روايه نبـــ قلبيـ ـــض {ريم **وبدر}

البارت الخامس عشر

بعد ماوقف فيصل ولف وشاف ريان
ومبين عليه معصب
ريان مسك خلود وهو معصب من فيصل وسحبها له
ريان بقهر :مو اسلوب تسحبها يافيصل وهذا اول يوم لكم
فيصل متفشل من ريان
ريان مسك خلود ونظرها بحنيه وخلود تبكي:بس ياقلب اخوك
تعالي ووصلها لغرفه ساره
ريان بحب:ادخلي تطمنى على ساره
خلود تمسح دموعها:ريان مابي اروح معاه
ورجعت تبكي
ريان ضم خلود:انتى اقوى من هالدموع
واعقل امسحي دموعك وبعدين هذا
زوجك يالله اذكري الله وادخلي
وانا بروح اشوف فيصل
خلود راحت للحمام(وانتو بكرامه)وغسلت وجهها
وحست براحه وعقب راحت تطمن علي ساره
*****
عند ريان طلع برا المستشفي
وحصل فيصل يدخن وباين عليه ومتضايق وراح له
فيصل يحس باحراج :ريان انا
ريان يقاطعه وهو مقهور:انت شنو يامثقف يادكتور
فيصل
فيصل بقهر:تخيل اليوم زواجي وماحسيت فيه
وتخيل اكون فرحان وانتظر زوجتى وبالاخير
راحت مع قريبتها تولد وانا
ماعندي علم حسيت انى مو شي مو زوج
من اولها كذا انقهرت فر دمي
ريان حس ان خلود كان لازم تعطيه خبر او اي احد
:حقك علينا بس برضو ماهي طريقه تسحبها كذا
فيصل:ادري بس مادري شلون سحبتها
ريان حط ايده على كتف فيصل:حصل خير
فيصل ابتسم لريان وهو يحس
براحه
********
الكل بارك لساره
بعدها طلعو عشان ترتاح
ساره:خالد بشوف ولدي
خالد وهو جالس جنب ساره:الحين اخليهم يجيبونه
وجابو ولدهم
ساره:ابي اسميه على بابا
عبدالرحمن
خالد وهو يبوس ساره:حاضر ياام عبدالرحمن
بعدها طلع وجلست مريم معاها
************
خلود اول ماطلعو
من المستشفي خافت وضاق صدرها
ام فيصل:هذا فيصل يالله مشينا
خلود مشت وهو ترجف
ام ريان متضايقه
لانها تدري انا خلود حساسه
وانها اجبرتها على شي ماتبيه
بس خلااص الندم ماينفع
ركبت خلود مع فيصل
والسكوت سيدهم
********
افنان وريم
رجعو للبيت مقهورات
انهم ماشافو ساره
والكل دخل ينام
******
عند عروستنا خلود
اول ماوصلو دخلت ام فيصل
غرفتها
وفيصل قال لخلود تلحقه
عشان يوصلها لغرفتهم
خلود تمشي معاه وهو تطلع البيت باعجاب
دخلت غرفتهم
فيصل:اتركك تبدلين وانا بنزل تحت
اقولهم يجهزون العشاء
خلود ارتاحت من طلع قفلت الباب بسرعه
وخذت لها شور سريع تحس
انها حدها تعبانه
ولبست قميص نوم احمر طويل
وفكت شعرها وحطت شويه قالوس
وفتحت الباب عشان فيصل لنادى عليها
تسمعه
وجلست على كنبه الغرفه
وتحس انها تعبانه حدها تمددت على الكنبه
وحطت ايدها على راسها وتحس بصداع
نامت بدون ماتحس
دخل فيصل على خلود
وحصلها نايمه على الكنبه
جلس يناظرها ينظر بجمالها ببرائتها
والاحمر عليها
خله يندم الف مره على تصرفه معاها اليوم
بعدها قرب لها وباسها على راسها
وشالها وحطاها على السرير
خلود مسكت بفيصل وهو تقول بتعب:مساعد لاتتركني
كانت صدمه بالنسبه لفيصل خلته يرجع مليون
خطوه لورا على اللي كان بيسويه
طلع فيصل من الجناح وهو مقهور
حاس انه انخدع اخذ انسانه قلبها مع غيره
حقد على خلود وعلى مساعد لانه ملك قلب خلود
لان فيصل من اول ماشاف خلود اسرته بس
هدمت كل حلو واشياء كثيره كان بيسويها
فيصل عشانها
*************