الوحش و المنقبة

البارت الثامن

من بعد ماخرجت من عندو مشيت للغرفة لي عطاوني حيدت حوايجي و حليت البلاكار لقيت فيه واحد البيجامة خفيفة لبستها و تكيت ...ناري نعاس مابغاش يجيني اويلي وليت كانفكر غار فيه ناري كانحس بقلبي غايسكت توحشتو ..💞 اويلي زعما نكون كانبغيه لا لا مايمكنش اصلا هادشي غار تمتيل صافي انعس ...اح اقلبي غايسكت
.
.
.
عند اسد ...خرجات و دات معاها القليب وليت كانغير عليها من الهو ...ماكرهتش نهرب بيها لشي بلاصة و نبقا نشوفها غار انا ...كانقسم بأنه غاتكون ديالي بوحدي و غانخليها تبغيني بزز ولا بالخاطر
.
.
.
.
اصبحنا و اصبح الملك لله
عند روميساء ...فقت راااااشقة ليا باغا غار نلعب و نضحك و نقز اناري ياكما "احب❤" ...خرجني من افكاىي غار صوت خالتي "ام اسد"
خالتي: حبيبتي فقتي اوا زيدي تفطري راه اسد غايديك للدار تجمعي حوايجك غانمشيو نخيمو
انا: ولكن كيفاش؟؟؟
خالتي: شوفي راه لالة جميلة وافقات و حتا نسيمة غاتمشي غار زيدي بلا اعدار خاوية
انا: واخا يالاه مشينا ...نزلت و بان ليا اسد بتاسمة ليه وبادلني الابتسامة ناري حسيت بالفرحة حسيت بلي غانطييير ...فطرنا و خرجنا ...دخلت للطوموبيل ديالو  و گلست كانتسناه ...طلع و حنا نديماريو ....
وصلت جمعت الحوايج جمعت كولشي عيطت لو ينزل ليا الشنطة نزلها و رجعنا للفيلا اوو غار دخلنا لقيناهم واااااجدين موجدين 👌 وجدو طوموبيلاتهم و كل واحد ركب فوحدة لميما و الحاجة رحبو مع عمي و خالتي و نسيمة مع يوسف و نورا ...بقيت انا و اسد
اسد: طلعي معايا
انا: امممم
اسد: من فضلك
انا: هههه الله الله الاداب كايقطر منك بلاتي نجمعو شوية
اسد: ونتي الزين كايقطر منك بلاتي نجمعو شوية
انا: زيد وسكت 😡
اسد: مالك 😓
انا: والو زيد ولا نمشي نركب مع يوسف😒
اسد : واخا 😓..
.
.
.
وصلنا للواحد المنتجع سياحي 🏖زوييين من برا حلو لينا الباب دخلنا و حنا نمشيو للاستقبال حجزوا تلاتة  ديال لي بانگالو 🏡 قبالت البحر محلولين عليه وحدة ديال الحاجة و عمي و مرتو و لميما ووحدة لينا حنا البنات : انا و نورا و نسيمة (اه نسيت ماقلت ليكم نورا عتادرات من نسيمة و قالت ليها بلي يوسف بحال خوها وبلي عندها حبيب و من ديق الوقت و هوما فارعين و مرونين للوقت بحال شي عصابة ) ....دخلنا كانت الدار وااااعرة 😍💞💞👌 فيها تلاتة ديال البيوت و مراح كبير محلول هلا البالكون لي قبالت البحر و كولا بيت فيه دوش و الكوزينة كبيرة و مجهزة كولا وحظة فينا خدات بيت بدينا كانقادو حوايجنا فالبلاكار🗃 سالينا و حنا نلبسو حوايجنا(اه انا باقة ببرقعي واخا الصيف ) لبسنا درنا ميك اب صيفي لي عبارة عن فاغاجو🌸😊 و كونسيلاغ و نمش اصطناعي😜 هايلايتر 💥 
گلوس حمر مفتوح جايب للون الفم و نتيجة 😍 جينا فنااات بحال التوفيتات المهم خرجنا مشينا للعند الحاجة گلسنا معاهم شوية و خرجنا ندورو ...جو كان زوين و فين ما دارز شي تيتز نطيحو عليه ريوگ 😂😂😂مشينا للسوبر مارشي خدينا داكشي لي غغيخصنا فالدار (الدقيق ...زيت ...السكر...حبوباتاي ...نعناع ...الخضر ...السقاتة🍭🍬🍫🍦) بغينا نجمعو داكشي مي كتير بقينا مدابزين معاه حتا وصلناه للدار دخلنا و دخلنا داكشي حطينا كولا حاجة بلاصتها صاوبنا العشا تعشينا و حنا نعسو
#يتبع