رغم أنوفهم

الجزء 17

علي جاهن في السوق إشترن التلفون من أول محل

بعدها إتحركن معاها على توتي وصلوا لقوا يوسف هناك

سلم عليهم قعدوا اتونسو شوية سوا بعدها بِ دقائق إستاذنهم يسوق صافي يوصلوا أمو المطار ويجوا..

علي كان متوتر شديد وشذى كانت منتظرة متين ناس صافي يبعدو منهم عشان تعرف داير يقول شنو

سألتو بقي يتمتم ويفتش في طريقة يهرب منها قال ليها :

_لي إسبوعين بحاول معاك أجيب ليك تلفون أو حتى تشيلي جزء من مرتبك رفضتي في دقيقة وافقتي عشان دي صافي يعني..

ضحكت وقالت :

_الصبر بجي يوم نمشي فيه سوق سووا وقتها ليك حق الإختيار ولو حصل وما إتوفقنا يكفي إنو كان بينا أمنية بعرف ما المفروض أتمنى وأحلم بحاجة زي دي بس

قاطعها ..

_هنكمل مهما حصل

_كدي خليك من دا كلو ما تنسيني سبب قعدتنا دي..

دنقر راسو سكت مسافة بحاول يجمع في الكلام أو على الأقل يلقى كلمة واحدة يبدأ بيها

شذى خافت من ساكتو طلبت منو بطريقة صارمة يتكلم وإلا هتمشي

مسك يدها لأول مرة عاين ليها جوة عيونا دموعو جرت على خدو

زاد خوفا أكتر حاولت تفهم منو الحاصل العبرة خانقة ما قادر يتكلم بصعوبة قال:

_شذى ما داير أخسرك ..

قعدت ولسة بتحاول تطمنو أنها جمبو أين كانت المشاكل الجاية بقدروا يتخطوها سوا لو في بينهم نصيب

قال ليها :

_توعديني ما تتخلي عن علي لو عرفتي حقيقة علي التاني الجواه ..

_علي قول بسم الله ما تخوفني أكتر قول في شنو يلا أحكي بطل حركات الشفع دي ..

_الشافع الجواي ما قادر ينسى بدايتو كانت كيف وهو جاي من وين?

وقتها قرر يحكي كل شي ..

من اليوم الإتبنتو فيه دكتورة " هدى "

بالتفصيل

يتبع....