الوحش و المنقبة

البارت الخامس

وصلت للدار دخلت للقيت ميما باقا ناعسة دوشت و نعست ماعقلتش ....نضت فصباح قاديت طبلة دالفطور و دخلت للعند لميما
انا: لميما نوضي
جميلة: سمحي ليا علا للبارح ماتسنيتك صليت العشاء و نعست
لا: هانية امي حتا انا دخلت و نعست ....فطرنا و خرجات للميما هيا و مت نسيمة مشاو عند شي صاحبتهم ...عارضة عليهم
......جات عندي نسيمة فراعات لليا راسي بالهضرة الخاوية
انا: نسيمة واش ماكاتسكتييش
نسيمة : لا ...اجي بعدا نتي امتا غادا تقدمي استقالتك من عند اسد
انا: هاد اليامات
نسيمة: واش متأكدة من هادشي لي كاديري
انا: اه علاش
نسيمة: غار سولتك اه حقا ...للقيتي المحل لي بغيتي
انا: وي للقيتو فالمول ...
نسيمة: مي غايكون غالي
انا: اه مي كبير و زوين و يعني موقع
نسيمة: ياك غاتخدميني عندك
انا: حتا نبغي نجري علا الكليان و نعيط ليك
نسيمة: ياااااااك هادي هيا ااصحبة
انا: هههههههههههه غار كانضحك معاك هههههههه
.....دوزنا للعشية كاملة فالكوزينة ههه كانخرجو المواهب لي عندنا ...درنا شي بريوات و بيتزات صغار ...گلسنا ناكلو فيهم و نممو فعباد الله ههههه
أصبحنا وأصبح الملك لله
نضت بكري طليت وجهي تاني بداك للعجب ...لبست حوايجي و مابقا ليش الوقت نفطر هزية واحد البواطة صغيرة درت فيها جوج بريوات و جوج بيتزات ...باش نفطر بيهم تما ...وصلت طلعت للدار ...حطيت ديك البواطة صغيرة لي درت فيها فطوري و وجدة للفطور للداك المعفر ...ومشيت نوجد ليه البدلة .....
عند اسد ...نضت فصباح راااااشقة ليا دوشت لبست الكيطما ديالي للقيت روميساء وجدات ليا الفطور و طلعات للبيتي توجد البدلة ..دخلت للكوزينة نفطر للقيت واحد البواطة صغيرة حليتها للقيت فيها البريوات ...و بيتزا ...ريحتهم كاتشهي كليت كولشي للي فالبواتة و نضت نغسل يدي و هيا دخل روميساء
انا: مسيو رآه وجدت ليك البدلة ...اه وعلاش مافطرتيش( رضيت البال للبواتة محلولة و مابقا فيها غير تفرتيت ...واييييلي فين مشاو خرجت عينيا فيه ) ..فففففين داكشي لي كان هنا
اسد:(حابس ضحكة) كليتهم اه لدادين فين شريتهم
انا(اشنووووووووووو سير بغيتهوم يوحلو ليك فركابي ياابغل وااااااع فطوري سير الله يعطيك سريسرة و ألما يكون مقطوع ) اه بصحتك(و حابسة البكية)
اسد: اه فين خديتيهم
انا(بنفاد صبر) : انا لي قاديتهم
اسد: اااه صافي كولا صباح جيبيهوم ليا
انا:(طلع ليا دم): واش انا غانبقا مقابلاك غار نتا نخدم عندك فدار و الشركة و نمشي للدارنا و نطيب ليك واش ساڤا با ...صحاب ليك ساهلين بغيتيهم سير شريهم جاهزين اما انا رآه ماشي ماعندي مايدار نگلس نقادهم ليك ....و زايدون شكون قاليك هزهوم رآه جبتهك للراسي باش نفطر بيهم حيت مابقاليش للوقت فين نفطر فدارنا بحال امت لا إله إلا الله ...خصني نجي نجري نوجد لك ماناكل و تلبس
اسد(تعصب حيت غوتات عليه) : شدني من يدي و زير عليا ...شوفي نتي خدامة عندي ولي قلت انا لي غايكون كاتفهمي و اخر مرة مازال تهزي صوتك عليا
انا: اش عندك مادير ...مالك نت هو ربي ..انا كاتخاف غار من ربي ...يعني لي بحالك مايخلعنيش ..اوك وتا دابا الله يعاون استقالتي غاتلقاها عندك اليوم قبل غدا ....خرجت من عندو و ان غانسخف بالاعصاب شديت طاكسي و مشيت للدار
جميلة: بنتي اش جابك هاد الوقت
انا: والو غار غانستاقل من عند اسد
جميلة: صافي خديتي قرارك
انا: اه ا لميمة
جميلة: اوا الله يعاونك احبيبتي
.....نمشيو عند اسد
گالس فالبيرو ديالو و غاينفاجر بالاعصاب
اسد: كيفاش قدرات تهضر معايا بديك طريقة ...والكين هيا مولفة ديما كاتسكت فاش كانكون انا معصب ...اوف راسي غاطرطق ...والكين اش غاندير فالخدمة منبعدها .... اوووووووووف
اسد: الو يوسف ..اش بغيتي
يوسف: كاااارتة
اسد: اش واااااقع؟؟؟؟؟؟؟
يوسف: جداتك كاتصوني ليك و انت ماكاتجاوبش ...
اسد: كنت مشغول علاش
يوسف: بغات تشوف حبيبتك ...قالت ليك اليوم بليل تبغيك تجيبها ولا غاتغضب عليك ....
اسد: شيييت كيغاندير ليها ....
يوسف: رآه صبرات عليك تلت سنين و نتا كاتقوليها اليوم غدا ...
اسد: ومنين غانجبدها ليها انا ....اوف قطع قطع ........
راسي غاينفاجر بالاعصاب واش من جيها جدا و مي ولا من جيها روميساء .....اوووف كيغاندير ....نضت خرجت من شركه ركبت فلوطو و زدت ماوقفت حتا للعند دار دروميساء داخل و ناوي كانخرج حتا نفد لي فبالي .......
دق دق دق
روميساء : لميما حلي شوفي شكون
لميما: انا يدي عامرين بالخضرة سيري للبسي و شوفي شكون ...لحت عليا البرقع و مشيت حليت ....تصدمت للقيتو اسد...دفعني و دخل
اسد: فين هيا روميساء ..
خرجات للميما : ولدي اسد مرحبا گلس
اسد: الله يبارك فيك ...فين هيا روميساء الحاجة...؟؟؟؟؟
انا بديت نشوف فللميما و للميما تشوف فيا
اسد: الحاجة طلقيني
للميماو: للاش بغيتيها
اسد: بغيت نهضر معاها علاود استقالتها ...بلي رآه (قاطعتو)
انا: نعام شنو بغيتي تقول
اسد:؟؟؟؟؟؟
انا: انا روميساء دوي
اسد: ؟؟؟؟؟ واش كاتفلاي عليا فين روميساء
انا: (ببرود) رآه قلت ليك انا دوي الا عندك مانقول
اسد: الحاجة هادي شكاتخربق ..؟؟؟
لميما: لا اولدي ماكاتخربقش ...بصاح هيا روميساء
اسد: ولكن كيفاش روميساء كانت (قاطعتو)
انا: انا نقولك كيفاش ...قبل عامين كنت محتاجه ضاروري للخدمة باش نصرف علا راسي و علا للميما و دواها و صارحة (طلعتو و نزلتو) نتا معروووفة سمعتك ..ماكانتش باغا نفلت الخدمة عندك داكشي علاش ضطريت كولا نهار ندهن وجهي بداك للعجب و ندير ليلونتي فالكحل ...فهمتي دابا ..اوا دوي اش بغيتي
اسد: واااااااو عمر شي واحد ماتفلا عليا كيفما تفليتي عليا نتي ...وقف ... vraiment très bien ...تستاهلي جائزة أفضل ممثلة ....
انا: بلا ماتقوي للهضرة گول شنو عندك
اسد:(رجع گلس بكل أناقة رجولة خلاني نسهاااااا فيه) نتي بغيتي تستاقلي ياك
انا: واش لي نقولوه غانعاودوه
اسد: ممممم و طلعتي للسانك صليك ...المهم يمكن نسيتي بلي راكي وقعتي علا كونطرا للمدة خمس سنوات ...ياك
انا( ياااااا سيدي ربي ماشات ليا هادي من البال ) : أو منبعد
اسد: عندي الحق نطالب بتعويض مالي ..وبتنمن لي بغيت انا
انا: باغي زعما تلوي دراعي بيها
اسد: هههههههه لا غار هوا الا بغيتيني نمضي ليك علا الإستقالة عندي ليك واحد شرط من غير تعويض
انا(قلبي مامهنينيش ...قول يا الحريمي) : وشنو هوا
اسد: غانقولك ...من تلت سنين هادي كنت كانبغي واحد البنت ...و كتاشفت بلي كانت كاتبغي غار تروة ديالي ...انا كنت هضرت الوليدة و جدا عليها و من ديك ساعة و هيا كاتسولني امتا غادي نعرفها عليها ....
انا: و انا مامحلي من الاعراب
اسد: غاتكوني بلاصتها علا ماتنسا جدا و لواليدة و من بعد نمضي ليك عليها و مريضنا ماعندو باس
انا: بعد تردد ....مافقة ولكن اقسم بالله و فكرتي دير ليا الكوبا بربي تنحيد ليك راسك
اسد: اليوم بليل نلاقك واجدة نتي و الآلة الحاجة واجدين ...مشا جيهت الحاجة ..باس ليها يديها
....ماغاتوصلينيش لباب؟؟!
انا : راك عارف الباب فين جا ..
اسد: نننن من صواب...توصليني للباب

يتبع تفاااااااااعلو
45 فوت
25كومنت
دونك تفاعلو باش نكمل