته بسرعه ووجهها احمر مسكها مشعل
لمى بخجل:مشعل
مشعل :دنيات مشعل
فكت نفسها لمى وراحت تركض وقلبها يدق بسرعه
وجسمها يرجف ووجهها احمر
جلست تهدي نفسها
احبه وهـ فديته حسيت بدفاه وحنانه من حضني فديتك ربي يخليك لحياتي كل شي
...................... عند مشعل
فديت دقات قلبها اللي حسيت فيها وانا حاضنها تاكدت انها تحبني
فديتها ربي يخليك لدنياتي كل شي
وراح لرجال وجلسو يسولفون
لمى رجعت للبنات وعقلها وفكرها عند مشعل
ودق جوالها شافته ريان:يوه نسيتك انت الثاني
وقالت لامها وانهم بيرجعون
الكل لبسو عبايتهم وسلمو وطلعو
*************************
دخل فيصل شاف ميس تسولف مع خلود
فيصل:وين امي
ميس:دخلت تنام
فيصل:طيب قومي شوفي زوجك المزعج يبيك
ميس:فديته هالمزعج وراحت
فيصل جلس جنب خلود :شفيها قلبي ساكته
خلود تحس بالم بظهرها بس ماتبي تبين لفيصل:مافيني شي قلبي
حط ايده فيصل وراء ظهرخلود وقربها لعنده اكثر
خلود عضت شفتها بقوة من الم ظهرها وفيصل انتبه لها وبخوف:خلود انتى تعبانه شيالمك
خلود نزلت دموعها وتتالم حطت راسها على رجوله:ظهري
فيصل بقلق:قومي اوديك للمستشفي
خلود غمضت عيونها ودموعها تنزل:لا مايحتاج
فيصل صار يمسح على راسها وشعرها
لين نامت على رجوله
دخلت عليهم ميس :انا رجعت
وشافت خلود نايمه على رجول فيصل:اوه شهالرومانسيه
فيصل بضيق:خلود تعبانه
ميس :ليش ايش فيها
فيصل:ظهرها وقام وشالها
ميس:اليوم كله ماجلست وهي حامل اكيد بتتعب
فيصل تنهد بضيق :تصبحين على خير
ميس :وانت من اهله
وراحت عند تركي زوجها بغرفتهم وسولفت معاه شوي
بعدها نامو
.................... فيصل
دخل الغرفه وحط خلود على السرير وطلع لها بجامه وغير لها فستانها
وهو بدل
ونام جنبها
***********************
ببيت ابو راشد
اول مادخلو راكان سحب افنان بالحوش :فصخي عباتك بشوف شلبسه
افنان بحياء:راكان هدني
راكان:افنان يالله دام مافيه احد ابي اشوفك
افنان فتحت عبايتها وهي مستحيه
راكان خق على اللون العنابي على افنان ومسك خصرها :اذوب انا على هاللون ياناس
افنان:راكان خلاص هدني
راكان قربها له حيل وصارت انفاس افنان تلفحه وصار يناظرها بعشق
افنان استحت وابعدته بسرعه وركضت لداخل
راكان عض على شفته وابتسم
وطلع جواله ودق على بدر
لقى خطه مشغول وشاك لان كثره انشغل بدر هاليومين مقلقته
دخل عند ريان وزياد
وسولفو شوي بعدها نامو
والبنات نفسها بدلو ملابسهم ونامو
.................................
عند بدر واهله
من وصلو بيتهم
نزل سلطان وامه
واستغرب سلطان ان بدر ماطفي السياره
قرب ودق الشباك
بدر فتح الشباك:هلا
سلطان:منت نازل
بدر:لا عندي مشوار مهم
سلطان:مهم وبقهر انا مااسمح لك تخون ريم
بدر برتباك:شتقصد واي خيانه
سلطان بصراخ:خيانتك لريم انا كاشفك بس وربي لو ماتعدلت ورجعت بدر الا ولى وربي لخليك تحلم
تشوف ريم وماتقدر
وراح لداخل البيت
بدر صار يضرب بالدركسون من قهره وبقوة لدرجه جرح يدينه
وجلس يفكر
انا كيف اخون قلبي كيف معقوله تهون عليك يالبدر ريم حبها لك وين راح افا يابدر
بس ريم هي رفضت تسمعني وسدت كل الطرق بيننا
اه لو تدرين من شفتها ببيت فيصل تصنعت اني اكلم وانا خايف تخونني دقات قلبي وتسمعها اااااااااه مشتاق لها
>>كل هذا بقلبك ياقلبي طيب لا تزيد الغلط بغلط
>>لا مو غلط وريم تتحمل النتايج وحرك لشقه ريناد
جلس عندها للفجر
عقبها رجع للبيت وبدر وانسدح
حصل مسج بجواله لقاه من ريم
..يالبي شوق قلبي اذا صوبك يوديني...
ويالعنبو قلب(ن) اذا ماجابلك طاري >>حياتي ماقدر اوصف لك شوقي بس انا وانت لازم نتفاهم وانا انتظر ردك
ابتسم بدر بسخريه ورمى الجوال ونام..
*************************
مر يومين على ابطالنا
هادين
وبدر زادات طلعاته ومقابلاته واتصلاته مع ريناد ومطنش ريم
*************************
سلطان متضايق حده من تصرفات
بدر اللي يعرفها
***************************************
ريم ندمت كثير انها ارسلت لبدر لانه
مارد عليها وحست انها ذلت نفسها
************************
ميس وتركي سافرو لامريكا
*********
فيصل وخلود السعاده والراحه
والحب يحاوطهم
*****************
رشا ومشاري
نفس ماهم من تحسن لتحسن
بس للان كل واحد ينام بغرفه
*********************
ديما وراشد
تفاهم وحب وعايشين براحه بال
*****************
ريان وغاده
سعادتهم لا توصف
اعجز عن وصفها
بس ريان يتصل بغاده وماترد
تقول الملكه عقب اسبوعين ماله داعي المكالمات
***************************
رغد
تموت وتشوف سلطان بس
تحاول تتناساه كل ماجاء ببالها
*************************
ببيت ابو راشد
ريم:بنات هذاني قلت لكم سلطان بيطلعنا منتزه
لمى:وه فديته
افنان:ياحليله يدري طفشانين
ريم:لبي قلبه
وجلسو يسولفون
..>>>المساء
عند بدر تحديدا
بدر:اي منتزه قلبي
ريناد:منتزه:...............
بدر:اوكي
ريناد:حبيبي اول ماتوصل اتصل فيني عشان اجي وادخلك
بدر:انشالله حبي
ريناد:باي
بدر:باي
ولبس وجهز وراح للمنتزه
........................................ من جهه ثانيه
البنات جهزو ولبسو
وركبو مع سلطان وحركو للمنتزه
واول ماوصلو قص لهم سلطان تذاكر
ودخلو
جلسو اول مادخلو وبعدها اشترو شي بارد وجلسو يتمشون
ريم:فديت قلب اخوي اللي مطلعنا
سلطان:فديتك كم ريوم عندي
افنان:كح جملونا حتى حنا نبي دلع بعد
سلطان:الدلع لريم بس
لمى:مالت عليك انت وريم
سلطان:بنت اهجدي
مريم:اوف احس بضيق تصدقون احس في شي بيصير
ريم:مثل ايش
مريم:مادري بس بتشوفون في شي بيصير
سلطان:انشالله خير
البنات:انشالله
وجلسو تمشي وضحك
لف سلطان صدفه
وشاف اخوه مع ريناد وتغيرت ملامحه
ووجهه انصدم
ريم انتبهت لتغير وجه سلطان وقالت:سلطان شفيك
وجات بتلف تشوف وش يناظر بس سلطان صداها وقال برتباك:ايه تعالو نروح الجهه ذيك احسن
ريم:اتركني بشوف وش شفت من ساع
ولفت وتمنت مالفت تمنت يكون
حلم وتصحى منه هالحين
صدمه تشوف حبيبها وحياتها ونبضها يخونها
نزلت دموعها
والبنات مصدومات وينظرون بريم
سلطان بخوف:قلبي
ريم دزت ايده ومشت لين وصلت لبدر
ووقفت قدامه وعيونها حمر وغرقانه دموع
بدر عرفها وبصدمه:ريم
ظلت ريم تناظره بسكات
وبعدها عطته كف قوووووي
ريناد:كسر يكسر ايدك
ماردت عليها ريم وتناظر من خانها وجرحها
سلطان والبنات جو يركضون لريم اللي صارت تضرب بدر على صدره:اكرهك اكرهك ليش تخوني ليش
دامك تحبها ليش قلت تحبني ليش خليتني احبك يابدر ليش انا شناقصني
وطاحت بالارض بنكسار وتبكي :ليش
سلطان نزل لاخته وقلبه وحضنها والناس متجمعين ويناظرون الموقف
ريم تبكي بحضن سلطان بحراره والناس تسمع صوت بكائها وشهقاتها
وبنات خالتها يبكون معاها
لمى من قهرها على ريم
قربت لريناد ومسكتها وجلست تطقها طق قدام الناس
بدر حاول يبعد لمى عن ريناد بس ماقدر
طبعا ريناد اصلا ماتتغطي بس تتحجب
وجلست تضربها لمى وتبكي وافكت غطوتها وماهتمت:حقيره مالقيتي الا بدر ياحقيره
وريناد اغمى عليها من الطق
والامن دخل
لان المنتزه كله انحاس والناس متجمعه
ابعد لمى بعد ماطفت شوي من نار قلبها بريناد تركتها
بدر بموقف عجز يتكلم
ابعدت ريم عن سلطان ووقفت عند بدر وبحزن وصوت مجروح:صدقو من قالو اخر شخص ماتوقعته
يخونك يخونك ااااه ياكبر جرحي فيك
بدر :ريم انا
ريم رفعت ايدها بمعني بس لا تقول شي
وسكت بدر لانه ماله حق يتكلم ولفت ريم ومشت قدام الناس بشموخ
واشرت لبنات خالتها وسلطان
ولحقوها
والامن طلبو اسعاف وشالو ريناد
وبدر مازال واقف بنفس المكان يبي يستوعب
هو حلم او حقيقه
***********************
اول ماطلعو من المنتزه البنات
وريم وسلطان
راحو لسياره
جات ريم بتفتح البات بس ماقدرت وصارت تبكي ومسكها سلطان
وبزن:ريم شفيك قلبي انتى اقوى من كذا
ريم تبكي: جرحني وتاشر على قلبها:جرحنى
حزن سلطان على اخته وفتح الباب وركبها
بسكات رجعو البيت
والبنات نزلو وهم مقهورين ويبكون على بنت خالتهم
سلطان مسك ايد ريم لا تنزل وحرك
وبس يسمع صوت شهقاتها
ومسك خط الشرقيه وربع ساعه
وهم واصلين للبحر
ومازالت ريم تبكي
اول ماوصلو ناظرت ريم بالبحر
وفتحت الباب ونزلت وهي وسلطان
وقفت ريم تتامل البحر
وقلبها ينزف حزن ..الم..ندم
ودموعها تنزل
فجاءه صرخت:لييييييييييييييييييييييييييش يابدر لييييييييييييييييييش
ركض لها سلطان:قلبي شفيك
ريم تضربه من نار قلبها:سلطان ليش سوا فيني كذا انا احبه ليش يخدعني دامه يحبها ليش خلني احبه ليش
وصارت تشاهق
سلطان حضن اخته وصديقته وتؤامه بقوة وخلها تبكي براحتها مايبيها تكتم يبيها تطلع كل اللي بقلبها
...............
نروح للبنات
اللي اهلهم من شافو وجيههم عورتهم قلوبهم
وسالو عن ريم قالو مع سلطان
وطلعو غرفتهم عشان يسلمون من اسئله اهلهم
لمى:الحقيره وبدر الحقير وربي يقهرون
افنان:والله مايستاهل ظفر ريم
مريم:بس انتى يالمو طقيتها بوحشيه كنتي بتموتينها
لمى بقهر:تستاهل
افنان تبوس لمى:فديتك
مريم:تتوقعون سلطان وين اخذ ريم
افنان:سلطان قريب لريم واخوها واكيد بيهديها
لمى تنهدت:اااه فديتها وربي قلبي عندها
وجلسو يكملون حديثهم
.................................
نروح لبدر
جالس بسيارته وحزين
وندمان
معقوله انا بدر اللي يحب ريم>>للاسف انت واحد ثاني >>بس ريم هي اللي خلتنى>>>خلاص يكفي يكفي
تحط كل شي على ريم انت الخيانه تجري بعروقك واشتقت لايامك قبل وقلت تحطها بريم >>>احبها وربي
انا مادري كيف خنتها مادري ومابي اخسرها انا لازم اكلمها انا ماقدر اعيش بدونها
واتصل بجوالها مقفل
حرك السياره ورجع للبيت
............................................
نرجع لريم وسلطان
ريم:سلطان
سلطان:عيونه
ريم:شكرا
سلطان:على ايش قلبي
ريم خنقتها العبره:بس كذا مو عشان شي
سلطان ابتسم :فديتك
ريم وهي تناظر للبحر:البشر مثل البحر كل يوم له شكل ووجه توقع الغدر من اقرب قريب
وخاف من حبيبك قبل عدون وناظرت بسلطان وابتسمت ودموعها تنزل:سلطان قول لبدر ريم تقولك ربي يسعدك مع ريناد وتتمنى لك السعاده وانا قالتها بعبره ينــــــــــساني
سلطان:ريم يعني
ريم هزت راسها ودموعها مو راضيه توقف
سلطان سكت
ووقفت ريم :يالله نرجع
مد ايده سلطان لريم ومسكت ايده ريم
وسحبته وضحكت رغم المها:دب
سلطان:ههههه فديتك وباس خدها
وركبو السياره ورجعو لرياض
ونزلت ريم وناظرت سلطان بشكر
وسلطان رد عليها بابتسامه
وبعدها حرك لما شاف ريم دخلت لبيتهم
من فتحت الباب ريم
قابلتها امها وخافت من شافت وجه ريم المنتفخ وعرفت انها باكيه
ريم بحزن:ماما
ام راشد:كنت حاسه فيك شي شفيك ياقلب امك
ريم مسكت دموعها:وين البنات
ام راشد:تكلمي شفيك
ريم:مافي شي بس تمشيت مع سلطان شوي
ام راشد:تحسبين ماعرف لك بس براحتك
مشت وهي معصبه
تنهدت ريم وطلعت فوق
ودخلت للغرفه
لقت افنان ولمى ومريم صاحيات
ابتسمت ورمت عباتها
وخنقتها العبره
وطلعت بجامتها
لمى:ريم
مشت بسرعه ريم ودخلت الحمام وقفلت الباب بدون لا ترد
وجلست تبكي بصوت مكتوم عشان لا يسمعونها البنات
افنان:بربي انها جالسه تبكي
لمى:حسبي الله عليك يابدر عسى الله ياخذك >>>ومادرت ان وقت دعائها وقت استجابه
مريم:استغفر الله لا تدعين على الولد
لمى:اوف بس استغفر الله من قهر قلبي دعيت استغفر الله بس
طلعت ريم من الحمام>>وانتو بكرامه
وابتسمت لبنات خالتها وردو الابتسامه
وجلست تمشط شعرها
لمى بمزح:اعترفي وين رحتى انتى وسلطان
ريم:ههههه البحر
مريم:احلفي
ريم:والله
لمى:اهى اهى كان اخذتوني مشتاقه للبحر
افنان:اخ واخته حاشره نفسك ليش
ريم:ناس تموت لو ماحشرت نفسها
وجلسو يضحكون وفرحانين انا ريم تضحك
وعقب نامو
***********************
نروح لسلطان اول ماوصل البيت
نزل ونار قلبه على ريم ماطفت
طلع على الدرج
وفتح باب غرفه بدر بقوة
بدر وقف وبعصبيه:خير انشالله تدخل بدون دق باب وين جالس
سلطان وهو معصب وصوته يعلى:لك عين تتكلم بعد
بدر بصراخ:لا تتدخل ياسلطان بشي مايخصك
سلطان بعتب وعصبيه:عيب عليك خلاص يكفي وانا حذرتك
وكنت ادري بروحاتك لشقه الحقيره اللي تكلمها بس توصل انك تتمادى وتتمشي معاها قدام الناس لا هنا وحدك
بدر:احترم نفسك وانا اخوك الكبير مو كبرك عشان تعلمنى العيب
سلطان:هذي المشكله انك الكبير قدوتي
بدر استحى من اخوه
سلطان بحزن:اااااه ياخوي انت خسرت شي كبير وماتقدر ترجعه عندي لك رساله من ريم
بدر بلهفه:وشهي
ابتسم سلطان بسخريه:ليش يهمك
بدر بنرفزه:سلطان اخلص
سلطان:تقولك الله يسعدك مع ريناد ويهنيك وانساها
ترددت هالكلمه باذن بدر انساها انساها
وجلس على سريره وبحزن:كيف انساها وهي لقلبي النبض
وجلس يضحك سلطان بصوت عالي:كافي دامك تحبها ليش تخونها ونزلت دمعه من سلطان على اخته
بدر بتفاجاء:سلطان انت تبكي
سلطان مسح دمعته:تصبح على خير
وطلع
وترك بدر مصدوم وخايف من خسارت ريم للابد
وظل طول اللي يفكر ولا نام
وطلع الصبح وهو صاحي وسلطان نفسه
حزين على ريم اخته وبدر اخوه