طب عليه بابا اني مرتبكت وگلت نور بعدين اخابرج باي
اجه اتقرب يمي وگف گلي امنيه بعمري مجبرتج ع شي ولافرضت عليج شي وهاي اول مره اطلب متج طلب ترفضي بابا اترجاج وافقي وريحي گلبي وبالي
امنيه..بابا الله يخليك گلي دااشاقه مدااصدك مو انت تگول طفله وماازوجهه ليش هيج استثقلتني
حيدر..امنيه كافي اني صحتي موتمام والجدال وياج متعب كلش وخصم الحجي لو تزوجين هذا الجايج لو تنسين عندج ابو طول العمر
امنيه.اذا ابوو يبيعني مااريده
اوووف ربي شحجاني هيج ينگص لساني الزفر ولا هالجمله حجيتهه بلا وعي
بابا رجع عليه ضربني راشدي وگال فعلآ م عرفتج اربيج عدل وهاي نتيجة الدلال الزايد تجاوزين عليه
طلع بابا ضليت اصرخ وادك والطم واگطع بروحي
حسيت روحي دتطلع بس جسدي معتز بيهه مديخليهه تطلع بهالحاله وسمعت عيطت امي ركضت لگيت بابا هم متخربط واني اتخبلت وهم خابرت علي الحك بابا رح يموت اجه علي ورحنه للمستشفى
والطريق كله ابجي واصيح وعلي يگلي كاافي سكتي والله مبي شي يصير زين لتخافين اووف ياعلي متدري اني بياا مصيبه هم بابا وهم سالفة الزواج
بس گلت بلكي بهاي وگعته بابا ينسه موضوع الزواج
دخلوا وبالساعه ننتظر بعدين گلولنه گلبي تعبان حيل واي ازمه او تعصب لاسامح الله تخسروا
علي..من طبينه للمستشفى امنيه مسكتت ولاثانيه گطعت گلبي بس مدري ليش احس اكو شي صاير واحس مخنوك واريد ابجي بس ماكو دموع بس العبره خانگتني
ومن طلعوا وگالوا گلبه تعبان امنيه گعدت بالكاع وتصيح وتگطع بشعرهه امهه تلزم بيهه واني ماادري شنوو الربطني مكدرت لااحجي ولااتقرب يمهه مدري شنو الاحساس الحسيته بس صافن ضليت الا ان امهه صاحت وك يمه علي الحكلي مدتشوف شصار بيهه صحيت ع روحي رجعت باوعتلهه عدل اباوع وجهه متدمي اظافيرهه طوال وخرمشت وجهه وحلگي يجري دم شعرهه مكطعته ركضت عليهه حضنتهه وگمت ابجي وهي بالاكثر بجيهه صار بس تشهك والناس تباوع گتلهه حبيبتي كومي اوديج للبيت ارتاحي العالم دتباوع شلت راسي والگه واحد يصور واركض ورا واطلع الحرگه مالت كل ضيمي بي دميته ادمي وموبايله كسرته وضليت الطخ براسه بالحايط ودفرات ابطنه الا ان اتقيء دم لزموني الشرطه اخذوني وماادري شصار ورايه
امنيه..اخذوا علي گدام عيوني واني مركضت ورا ولا گتلهم عوفوا لان حيل ماعندي ولاصوت اگدر اصيح كلشي بجسمي يوجعني مااتمنى غير ينتهي كل هالوجع وارجع طفله ليش ياربي خلقتني لييييييش ماخليتني ابقه امنيه يتمنوهه ومااجي للدنيااا ليش انطيتني كلشي وكل السعاده وفجأه كلشي اخذذت مني
صحه بابا ورجعنه للبيت اجيت يمه بوست ايده وراسه ورجله وگتله بابا اترجاك لتزوجني
گووه حجه وگلي مجبور بابا مجبور وكل مرضي من وره هالزواج
اني انصدمت من جواب بابا وامي صلت صافنه
شنوو بابا شنوووو مجبور صاح اخ گلبي شفته يتألم گتله ارتاح بابا وطلعنه ضليت افكر اخابر ع علي ماكو الجهاز مغلق شويه وخابرت امه ع امي يردون يجون لبابا النوب سئلتهه ع علي ماما حارت شتجاوبهه يعني معناهه ميعرفون علي اخذوا الشرطه
گلتلهه ماما وجاان امه تعيط وتسد الخط
مرت الساعات اتأخر الوقت بالليل واني ناري متطفه
وحيلي مهدود ولااكل ولاشرب اووف يابالي عليمن اشغلك ع علي ع بابا ع الزواج ع مستقبلي
اني گاعده ع الدرج صاافنه
اسمع صوت نااصي امنيه امنيه فزيت باوعت هذا بابا كووه يمشي ويتألم ووجه اصفر سوده عليه يبعد عافيتي
ركضتله گلي امشي نگعد بالحديقه نحجي
طلعنه اني سانده بابا وهو يباوعلي
گعدنه گلي رح احجي واسمعيني للأخير
بابا امنيه تعرفين انت كل حياتي وفرحتي وسعادتي واللي تقدملج صلاح اعرفه ولو بعد 100 سنه مااقبل بي بس يابنتي صلاح حجالي فد موضوع تتهدم كل حياتنه وننظر كل احنه اني وانت وامج وبعد عائلتين ويانه
شنووو بابا مفهمت شنو قصدك وضحلي اكثر ومنو ذوله العائلتين
حيدر..بنتي مااگدر اوضحلج اكثر كل الاكدر اگوله الج هذا الزواج مقانع بي ومرح تستمرين بي غير شهر واحد او شهرين وينتهي كلشي وترجعين لحياتج الطبيعيه واني اوعدج متبقين اكثر
امنيه.زين بابا شنوو التستفاده بهالشهر شيغير خو هسه سوي اللي ابالك
حيدر..مااگدر بابا البالي ميصير الا تزوجي
واترجاج هذا اول واخر طلب اليه نفذي احتمال اني اموت واموت ممرتاح
امنيه..اسم الله ع عمرك بابا اني موافقه بس بشرط توعدني شهر واحد لااكثر ووره هالشهر اني اختار اللي اريده
حيدر..ماشي حبيبتي اشكرج دخليني جوه تعبان كلش
امنيه..صار بعيوني ..اني بالطريق واحس بروحي مويمي ومدري شبيه وعقلي مفتر وافكاري مخربطه السويته صح لو خطأ وينك ياعلي عفتني
قررت اطبب بابا واخابر نور واشوف شنوو رايهه شتنصحني
للمشوار تكمله كونوا في الانتظار
#ســـرى حــامـد 💔
