الوحش و المنقبة

البارت الاول💞

دخلت كانجري من الباب دالشركة طلعت فالسانسور و انا كاتقفقف بالخلعة حيت تعطلت و من البرد و شتا لي فزگاتني .....وصلت للطابق الأخير لي فيه البيرو ديالي و ديال المدير ....وغير دخلت
المدير: تبارك الله عليك الآلة عاد طفات عليك شمعة شهادة الوقت و علاش ماجيتيش للدار تديري خدمتك شوفي ياغاتخدمي مزيان يإما عقابة غايكون عسير كاتفهمي ...
انا: اه اموسيو اسد ...
اسد: فكريني فسميتك
انا: ( عاماين هادي و انا خدامة معاك و مازال ماباغي تحفض سميتي متكبر لاخر انعل زنافرك ..بببف) روميساء ....
اسد: سميتك صعيبة ا آنسة غار بدليها
انا: واخا انا دابا غانمشي نشوف خدمتي ... خرجت و انا صااااخطة عالوضعية اووووف مشيت بعدا جبدت من المجر برقع اخر و لبستو (ههه ديما كاندير الديباناج) .... حيت داك لي كنت لابسا فزگ مع شتا ...
.....نعرفكم بعدا علا شخصيات هو الأول ...
هادي روميساء بنت عندها 25, عام هيا سيكيرتيرا ديال سي اسد كاتعمل البرقع اي الحجاب الشرعي "الجلباب" خدامة معاه هادي دو زون اوا هيا غليضة عامرة و قصيرة هيا زوييينة عنيها رماديين و بيضة ...الفيم كايخلي اي بوركابي يقيم ههههه المهم فاش كاتبغي تخرج كاتدير بزااااف دالفونديشن غااامق كايكحل ليها وجهها و كادير ليلونتي فالحكل و كاتركب واحد الخالة كبيرة فنيفها ههههه بطبيعة الحال غاتقولو واش هادي مسطية ..لا بالعكس كادير هادشي باش تحافض علا خدمتها حيت سي اسد زهواني و ماكايفلت حتا وحدة و زيدها المعاكسة لي كاتعرض ليها فالشارع ..هيا عايشة مع الجدة ديالها اسمها جميلة و بالفعل مرا جميييلة باقة شادة فراسها مي عندها واحد الدوا ديال الديق التنفس ضارووري خصها تاخدو غالي شوية و هادا سبب من أسباب لي حبات روميساء انها تصبر علا إهانة اسد و تكبر و غاواتو عليها ....

نعرفو دابا سي اسد ...و هو نيت بحال شي اسد اغنئ رجل فالمغرب رجل أعمال مشهووور معروف بصرامتو و انعدام رحمه لي فقلبو ...رجل وسيم دو جسم رياضي بامتياز طويل عينيه خضرين لونو حنطي شعر كحل ......عندو 34 عام عازب ههه .....

دخلت للبيروا ديالي بديت فخدمتي حتا جا صاحبو يوسف ..و شريكو ...دخل للعندو بداو يدضحكو و يهضروا ..كان خص اسد يوقع علا شي وراق يلاه بغيت ندخل و انا نسمعو كيقول
يوسف: اصاحبي اش هاد السيكيرتيرة عندك كاتخلع
اسد: وايييه بزاف داك لون دوجهها و غلييضة و قصيرة بزاف ياخويا أما داك الخالة لي لوجهها
خلاص و دوك الحوايج هههه صارحة انا كاتخلعني ...ولكن ماعندي مانقول فخدمتها كون ماشي هيا كون هبلة و مزيان تكون هكاك باش نديها لخدمة شوية دالاهتمام ...
يوسف: ههههههههه اوا اش غانگوليك الله يكون لك فالعون ..... سمعت كووولشي گاع داك الإهانة و سكتت او شووووف بنادم كايهضر بحال الا خالق راسو استغفر الله ....دخلت
انا: مسيو اسد خصك توقع لي علا شي وراق ....
اسد: واخا ...عطيتو الوراق و انا مادايراش ليگات نسيت حيت انا بيضة و مادرتش ليدي حتا هيا الفونديشن ...جمعت يدي وقع و انا نخرج باينة فيه مادا ماجاب .....
مشيت للبيرو ديال و غرقت تاني وصط خدمتي .....
يوسف: واش شفتي لي شفتو ؟؟؟؟
اسد: اشنو ؟؟؟
يوسف: يديها اصاحبي
اسد: مالهوم؟؟؟
يوسف: بيضييييين
اسد: كيفاش
يوسف،: يمكن داك لون دوجهها ماشي حقيقي
اسد: اويلي شهاد الهضرة رآه عاماين و هيا عندي مايمكنش ...
يوسف : صافي صافي ماشي موشكيل يالاه نخرجوا ....خرجوا هوما گلست انا حتا سالي و انا نخرج مع ديك الستة ....مشيت تقديت شي تويشيات بغاتهوم جداتي حبيبتي ...و طلعت للدار ....
انا: حبوووبتي الحبيبة هاني جيت ..
جميلة: بنتي علا سلامتك دخلي دوشي و حيدي عليك داكشي لي فوجهك و اجي درت للبنتي مسمن معمر ...
انا: الله الله علا حبيبتي لاش عدبتي راسك دابا تودسويت ......دوشت و درت تيليفوني يتشارجا و مشيت ناكل ههه طحت ماعاقلة كاناكل بيدي ورجلي
جميلة: بصحة ايلي(هيا بنتي بشلحة)
انا: ولا كمي بصحا و راحا ا تاسانو(حتا نتي بصحا و راحا ا قلبي) ......

أصبحنا و اصبح الملك لله فقت ناري مي تعطلت لبست مابقا ليش الوقت ندهن و جهي ضطريت ندير نقاب للوجهي (خخخ سرقتو للحبيبتي جميلة) خرجت شديت طاكسي مشيت كانجري كلية الباب دالشقة الفخمة ديالو وجدت بالخف الفطور و معا هو كايبغي فطور صحي و سكر يكون قليل ...سولت دا الحسن(الحارس دالعمارة) قالي مشا يدير الرياضه ....لميت ليه حوايجو وجدت ليه للبستو و مشيت حطيت داكشي يتصبن ....سمعتو كايدخل و انا ندير نقاب للوجهي .

اسد: بسم الله الرحمن الرحيم خلعتبني
انا': ( ياودي ياودي علا رجلة,) سمح لي امسيو ماقصدتش رآه وجدت لك الفطور و البدلة ديالك انا كانتسناك للتحت مع شيفور ...
اي: اه سوسايساء بغيت نقول موسيساء ...دكريني بسميتك
انا: ,(بغيت ليك سوسة الخامجة) رو مي سا ء .. روميساء
اسد: وي وي كيفما قلت ليك بدليه
انا: (تفو الله يقطع الجدر رآه نتا لي خصك تبدل) بغيتي شيحاجا خرا ....
اسد: علاش درتي هادشي للوجهك ...
انا: ا(مازال مانطقتش و هو يقول)
اسد،: مزيان باش مابقيتيش تخلعني لصباح ....
انا: تحجرو لي دموع فعينيا ....نزلت بلا مانهضر
اسد،: ههههههههههه

يتبع تفاااااااااعلو 40vote نكمل