الوحش و المنقبة

البارت السادس

نا : ماشي نتا لي غاتوريني صواب كيداير و دابا راك عارف الباب فين جا
اسد( و داخلو بركان غاينفعك): اوك المهم العشسة نلاقاك واجدة
انا: واخا ...خرج و سد الباب

#عند اسد
خرجت و دمي كايغلي ولكن علاش علاش ماقالت والو من لول واش لهاد درجة انا كانخلع ...ولكن ماشي موشكيل غانقطع ليها داك لسان لي طول منها ... غانمشي نوجد راسي حسن و نعيط للواليدا
اسد: الو الوليدقة
مو : الو يالمسخوط فينك
اسد: هانا غار فدنيا
مو: شوف رآه الا ماجيتي ليوم نتا و (قاطعتها )
اسد: عارف عارف رآه غانجيو لليوم مع تسعود المهم رآه غاتعجبك فيها داكشي لي تايعجبك نتي و جداتي
مو : اوا دابا نشوفو ..دوقك راني عارفاه المعري كتر من المستور ..يالاه باي
اسد: بسلامة ....غانمشي نرتاح شوية فدار

#عند_روميساء

اوووف ياربي اش هاد المشكل لي طحت فيه هادي هيا للخرة لليا اش غاندير كايبان ليا نهرب نخوي البلاد باش نتهنا نمشي الألمانية عند خويا اسامة ...ولكن غايلقاني غايلقاني و بحال والو يكون دابا مبلغ شرطة الأمسية للمطار ننحصل ...غانواجه و. نشوف شنو غايوقع دارز الوقت و وصلات العشية
مي : نوضي احبيبة وجدي راسك
انا: واخا ...نضت دخلت للبيتي و بديت نشوف اش غانلبس ....فاللخر قررت بلي خماري لي غانلبس غانلبس خيمار فالحمر ..درت ماكياج خفيف و درت ريحتي Gucci Bloom (تانعشقها) أو لبست بلغة حمرة د شلوح ... اصلا ماتانلبسش طالون ...لحت عليا المونطو و خرجت عند الميما
انا: لميما هانا و جدت
لميما: تانا ابنتي امتا غايجي (مازال ماكملاتش هضرتها و جا)
انا : هاهو ضكر الحمار يبانو ودنيه ..حليت ليه
اسد: ( طلعني و نزلني ) واجدة
انا:: واش بأن ليك
اسد: لميما يالاه ...
نسيمة:(وقفات علينا بجرا و كاتقاد فجلابيتها) اييي شتكم نسيتوني
انا: لا لا عرفت غاتجي زيدي ...جلابتك زوينة جيتي واعرة
نسيمة : ربي بصاح عرفتي رآه مدابزة مع ماما باش خديتها ليها ...راكي عارفة اش كاينة تازوفريت سراول صافي
انا: ههههه ديما كانقولك شري تقليدي مي نتي راسك قاسح
اسد: البنااااات تعطلنا
انا: صبر صبر....مشيت لبيتي و هزيت واحد البوشيطا فيها فيها طوانك دالشلوح قدااام داكشي دزمان (رآه ولا تايدير تااامان فسوق لا تحگروه ..وزيد عليهم وااعرين )
اسد: اشنو داكشي
انا: واحد الحاجة لا دخل لك فيها
اسد: (تعصب) واخا .....نزلنا طلعنا لوطو و زاد بينا ...دارهم خارجا علا المدينة و كائنة فالغابة انااري هادا واش باغي ينتاقم مني ...وصلنا للواحد الفيلا كبيرة تحلوو البيبان و دخلنا ....كاتبان زوينة مي انا ماكايعجبنيش هادشي لي تايكون مباالغ فيه ...فاش وصلنا حدا الباب دالفيلا الدخلاني للقينا جوج عيالات وحدة كبيرة بزااف وحدة مواايان واحد البنت تكون ديك (17عام) وواحد الراجل نزلنا من الاوطو و توجهنا جيهتهم سلم عليهم اسد و سلامت عليهم لميما و نسيمة و انا نوبتي هههههههه سلمت هو لول علا المرا الكبيرة بست يديها و على المرا تانية تاهية بست يديها و راجل تاهو (غاتجيكم فشيشكل باش تبوس يد شي حد مي حنا شلوح الواحد ملي تايكون كبر منك تاتبوس ليه يديه ) و سلمت علا ديك البنت ل قجاتني عنقاتني مزيييان و باينة فيها فرحانة ...دخلنا رحبو بينا مزيان باينة فيهم ناس الله يعمرها دار ....
حاجة : نهار كبير هادا لي جيتو عندنا مرحبا بيكم
لميما: ترحب بيك الجنة إن شاء الله الحاجة
للمرا : نوروتنا والله احتا شحفنا اسد ..باش يجيبكم نتعرفو عليكم
انا؛ كل تأخيرا فيها خيرا ..نهار كتاب هاحنا جينا
البنت: اوا ماغانتعرفوش
نسيمة: اه يالاه كل واحد يعرف راسو
الراجل: اولا مرحبا بكم ...انا الحاج ابراهيم اب اسد و نورا
المرا: انا الحاجة حسنة ام اسد و يوسف
الحاجة: انا الحاجة تورية مهم كاملين هههه
البنت : انا نورا خت اسد و نوارت الدار حيت اخر العنقود ..و تانقرا فالباك
لميما: متشرفين انا جميلة جدات روميساء
انا: و انا روميساء
نسيمة: انا نسيمة صاحبة نسيمة و ختها
الحاج: شرف لينا ...يالاه نوضوو عند العشا ....نضنا عند العشا تعشينا وبقينا كانتعارفو علا بعضنا و هويجي يوسف دخل و هو يقول
يوسف: ياكما تعطلت
نورا : لا لا غار اجي هانتا گلس حدايا ...سلم علينا و مشا باسها فوجها ...بانت ليا نسيمة تزيرات سيرتو أنه ماسلمش عليها و لا رد ليها البال ...بانت ليا صافي حمارة و تنفخات ..و كان گالس حدايا اسد
اانا: اسد فين طواليط
اسد: لفوق نمشي معاك
انا : لا غار نعت ليا كاتبان ليا نسيمة ماشي تالهيه بغيت نديها تبرد شوية
اسد: واخا تانتي طلعي للفوق و ضوري على يدك ليمن ...غمزة ليها باش تنوض و ناضت
انا: عفو غانمشي للحمام و نرجع
الكل : واخا ....

طلعنا و انا نسد الباب
انا: نسييمة واش كاتبغيه ؟؟؟؟ ...بدأت كاتبكي
انا: لا احبيبة لا ماديريش هكا فراسك و زايدون مازال ماعرفناش نوع دالعلاقة لي بينو و بينها
نسيمة: ماشفتيهش كيف دار معاها و زگلني كاعما سلم عليا
انا: واخا دابا غسلي وجهك و صافي بغيت نخرج و هي تجرني شي يد للواحد البيت اناري ضرت لقيتو اسد دخلتي و سورت الباب ...لسقني مع الحيط ... و دار يديه علا الحيط نزل راسو عندي و صغر عينيه
انا: وااايلي مالك
اسد: اجي ماشي نتي هيا قمر دالموطور و سباق
انا: اه
اسد: مال نسيمة
انا: ونتا مالك
اسد: واش علا يوسف ...رآه هكا كايدير مع ختي حيت قراب من بعضهم كاتحسو بحال خوها
انا: و شنو داكشي لي دار
اسد: هههه نتي ماكاتعرفيش يوسف ملي كايكون عزيز عليه شي حد كايسلم عليه بتعناق 
انا: ايه و اشنو
اسد: ويوسف ماغاديش يعنقها قدام العائلة ....خرجنا و انا نلقا يوسف تايحزر فنسيمة
اسد: كايبانو مواتيين بعضياتهم
انا: ههههه سيتو نسيمة مصطية غايتلاقاو هههههه
اسد: كاتباني زوينة فاش كاضحكي ....(انا حسيت بوجهي كايطرطق و حنيكاتي سخووونين ههه حشمت )  ويينو كاتحشمي
انا: ههه لا ماشي هكاك
اسد: لا هكاك ...
انا: يالاه نهبطو ...نزلنا بانو ليا مشاو للجردة و خرجنا عندهم گلسنا معاهم شوية و هيا تنزل نسيمة كاضحك و ضرست العقل كاتبان و هو يغمزني أسد .... تبعها يوسف تاهو فرحاااان ... بقينا تانجمعو لميما نسجمات معاهم و. دغيا تفاهمو ..بغينا نمشيو و انا نعطيهم الكادو عجبهوووم و خرجنا تفارقنا غار بزز قالو لك واالو باتو

: # يتبع