رغم أنوفهم

الجزء 24

حنان ندمت شديد لأنها إتكلمت قدام علي بالطريقة

خايفة ما يكون حصلت ليه مصيبة ومافي زول عارف

هدى وشذى ما خلن مكان ما فتشن فيه

مافي ليه أثر في كل مكان

يوسف قرر يمشوا يفتشوا في المستشفيات ويبلغوا الشرطة هدى ما كانت موافقة على أنهم يدخلوا الشرطة

بس ما كان قدامهم حل غير كدا

وهم بلفوا في المستشفيات الشي المطمنهم شوية تلفونوا فاتح

شذى قالت تتصل في تلفونوا يمكن يرد

المرة دي

إتصلت قلبها كأنو داير يطلع من مكانو

خايفة من عدم الرد

ختت التلفون بينا وبين هدى كانوا قاعدين في المقعد الورا

صافي كانت قدام مع يوسف ..

شذى سرحت بعيد بتتذكر في أيامهم مع بعض

من أول يوم إتلاقوا فيه لحدي آخر يوم شافتو فيه

دموعا كانت جارية عشرة عشرة , كانت في وادي وديل في وادي

لحدي ما سمعت هدى صرخت بفرحة:

_علي أخيراً سمعتا صوتك.

شذي بدون مقدمات خطفت التلفون من يد

هدى بقت تشاكل فيهو وهي بتبكي

صوتو زي الزول العيان ليه فترة أو الزول النام لفترة طويلة

يوسف شال التلفون منها عشان يسألوا

هو:

_علي أنت وين وصفي لي أنا بجيك هسي?

_خليل ..

على كدا تلفونو قفل نهائي يوسف أول مرة يسمع بالإسم دا عندو

سأل هدى وشذى قالن ما بعرفنو

صافي كوركت فيه بصوت عالي :

_يوسف أرجع على أم درمان بسرعة ..

هدى بقت تسأل فيها وهي بس همها يوسف يرجع

بقت توصف ليه لحدي وصلوا الصالحة

وهي لسة مٌصرا يوسف يواصل

زهج منها وهو في الاصل أعصابو تلفت من سمع صوت صاحبو وقف العربية حلف قال ما بسوق إلا يعرف هو ماشي وين

قالت ليه :

_أنا عرفت قصدو شنو ب خليل دا عمو عرفناهو من قبل سنتين

عندو بيت في المنطقة دي بس المخوفني هو إتوفى من كم شهر وبيتو فاضي علي ..

ما تمت كلاما يوسف دور قال ليها توصف ليه البيت بسرعة

الوقت داك خلاص مغربت ..

وصلوا البيت لقوا الباب فاتح يوسف طلب منهم ينتظرو يدخلو هو أول ما معروف االبيت المهجور دا يتلقي فيه شنو

أقل من دقيقة كورك لي صافي طلب منها تناولو قارورة موية بسرعة

هدى وقتها جسمها برد قالت خلاص بكون مات

شذى خطفت القارورة من صافي جرت جري تشوف الحاصل

لقت يوسف رافع رأس علي بيدو بحاول يتكلم معاهو

ما قدرت تواصل لعندهم

يوسف طلب منها تساعدو يوصلوه للعربية ..

بعد ساعة وصلوا اقرب مستوصف

أدهو كم درب حتى قدر يفتح ..

قريب للصبح بقي كويس ساقوهو للبيت

يوسف وصل صافي وشذى بعدها رجع لي علي

لأنو هدى براها يمكن يحتاج لي شي..

الصباح حنان قالت ماشة تلاقي علي وياسر قال بمشي معاها

شذى طلعت قدامهم ..علي حاول

إعتذر لي أمو شذى بس رفضن إعتذارو

قال ليهن:

_يعني أعمل شنو أصلا مافي زول بتقبلني مهما حصل ..

وقتها ياسر وحنان وصلوا

ياسر قال ليه :

_الرفضتك أهي جاتك لحدي عندك حمدالله على السلامة يا جرسة من أول عتبة وقعت بتي دي البسندا منو بعدين ..

هدى قامت رحبت بيهم تتوتس وتضحك كأنهم بعرفو بعض من زمان ..

على كدا حنان وافقت ..

بعد يومين يوسف وعلي خططو لي يعملوا زفافهم سوا

مدثر قبل كم يوم عرض الزواج على ي

رجاء ما ردت لحدي ما لقوا علي

فاجئهم بخبر زواجو من رجاء ..

زفافهم كان مجنون

كل واحد فيهم بدت زفتو من أول مكان لاقى فيه حبيبتو

علي غنا لي شذى للمرة التانية

" ماصدق إني قدام حبيبي... "

#بتمنى_الرسالة_تكون_وصلت

#تحياتي

#نســرينة