اتصلت ع نور واني مخنوگه بس سمعت صوتهه انفجرت بالبچي نور ضلت تصيح ولج امنيه شكوو احجي شبيج يمعوده فدوه بس اسكتي وفهميني شكوو حجيتلهه الموضوع نور ضلت صافنه ومحجت شي نور فدوه احجي لتضلين سااااااكته سكوتج يموتني ماكو جواب م عندج شي تحجي
نور..لاامنيه مو م عندي شي بس انت استعجلتي انطيتي كلمه لأبوج مهما يكن ملازم اتركين علي
ليش محاولتي امنيه لازم تعرفين الشي اللي يهدم حياة عوائل حتئ اذا ينحل نحاول نحله لكن اذا ماكو حل حاولي تفهمين علي اووف بس شيقنعه
امنيه..نور تدرين احس حياتي ضايعه احس روحي م عندي شي احجي مبيه حيل غير العجز والاذيه
نور..حبيبي سوده عليه ربج يباوعلج اني باجر جايتج عليج الله ارتاحي ونامي
سديت الخط ومااريد اسوي شي غير انام بس مااگدر لانوم يمر بعيني والام گلبي متروح حضنت روحي وخليت راسي بين رجليه وضليت ابجي لحد مگعدت ع صوت ماما تكعد بيه امنيه كومي تريكي حبيبتي
گوه احاول اكوم بس گتلهه ماما انكسر گلبي ماما النار تسعر بيه ليش هيج يصير بيه حضنتني ماما وكلتلي لاماما مااخليج تزوجين غير الأنت توافقين بي باوعتلهه وعدت بابا مااحجي لواحد گتلهه لاماما مااكدر ارد لبابا طلب وهاهي اني موافقه
سمعنه الجرس رن باوعت ماما گالت هاي بنيتنه اجت ام المواقف
طفرت گتلهه نور
طلعتلهه للباب تلگيتهه شبگتهه وضليت ابجي وهي تبجي وتحاول تسكتني
صعدنه لغرفتي وحجيتلهه كلشششي بالتفصيل
باوعتلي وكلتلي امنيه وافقي خلاص مدام عمو گلج شهر حاولي تفهمين علي بالموضوع كله احجيله وكوليله شهر وارجعلك
لج نور مااگدر بس شي ابالي ورح اسووي
نور..شنوووو ولج انت تخوفين والله لازمه گلبي منج
امنيه..لالتخافين آمني هالمره كلشي ميصير والله بس اي لتجيبين اي طاري لعلي بخصوص هالموضوع ابببد
اوكي..
مر اسبوعين واني مااداوم ولامحاچيه علي ونور تجيلي وتگلي علي شنوو اخباره وشلون متخبل بس نور تگله عدهه ظروف فتره وتعدي واصبر
وخطيه هو يگلهه گلبي نار دااموت
مرت الايام بسرعه واجوو اهل صلاح هالبومه ديخطبون
اوووف من شفتهم احس روحي جثه من دون مشاعر ولااحاسيس وكل گلبي واحساسي ومشاااعري يم علي
تفكيري يم علي طلعت قدمت الهم العصير واتفقوا ع كلشي
بس ماما مقبلت تطلع الهم لأن تحس اني مجبوره بس مدتعرف ليش وعلي مااعرف اخباره اني گووه لازمه روحي ومسيطره شلون مااحاجي واني يوم مااگدر افارگه
وراهه بيومين خابروا گالوا نريد نعقد مستعجلين ثاني يوم رحنه عقدنه واني تلعب روحي اصلاااا من اباوع لصلاح
سوده عليه ياعلي ياحبيبي شسويت بيك اني ساامحني والله موبيدي
وبابا كوه قنع ماما بأن تجامل اهله لهذا المكروه اويلي ولاهضمته وهو ياكلني اكل بنظراته
مر. ع عقدنه 3 ايام ونور تعرف كلشي بس تصبر بيه وتهون عليه بس نفس الوقت مقاابله مگلت لعلي بس اخر حل وصلنه اله بأن امي مريضه رح تسافر تسوي عمليه واني وياهه وشهر احتمال او اكثر وارجع
لأن حسب المده الكال عليهه بابا ووعدني بأن ارجع بنيه ومراح يتقربلي صلاح بس گلي اول فتره عليج انت شلون تمنعي ميتقربلج بالدلع بالقشمره بأي شي انت وشطارتج
وصلاح جابلي خط وموبايل مااخابره ابد هو يخابرني
خابرني دنحجي فصار موضوع عمود الزواج موعده فگتله شبيك ياعلي هلگد مستعجل گلي شنوووو
علي منو هذا ولج ادبسسز تغلطين بأسمي اشك حلكج بالنعال اني اتخبلت شنوو لك تغلط عليه احترم روحك ولتجاوز اني بابا ميتجاوز عليه مو النوب انت
بأثناء العركه اندكت الباب ماما فتحته سمعت الصوت رجليه بعد متشيلني يمه ريحة وليفي
اخ ياربي ليش هيج صعبتهه عليه سديت التليفون وقفلت الموبايل جسمي كله ضل يرجف ودموعي تجري اويلي شحجي شگلك ولج شسويتي امنيه سوده بحضج ماما تصيح امنيه امنيه
رحت واني لابسه تراك وبلا مكياج وحالي كلش تعبان وخو وزني يمكن وصل ال40 صرت اخوف من الضعف طبيت اسلم عليهم رأسآ علي وگف بسرعه واحسه عيونه حضنتني واابتسم فجأه اختفت هالابتسامه من باوع لأيدي اااخ ياثوله نسيت الحلقه بيدي يمه شافهه علي ياربي ساعدني
فأمه صاحتني تعاي خاله ياشبيج هيج متغيره فهو گلهه اي يوم الظاهر الخطوبه ملايكتلهه مبروك امنيه شايفه كل الخير وطلع
امه فتحت عيونهه شنووو انت مخطوبه
زيد طفر من مكانه شوكت انخطبتي
ماما وبابا بعد ميعرفون شيحجون من وره موقفهم
واني واكفه مثل المضروبه ع راسهه لااجاوب ولاانطق فاقده لكلشي حتئ دموع ماكو نشفت
طلعوا هم بسرعه
واني ضليت بمكاني بابا يحاجيني وامي واني ماكو مااگدر احجي اسمعهم بس مااحجي امي صرخت ولج فهميني شعندج ويا علي الاعرفه هم يردوج بس ردة فعل علي صدمتنه ولج بره گاعد بالگاع يبجي مثل النسوان باوعت لأمي گتلهه راح بس امي كلتلي شنووو مااسمع شبي صوتج
صوتي اختفه وبعد مينسمع نهائيآ
شيريد يصير بيه خلاص اني انتهيت علي وعرف شسوي بعد فرشت السجاده وگعدت ابجي واصلي وادعي واقره قرآن لحد منمت
ثاني يوم اجوا اهل صلاح وهو وياهم من گبر هالوجه شكد اكرهك ياحيوان منين اجيت لحياتي
طبوا طلعت سلمت عليهم چاان امه گالت ياا هاي شبي صوتج شوماكو
الله يساعدك يمه يصلاح فوگ العظام النوب صوت ماكو
هو ضحك گلهه احسن حتئ لسانهه الطويل اخلص منه
ولوو هي عسل بكل حالاتهه
بگلبي اغلط علي ولوو حتلوو اغلط بصوت عالي هم مينسمع صوتي
فكالت امه احنه جايين نحدد موعد الزواج بس دخلولهه دهن شوفولهه حل خلي يطلع صوتهه خو مو تضل هيج جنهه خرسه امي عيونهه نططت تجدح نار وباباكذلك بس محجوا
المهم حددوا براس هالشهر الزواج
اني عاااادي لانقاش ولاكلام ولاكلشي كلشي راح وانتهه بعد ماافكر بشي
خلي يسوون اليردوا علي وراح من أيدي بس ان شاءالله ارجعه من اطلك من هالبومه
قبل زواجي بيوم اجتي نور عيونهه مورمه وحالهه تعبان
امنيه..هانور شبيج خير اكو شي علي بي شي
نور..لاامنيه بس ضايجه عليج لأن رح تزوجين هيج زواج
امنيه..علي شخباره گلبي مشتعل
نور..علي راح
امنيه.شنووو وين راح ولج
نور.علي انهارت اعصاابه ومكسر كل غراض بيتهم وگايم يصيح انتقمت مني بااعتني من انسجنت ع مودهه كل ظنه انت انتقمتي من عنده لان خانج وطالع ومتعارك وضاربي سچينه مكانهه خطر واحتمال رح يطلعوا للخارج يسوون عمليه دااحجي وانداريت لأمنيه ولگيتهه واگعه بالكاع
امنيه ولج امنيه وكمت اعيط اجووي اهلهه
وكالعاده هم فتره وصحت بس خلاص مااتصور ترجع مثل قبل لان منتهيه حتئ الاطباء ديشكون بيهه مرض خبيث من وره التغيير اللي هي بي
امنيه..اوووف ياالله ليش هيج شعندي هم صحيت ميت روح ولاوحده بيهه امووت يلا عادي باچر الموت الحقيقي مالتي باااچر زواجي واكابل ذيج الخلقه
كلساعه جايتني افكار سااعه اخذ علي للخارج واشرد ساعه انتحر سااعه اعوف علي وانساااه مدري شبيه مثل المخابيل لا مومثلهم اصلاا اني صرت مخبله رسمي والله
مابين نار زواجي ومابين نار علي وحالته ومنتظره اخبار من نور
مگابله الموبايل شويه واتصلت نور حاجيتهه جاان كلتلي ....
للمشوار تكمله كونوا في الانتظار
اسفه ع تأخير البارتات بس والله اكتب بارت واكمل مينشر من وره النت
#احبكم
#ســـرى حــامــد
