بابا طلب من الضابط ان كلنه نكون موجودين اثنااء التحقيق ويا
گال رح احجي كلشي وبالتفصيل الممل ورح تصير صدمه بالنسبه الكم لكن بعد مااگدر اسكت لان الخايف منه صار ومااتصور عذابكم بهالشي اقل من عذاب امنيه واللي صار بيهه واني وعدتهه ومگدرت اوفي بوعدي لهذا شنو العقاب اللي رح احصله اني استاهله ومااسامح روحي لأخر يوم بعمري ع هالغلطتين بحياتي
بابا هيج يحجي واني جسمي كله يرجف يارب ارحمنا بعد مالي خلگ صدمات الشفته بحياتي كافي
گال وقبل لتجي امنيه للدنياا جانت امنيتنا اني وزوجتي طفل لان انحرمنه سنوات هوايه وراهه زوجتي طلبت من اتزوج غيرهه بس رفضت طبعآ لأن جنه كلش سعداء ومرتاحين ومردت تتأذه لكن مااكذب هالشي بقه ابالي واني كبرت ويوم من الايام حاجاني صديق مقرب وقنعني بأن اتزوج لكن اتفقت حد اخذ الطفل وهاهي ومقرر افاتح زوجتي بهالموضوع لكن وللاسف صدمتي الاولى هي لمن حملت اللي اتزوجتهه وقررت اخبر زوجتي باللي سويته اجيت فديوم وشفت مزينه البيت وحلويات ونشرات وبهذا اليوم ام امنيه گلتلي بأن هي حامل
طرت من الفرحه وحسيت روحي اسعد انسان بالكون كله ونسيت ذيج المره المسكينه وراهه بأشهر رحتلهه وانطيتهه فلوس وگتلهه بأن تسقط اللي ابطنهه واتكفل كلشي اني ووافقت ورجعت عشت حياتي طبيعي ويه زوجتي وبنتي وعشت عمري لسعادة بنتي لكن عدالة السماء اخذت الحق والحوبه مني بأعز مااملك
لأن قبل سنتين عرفت بأن المره ممسقطه الطفل لأن جان بادي بي النبض وبهالفتره ميصير ينذب وكذلك جانت جايبه بنيه ومتعذبه وحدهه بتربيتهه ضلت فريسه سهله لكل حقير استغل ضعفهم وفقر حالهم ضليت ابحث وابحث وره الحقيقه الا ان اكتشفت أن بنتي الثانيه هي نور صديقة امنيه وروحهه من الدنيااا
بابا هيج حجه حسيت ضربه ع راسي وحيلي انهد وگعدت بالگاع وسوده عليه نوره اغمه عليهه من الصدمه وضلينه نصحي بيهه وهي انهارت بالبجي وتصيح جذب جذب جذااااااب اني يتيمه اني ابويه ميت اني ماعندي اب واللي صدمني اكثر ردة فعل ماما محجت ولاكلمه بس دموعهه تنزل وحاضنه نور وتبوس بيهه وتگلهه حتلووو چذب انت بنتي انت حبيبتي واخت امنيه
زوج نور سحلهه حيل من ايدهه وگلهه امشي مالج علاقه بهالناس الظالمه هي رفضت تمشي وياا
گلتله كل الكلام اللي نحجه چذذذذذب بس لأن عمو حيدر يريد يربطنه اني وامنيه برابط نضل العمر كله سووه
امنيه..نور من الصدمه حسيتهه مثل النجنت كامت تحجي كلام يفطر الگلب اني اتوقعت اكثر واحد يتأثر امي اتصورت رح يوگف گلبهه بس جانت ردة فعلهه هادئه
وانفعال نور وانهيارهه بجه الكل
اتقربت لنور وگتلهه بكد ماهالشي مؤلم وقاسي بس يكفي ع الاقل اتحققت امنيتي وصرتي اختي فعلآ سنين واني احسچ قطعه مني من دمي ولحمي سنين واني گلبي يگلي انت اختي واضحك ع روحي اگول من كد مااحبهه ومتعلقه بيهه هيج گمت اتخيل
كعدت نور بالگاع حيلهه انهد وتصرخ وتبجي وگطعت شعرهه ياربي ليش هيج يصير وين احنه ووين هاي القصص اللي بس بالمسلسلات معقوله هذا الصار بيه واقع ههههههه لالا دااتخيل لا ديچذب عليه عموحيدر
صدمة الصار متتوقع بالگوه نور رجلهه اخذهه وگال رجاءآ لحد يتصل عليهه كافي المهزله اللي صارت هسه عوفونه بحالنه وخليكم بعيدين عنهه وعن مشاكلكم ولتدخلوهه بعقوبة الله الكم من ظلمكم
اني متحملت كلامه ورحت علي گتله هييي انتبه لكلامك وخليني محترمتك لتضل تتجاوز وتصعد تنزل تبقه غريب والحقيقه تبقئ مثل ماهي ان نور بتنه واختنه وباجر نسوي كل التحليلات واكبر واحد ميتدخل افتهمت لولا. سحل نور وطلع
واحنه اخذنه علي للبيت بس ولاعبالك بيتنه احسه مهجور ومابي روح ابببد رغم احنه مثل مااحنه بس ليش هيج كئيب راحت ماما نامت گالت تعبانه ومفتحت حلگهه بأي حرف
وبابا گال اني رح اروح لزيد ومااتأخر دربالج ع امج
بس بهالوقت حسيت روحي كلش انانيه لان حيل فرحت بهالشي ان نور اختي شكرا ياربي
بس ماما الله يساعد گلبهه بس شعجب كلششششي محجت ولاظهرت منهه اي ردت فعل
ههههه الله اعلم وره السكوت بركان يلا عادي تنسه
للمشوار تكمله كونوا في الانتظار
#ســرى حـامد
