(نصيبي انت)للكاتبه وردة الجوري

حياه ممله

روايه(نصيبي انت)
كاتبه وردة الجوري
الحلقه الرابعه
مرام:صباح الخير محمد هيانوض درت فطور
محمد:بالله عليك خليني في حالي وعدي افطري بروحك
مرام:وجعتها نفسها ليش قال هكي في اول يوم ليهم مع بعض
مشي اليوم وهو مايدورش فيها ويطلع ويروح متاخر
نجو نشوفو شنو صار في عمر
عمر:طيبي الغذاء ونوضيني يامرام
سالمه:نعم شنو منو مرام هذي يلي واخذه عقلك
عمر:معليش معليش قصدي ياسالمه غير غلطت
سالمه:بالله عليك معاش تغلط انا مانتحملش عيشه هكي عقلك وقلبك مع وحده تانيه
عمر:ماتبيش تتحملي تقدري تعدي لحوش هلك
سالمه:حنعدي ماتخافش غير اصبر عليا بس
في حوش اهل مرام
عصام:امي كيف حالك بصراحه حوش بدون مرام شين صح
فتحيه:اي والله فضت عليا حوش متوحشتها واجد
باب يدق
دق دق
عصام:منو الله ياريتنا حكينا علي مليون دينار هههههه
مرام:وكني انا احسن من مليون ههههه هلا ليكم وحشه
وقمعزت مرام وهدرزت مع اهلها وتوضحلهم ان حياتها حلوه ومتريحه وهي مسكينه العكس
طبعا كانت تتصل بها حنين مره مره تسال مدايره روحها وفي يوم من ايام
حنين قالت لمرام بنجيك في حوش
طبعا مرام فرحت واجد
مرام:هلا هلا حنونه نورتي الحوش تفضلي
حنين:هلا بيك حبي
وقمعزن وهدرزن وكانت مرام تبين انها سعيده وماكانتش تعلم ان حنين مقهوره منها
(احيانا الوجع ياتيك ممن تظنهم اقرب ناس اليك)
وفجاءة ناضت مرام للمطبخ وحنين في مربوعه علي خشت راجل مرام

يتبع .......