الوحش و المنقبة

البارت التالت

خرجنا من المستشفى و خرجنا ميما ...خلص ليا اسد فلوس مستشفى و وصلنا للدار
انا: شكرا بزاااف اسيدي والله احتا عاونتيني بزاف عمرني مانسا لك هاد الخير
اسد(حط يدو على كتفي): ماتگوليش هاد الهضرة رآه عاماين دالعشرة مايمكنش نخليك
انا: شكرا ...بالله بسلامة
اسد: كاتجري عليا
انا: الا حاشة
اسد: يالاه باي بتاسم حتا بانو ليه تقيبات الزين ...اه غدا تعطلي نعلقك من حلاقمك
انا: هههههه واخا الله يعرضك للسلامة
اسد: كموووون كاتحسسيني بلي راني كانهضر مع جدا
انا: باي باي ..دابا مزيان ....مشا كايضحك دخلت انا للدار فرحااانة علاش الله اعلم يمكن حيت ليميما ماوقع ليها والو ...
انا: لميما فيك جوع
جميلة : اه ..دريلينا شي حاجة ناكلوها
انا: شعرية بماطيشا و سدر دجاج
جميلة : واخا و عمري معاك كاس دأتاي.....دخلت للكوزينة كانوجد المالكلة و قلبي غايخرج من بلاصتو يدي كتيترعدو ...اويلي ياكما تصطيت .....

أصبحنا وأصبح الملك لله
نضت اليوم بكري عكس ليامات لي دازو ...طليت وجهي تاني بداك للعجب اوف طلعلي فراس درت ليلونتي فالحكل ...خرجت بلا فطور باش نوصل دغيا ...شديت طاكسي و خرجت ......

عند اسد
فقت ليوم ناشط علا عكس ديما دوشت و گلست مابغيتش نخرج للسبور قلت نگلس ليوم نرتاح و بلا مانمشي للخدمة غانسيفط عدنان يجيب ليا الوراق للدار
عند روميساء
..دخلت للدار باينة ماكاين حد ..حطيت سامي و دخلت للكوزينة وجدة للفطور ...صونات ليا نسيمة
انا: ااالو الحمارية
نسيمة: قحبووووشتي سافا
انا: الحمد لله و نتي
نسيمة : الحمد لله المهم بغيت نقولك بغيت سوارت دالمطور ديالك (حقا ماقلتش ليكم عندي t_max
كايعجبني نصوگو و نتسابق بيه )
انا: اشناهووووا الموطور لا لا اختي بغيتي تموتي بيه و نقجني موك و زايدون الا موطوري فوتيه عليك
نسيمة: بلييييييز والله ماتوقع ليه والو
انا: امتا نبغيتيه
نسيمة: هاد الويكاند
انا: و علاش
نسيمة: خارجة مع شي مونيكات عند صاحبهم و عرفتي ختك الجفاااف العاطفي و المادي و بغيت نبان عليهم
انا: اجي بعدا مااعرفت ليه
نسيمة: مممم عرفتي شنو يالاه معايا
انا: اووك مشات ...اجي ناري فراسك گاعما جبت معايا القطارة ديال لي لونتي عيني بداو كاينشفو
نسيمة: دونك حيديهم حتا يجي اسد و رديهم
انا : اوك باي .....
حيدت لي لونتي و درت نجبد العاصير من تلاجة للقيتو متكي علا للباب مربع يديه و هام حاجب و حاط لاخر ....
اسد: اريد تفسير
انا: اااا سي اسد علا وديت اش ؟؟؟
اسد : عينيك
انا: تا هادو غار ليلونتي
اسد: اوا حيديهم نشوف
انا(ناري مي حصلت) : ااا لا رآه طبيين فهمتي
اسد: اه جاو فيك بالگري زوينين بقاي ديريهم
انا: ااا لا رآه شريت وحدين آخرين بالكحل
اسد: ممم المهم رآه ماغانمشيوش لليوم للشركة ...غانخدمو هنا
انا: مي
اسد: هضرة
انا: اووف واخا ....
فطر و ناض للبيتو وجدت انا فطوري حيت ماقدرتش  فدار ...كليت و نضت ...جمعت دار و كلست كانتسنا عدنان يجي مي تعطل شفت ساعة للقيتها للوحدة واااي دغيا طار الوقت ...
خرج عندي اسد
اسد: نوضي صاوبي ليا الغدا
انا: سي اسد فين هو عدنان انا هنا باش نخدم ماشي باش نطيب
اسد: ههههه لا باش طيبي و تنضفي و تديري كولشي ..بدأ يقرب حتا تصاطحنا ...والا بغيت نقدر نقولك ديري ماكتر
انا: ممم مممسيو اسد عافاك بعد شوية
اسد.: ويلا مابغيتش
انا: لا لا حرام عليك علاش كاديري معايا هكا ...رآه كاتخطى حدودك
اسد: و منبعد هههههه ....غار كانضحك معاك هههههههه مي كاتصحكي ملي كاتوتري هههه
نضت كرت للكوزينة درت لو للغدا حطيتو و مشيت للكوزينة ناكل غداية
اسد: روميساء اجي تغداي
انا( اشنو واش عيط ليا دابا بسميتي نننن انبوسيبل وااايلي كيطرا وجرى مي عجبني الحال) : نعام امسيو اسد
اسد: اجي نتغداو مجموعين
انا: اا لا بلاش انا نتغدا فاكوزينة
اسد: اجيييييي ولا نجي انا
انا: اوكي نجيب غداية و نجي حداك واخا

اسد: اوك ( مشات و انا كتبتها بعيني اويلي مالي علاش بغيتها تبقى حدايا بغيت غار نشوف فيها ماعرفتش علاش ولا كاتبان ليا زويييينة بزاف  مسيطرة علا تفكيري )
انا:( هادا واش تسطا ولا مالو مي عجبني الحال بزاف ماكرهتش كون كان انسان محترم گاعما ندير هادشي كامل ...وليت كانحس معاه بأحساس غريب مابغيتش الوقت يتحرك يبقى واقف اووف مابقيت فاهمة والو كنت كانكرهو )هزيت برادو و مشيت گلست قدامو فالطبلة وترني بقا كايشوف فيا مانعرف مالو
انا: واش غاتبقا شوف فيا نشوف فيك كول رآه ماكانحملش ناكل و يبدا يشوف فيا شي حد
اسد: ههههههههه واخا سوري
انا(مادا مادا مادا قلت ههههههههه خصني نسجل هاد سوري ....ويلي با واش قال ليا سوري ههههه) : عادي مي ماعاودهاش
......
دوزنا للعشية كاملة فالخدمة حتا شداتني شقيقة حتا تثبيت 
اسد: مالك
انا: ماقداش نوقف...كايضرن راسي
اسد: نجيب ليك بانادول
إنا: اه اه عنقني بيه راسي غايتفرگع ....عطاني الدوا تكيت باش يطلقني راسي من تما ماعقلتش مازال شنو وقع
أصبحنا وأصبح الملك لله
انا: فقت روئية كانت مضببة ...بقيت مدة و ماعاقلاش اشنو  وقع ......تضحات الرئية و هنا كانت صدمة

40فوت 30كومنت باش نكمل

دونك تفاعلو باش نكمل

اشنو كاتوقعو غيكون وقع ؟؟؟؟؟
ارائكم تهمني