الوحش و المنقبة

البارت الثاني

اسد: هههه لا حشومة عليا ماحاملش خصني نجرحها هي ماعندها حتا دخل فخليقتها ....بلاتي بلاتي بلاتي فين عمرك اسي اسد ديتيها فمشاعر شي واحد ...هههه بنتي ليا بديتي تخرف ولكن علاش فاش كانهينها أو كانغوت عليها ماكاتدير حتا شي ردت فعل وجهها كايكون خالي من تعابير ....
.......انا كنت نزلت بديت نبكي نبكي نبكي علاش علاش كايتعامل معايا هكا دابا انا الا كنت بصح خليقتي هكا فعلا غايبقا يتعامل معايا ..... هاهو جاي نازل بكل فخامة و شياكة و وسامة اووووف اعيباد الله اش بغيتو يضبر راسو ...تفو اصلان هو حتا وحدة مامعمرا لو للعين بقيت غار انا ايخ ياربي تحن عليا ....ركبنا مع عمي سالم الشيفون ديالو عزيييز عليا مي حتا هو ماعارفش وجهي لحبيبي( عندكام اسحاب ليكم الشر لاواه احنا غاار وجهي بلا داك العجب) ههههه كنا عاديه و صونا ليا تيليفون كانت عشيرتي الحيبانة ...
انا: الو نسيمة صافا حبيبتي
نسيمة: الو الو يمكن نمرة غالطة سمحي ليا اختي انا بغيت روميساء
انا(عصباتني و نسيت بلي راني معاه فالطوموبيل) : اش بغيتي يا جيفة يالعوجة يعداب القبر الله يبگيها ليك فهاد الصباح
نسيمة: هادي لي بغيت مالكي علا ديك الحنية فالول
انا(عاد ضرباتني توگيض )احم اا انا دابا خدامة علاش
نسيمة: يمكن غايجري عليك بسابي ياك
انا: مممم داكشيي نيت لي قلت حتا انا يالاه سيري الله ياخد فيك الحق الله يلگيها ليك انشاء الله و تكون دقة ببطلة يالاه تكركبي (عرفت راسي مقفراها مقفراها اللهم نخرج داكشي لي فقلبي ...) ضرت لعند عمي سالم لقيتو كايضحك و حتا اسد كايضحك ...ويلي ويلي وليت مسخرة .... وصلنا للشركة طلعنا للبيرو دخل هو للبيرو ديالو سالا خدمتو و انا كدلك وصل وقت الغدا عبد لي قالي اجي عندي
انا: وي مسيو اسد
اسد: طلبي لينا شي حاجة ناكلو هنا رآه عندنا بزاف دالخدمة غانتعاونو عليها موحال نمشيو بكري ..... انا: اه واخا امسيو اسد ....طلبت لينا بيتزا و لازانية و لي بواسون ... الفريت ...علا مايجي داكشي لي طلبنا بدينا فالخدمة...من بعد نص ساعه وصلانتنا الماكلة نضت مسحت طبلة و قاديت الكراسة و حطيت الماكلة و گلة للفام دميناج تجيب لينا الطباسل و الفراشط من للكوزينة جابتهم لينا و قاديت كولا حاجا فبلاصتها
عند اسد: وصلاتنا الماكلة و ناضت كاتوجد و تمسح و تقاد ههههه عجاباتني طريقتها فالحركة و فالتوجاد تقول مرا كاتوجد الماكلة للراجلها
....حطيت كولشي و وجدت كولشي
انا: مسيو اسد راني ساليت تقدر تجي تاكل
اسد،: اوكي ....ناض گلس قبالتي ...بدأ ياكل و انا غار كانشوف فيه كي كياكل بشوية مي ...
اسد: عرفت راسي كانهبل بالزين مي كولي رآه عندنا خدمة
انا : هزيت واحد القطعة من البيتزا باليد اليمنى و اليد اليسرى النقاب باش ناكل و انا نقول بجهد بسم الله (باش يفهم راسو و يسمي هو بدأ ياكل كي للحيوان)
اسد: ههههههههههههههههههههه زعما كاتحشي ليا الهضرة ههه نتي خطاااار
انا؛ انا اسيدي كانقول ديما بسم الله ماشي باش نحشي ليك الهضرة و إنما باش ناكل ...دار فيا واحد الشوفة تاع الله يعميها ليك ...كملنا و نضت جمعت ديك روينة و لكنها فالزبل كملنا مع ديك ستة و نص ....هزيت تيليفوني للقيت ميما معيطا ليا شي ربعة دالمرات انا تخلعت صونيت ليها ماكاتجاوبش صونيت للنسيمة
انا: الو نسيمة طيري للعند لميما شوفي مالها
نسيمة : واخا بقاي معايا(حيت ساكنين فنفس العمارة ) دق دق دق خالتي حلي ليا انا نسيمة ...بقات كادق و هيا تحل لباب
نسيمة(بنات),: خالتي خالتي فيقي .....لقاتها طايحة فالارض
انا: (كانغوت) نسيمة مالها هضري نسيمة
نسيمة: لقيتها طايحة انعيط لومبيلونس
انا: دغيا عافاك ....عيطات ليهم خمسة دقائق وصلو
اسد: مالكي كاتغوتي
انا(و كانبكي ) : هئ هئ لميما داوها للسبيطار هئ هئ للقاتها نسيمة طايحة هئ هئ ناري ميمتي غاتكون و تخليني لاحنين لا رحيم
اسد: براكة دابا من البكا نوضي نلحقو عليها
انا(,كأنهم فساكي ) واخا ......مشينا للعندها للسبيطار دخلوها للأنعاش بقا طبيبة شي ساعة و نص عاد باش خرج
انا: سيدي ياك لاباس اش عندها
طبيب : شوفي ابنتي ميمتك كانت غاتمشي فيها كون ماجبتوهاش ..علاش كاتتبعش تريتمون ديالها رآه هادشي ماشي للعب رآه تنفس هدا رآه تموت فيها
انا: و كيبقات !؟؟؟
طبيب: لاباس قدرنا نعتقوها و تقدرو تشوفوها
دخلت للعنها كانجري و نسيمة و اسد تابعيني نوض و نطيح فجلايلي حتا وصلت للعندها
انا: الله يا جميله الله واش بغا تهبليني ...حرام عليك علاش كاديري معايا هكا علاش ماكاتاخديش تريتمون ..علاش انا صابرة علا قساوة حگرة اسد ياك علاودك ياك علا ودك كانسمع الهضرة لي كاتدبح و نسكت حرام عليك
جميلة: ابنتي رآه كانساه والله يا بنتي مادرتها بلعاني
انا: صافي اميمتي ماكاين باس ....بقيت كاندوي معاها....دخل اسد للعندها
اسد: لميما كيبقيتي
انا: بقا لك غار تورتها ....(ويلي ويلي كاياكلني للساني) سمح ليا امسيو اسد ماديرهاش مني قلت صواب
اسد: هههه رآه منيييمتا و نتي كاتعايري عاد عيني براسك اشريفية
انا: سمح ليا
نسيمة: براكة عليا من ديك الدراما دواالو نوضو كيلو ليا ماناكل عصافير بطني تقزقز
انا: لي ربك علا كرشك باز
نسيمة: حبيبي انت معلم و احنا منك نتعلم
انا: ياك ياطوبة الحاملة هادشي لي غاتقولي ...اسد كايموووت بالضحك

40فوت
20كومنت و غانحط
دونك تفاعلو