احاسيس مبعثره

الشخصيات 🌼✨

صباح جديد نضت فيه ع صياح مرت بوي (خديجه مواليد 80 حنووووونه وطيبه وتحبنا واجد اني وخوتي وتعامل فينا كيف بناتها وتعارك فينا لما نديرو حاجه خطأ معتبرتها كيف ماما وهيا معتبرتني كيف بنتها )
خديجه : نوضي ي فرخه انت وياها
حلا: باهي ي ماما شويه بس
خديجه : نوضي لمدرستك هيا
حلا:افففففف حاضر باهي
خديجه : هيا سلم بنتي
وناضن البنات مره وحدة وصارت دعكه ع الحمام
خديجه : بسم الله الرحمن الرحيم مش كنتن راقدات الللهم اسكنهم ف مساكنهم وطلعت
مروي تخبط ع الباب تعرفي ي ساره كان متطلعيش بنرتكب فيك جريمه 😡😡
ساره :منيش طالعه😝

نعرفكم ع عيلتي 🌼

خالد خوي الكبير مواليد 88 كان طيب وحنون واجد بس لماتزوج كيف مايقولو غيراته مرت اسماها سميه كانت ف البدايه طيبه بس بعدها ولت شريره منعرفش ليش يمكن غيره لان كان خالد يجبلنا حني قبلها ويحسب فينا حني اكتر منها لدرجه ف شهر العسل رفع معاه اختي حلا فبدت تملا فيه عليا خواتك دارن خواتك قاللي وقالت ع اختي ساره انها مدايره علاقه مع ولد خالتي وهكي فبدا واعر وديما يضرب شكله هكي جنتل وشخصيه عيونه سود روموشه طوال مداير لحيه تجنن طويل وحلو مرته سميه جميله جميله عيونها زرق بيضه كيف الشمعه خشمها مكعبر شويه 😹 لاكن مش باين فمها بودري صغيرون طويله جسمها كيف مروي عندها بنيه سمها ميار وهادي دلوعه العيله وديما تعارك مع حلا لانها خدت مكانها )

محمد مواليد 90 حنون بس لما يحمق مايعرف خد وطبعه كيف احتي مروي بسرعه مايحمق خاطب بنت سماها سلمي شكله طرررررررف مطرف عيونه خضر داكنات كيفي خشمه كيف السيف مداير لحيه تهبل جايه عليه (نموت ف اللحيه💜😹)طويل خاش ف صاله وعنده عضالات )

اسامه مواليد 93 يهبل عسسسسل اغلا واحد عندي ف خوتي يحبنا ومايرفض ف طلبنا بس لان خالد هوا لي امرنا ميقدرش يدرلنا كل شيء نبوه يهبل طويل خاش حتي هوا لصاله عبونه عسليات جوا فري يحب البصاره والضحك )

مروي مواليد 95 دلووعه مدلعه روحها بروحها وسسسسمحه واجد عيونها عسليات كبار رموشها سود طوال خشمها واقف فمها بووودري منفج كيف الفستق وديما تحصل ف طرايح عشان يحسابوها خوتي مدايره روج شعرها اسود ظلام الليل طويل لعند فخدها وجسمها سسمح مفاتنها بارزات مليانه مش رقيقه شينه ونش سمينه مخطوبه وحاتعرفو تفاصيل خطوبتها مع الايام فاتحتها مقريه لان عندنا خوتي مفيش خطوبه ضروري فاتحه)

نور موالد 96 هاااااديه متسمعيش حسها الا بعد وين وديما ف دارها تقري ف قصص بما انا خوتي مانعين علينا الكليات يلي تكمل التانويه تقعمز ف الحوش ولو يعرف خوتي انها تقري ف قصص وخاصة اذا كانت رومنسيه حي يقطعوها لدلك هيا ديما ف دارها جمالها هادي لاكن يلي طاغي عليها طيابتها يلي باينا ع وجهها عيونها عسليات مايلات للاخضر بيضه كيف الشمعه فمها كيف مروي سعرها قهوي فيه الشعرات الصفر قصير لعند رقبتها جسمها مش بان عليه عليه انها مواليد 96 رقيقه وااجد قصيره مخطوبه لولد عمي مقريه فاتحتها حتعرفو التفاصيل مع الحلقات )

ساره مواليد 98 قووويه واجد قدام الناس وديما تعاند وعايشه حايتها بس لما تخش الحمام تقعد تبكي وديما ترقد ودمعتها ع خدها ولي ف قلبها ع لسانها سسمحه واجد عيونها خضر داكنات مش كيف ساره ورموشها طوااال قهويات بشرتها حنطيه خشمها واقف فمها كيف ساره ومروي شعرها قهوي طويل لفخدها جسمها روعه لدرجه خوتي حتي عمامي وخوالي يبوها تلبس عبايه لان جسمها كيف كيم كرداشيان بس ارق منها من لوطه
)

اني ايه مواليد 99 اني يلي رافعه مسؤلية خوتي مع انه مروي الكبيره لاكن كيف متعرفو دلوعه منعرف شيء وساره هاديه اسط كلمه تقعد تبكي واني زيها لكن مسؤليتي لخوتي خلتني نقعد خويه ع خاطرهم لان بابا كاين يعز ماما واااجد ويحبها فمتزوجش لما ماتت ماما ولما ماتت ماما كان عمري 13سنه وبابا توا كيف تزوج ليه تقريبا 9 شهور بإصارار مني اني وبابا لما ماتت ماما معاش يحب يجينا فولا خوي هو يلي ولي امرنا طبعي انحب انبصر ونضحك كنت بس توا يلي يشوفني يقول بارده وهكي لان اني يلي مربيه خوتي خديت مسؤليه وني وصغيره شكلي كيف خواتي وبالأخص ساره نشبهلها واجد ف الشكل والجسم والكل يحسابنا توأم )

عمر مواليد 99 توأمي مش حنكو عليه واجد لان مسافر يقري برا لمايجي حنعرفكم عليه

حلا اصغر وحده ف العيله مراليد 2000 دلوووووووووعه لعند موليه سحنونه ومايقدر عليها حد لسانها طويل احرف من ساره احلي وحده ف العيله عيونها زرق مش عارفه منين جايبتهن ماما عيونها خضر وبابا عيونه عسليات واقاربنا ي سود ي قهويان ملامحها كيف مروي حتي ف الشعر وجسمها كيفي اني وساره لان جسمها هكي خالد لبسها العبايه من هيا وصغيره ونحرمت انها تلبس كيفي اني وساره صح خواتي تانيه يلبسن فيها لاكن مش بدري واحني اصلا منطلوش الا لخوالي وجداي وعمامي عندنا عم واحد مسافر وخطيب اختي نور امه وبوه مايتين وعايش مع جداي )

وخلاااااااااص عيت يدي توجه فيا وهادي اول روايه ليا وانشالله انزللكم ف كل يوم حلقتين ف الطله لاكن لماتجي المدرسه بنقدرش يمكن يوم بعد يوم او ف الخميس والجمعه والسبت

#يتبع