روايه(نصيبي انت)
كاتبه وردة الجوري
الحلقه الخامسه
(اصعب شعور ان يتم استغلالك دون علمك)
خش طول للمربوعه شاف حنين عجباته
محمد:كيف حالك حنين انتي صاحبت مرام
حنين:اهااا حمدالله كيف حالك انت
محمد:تمام بعد شوفه وجه سمح هضا
(مع علم كانت مرام احلي كانت عيونها كبار عسليات وجسمها سمح وبيضه وعندها غمازه بس محمد ماكانش عنده نظر شاف حنين حلوه بعينه)
حنين حست انها هي تقدر تنتصر بسهوله من كثر ماهي حاقده علي مرام
حنين:استاذ محمد نقدر ناخذ رقمك نبيك في موضوع بينا مانبيش مرام تعرف
محمد ضحك ضحكته انتصار حاضر ياسلام هاكي سجلي 092*******
خلاص انا بنعدي نتلاقو سلام
خت مرام وضيفت حنين وقعدن مع بعضهن وبعدها روحت حنين
في حوش حنين
حنين:اهلا محمد انا حنين
محمد:ياهلا وغلا بالهصوت سمح ياناعليانا وخلاص
حنين:دارت روحها تحشمت عارف انا مش صحبتي واجد مرام هي لصقت فيا ماعرفتش شنو ندير معها وحق لانك انت راجل يهبل قصدي كويس قلت حرام فيها واحد زيك
محمد:عليش تكرهيها هكي
حنين:لانها ديما تحكي عليك بكلام سئ وانت شخص كويس هههه اسفه
محمد:معقوله هالحقيره حتشوف حندمها انها تزوجتني
حنين:هكي احسن تستاهل
بعدها تطورت علاقتهم مع بعض
ومرام مسكينه كانت متحملته مابتش تعدي لحوش هلها مطلقه وفي يوم من ايام كانت مسكينه مرام دير في مفاجاءة لمحمد يلي ماعمره قدرها
روح للحوش
مرام:محمد نبيك في موضوع
محمد:شنو تبي بسرعه احكي مش فاضي
مرام:تمام انا حامل
محمد:وشنو تبيني نديرلك
مرام خنقتها العبره وقالتله لاشي قلت نخبرك بس وطلعت من دار
وهو خذا راحته واتصل بحنين
وماكانش يعرف ان مرام كانت تسمع فيه
حنين:هلا بحلو الطله
محمد:اهلين انا حامق بكل
حنين:كنك اكيده فرخه مرام دايرتلك حاجه
محمد:اهاا قالت انها حامل
مرام مسكت غصتها وقالت معقوله يخون فيا
حنين بعد قالها ماعرفتش شنو تقول فجاءة يخش عليها احمد في انتظار سكرت بسرعه من محمد وردت عليه
حنين:هاحبيبي كيفك
احمد:تمام مع من كنتي انتظار كاثرات اتصالاتك
حنين:صحبتي هذي كنك حامق.احمد:لاشي بس نبي نجي نخطبك رسمي مانحبش جو علاقه
حنين:صح يابيبي خلاص تو نحددو يوم معين
احمد:تمام
ومرن ايام وحنين تفكر كيف تخرب علي مرام وخطرت علي بالها خطه تبو تعرفوها في حلقه القادمه فيها احداث اقوي
يتبع.....
أنت تقرأ
(نصيبي انت)للكاتبه وردة الجوري
Romanceحب تضحيه جرح وحزن وغدر قصه تحكي علي واقع بس هي من نسج خيالي ان شاء الله تعجبكم اول روايه ليا
