(نصيبي انت)للكاتبه وردة الجوري

نصائح

#ﻣﻨﻘﻮﻝ
ﻫﻠﻮﻭﻭﻭ ﺣﺒﺎﻳﺐ ﻗﻠﺒﻲ ﻋﺪﻧﺎﺍﺍﺍﺍﺍﺍﺍﺍﺍ ﻣﻊ ﻓﻘﺮﺗﻨﺎ ﺍﻟﻴﻮﻡ ﻃﻮﻳﻠﺔ
ﺷﻮﻳﺔ ﻭﻫﻲ ﺑﺨﺼﻮﺹ ﺑﻴﺘﻚ ﻳﻌﻨﻲ ﻣﻤﻠﻜﺘﻚ ﺣﺒﻮﺑﺔ ....
_1 ﻧﺒﺪﻭ ﺑﻤﺪﺧﻞ ﺍﻟﺒﻴﺖ ﻃﺒﻌﺎ ﻫﻮ ﺍﻟﻠﻲ ﻳﻌﻄﻲ ﺍﻻﻧﻄﺒﺎﻉ ﺍﻻﻭﻝ ﻟﻴﻚ
ﻭﻟﻲ ﻋﻴﻠﺘﻚ ... ﺍﻟﺮﺑﻴﻊ ﻣﻦ ﻓﻢ ﺍﻟﺒﺎﺏ ﺍﻳﺒﺎﻥ ﺣﺎﻭﻟﻲ ﺩﻳﻤﺎ ﺃﻳﻜﻮﻥ ﻗﺪﺍﻡ ﺑﺎﺏ
ﺑﻴﺘﻚ ﻧﻈﻴﻒ ﺳﻠﺔ ﺍﻟﻜﻨﺎﺳﺔ ﺣﺸﺎﻛﻢ ﺗﻨﺤﻂ ﻓﻲ ﺳﻄﻞ ﻣﺴﻜﺮ ﺑﺎﻟﻤﻐﻄﺔ ﺩﻳﺮﻱ
ﺩﻭﺭﺓ ﻋﻠﻰ ﺣﻮﻳﺸﻚ ﻭﻟﻤﻲ ﺍﻟﻤﻬﻤﻼﺕ ﻭﻓﻲ ﻧﻬﺎﻳﺔ ﺍﻟﻴﻮﻡ ﺑﺎﻟﻴﻞ ﺍﻃﻠﻌﻮ ﺍﻟﻜﻨﺎﺳﺔ
ﺗﻔﺎﺩﻱ ﻟﻠﺮﻭﺍﺋﺢ ﺍﻟﻜﺮﻳﻬﺔ ...ﺣﻄﻲ ﻣﺤﺎﺑﺲ ﻏﺮﺱ ﺯﻳﻨﻲ ﺍﻟﻮﺍﺟﻬﺔ ﻭﻓﺮﺷﺔ ﻗﻨﻴﻨﺔ
ﻟﻠﻌﺘﺒﺔ. ﻭﺩﻳﻤﺎ ﺧﻠﻰ ﺍﻟﺮﻭﺍﺋﺢ ﺍﻟﺤﻠﻮﺓ ﺗﻔﻮﺡ ﻣﻦ ﺑﺎﺏ ﺑﻴﺘﻚ .. .
_2 ﺍﻟﻜﻮﺟﻴﻨﺔ ﺃﻛﺜﺮ ﻣﻜﺎﻥ ﻓﻴﻪ ﺍﻟﺤﻮﺳﺔ ﺍﻟﻤﺎﻋﻴﻴﻴﻦ ﺍﻏﺴﻠﻴﻬﻢ ﺍﻭﻝ ﺑﺄﻭﻝ ﻭﻋﻮﺩﻱ
ﺯﻭﺟﻚ ﻭﺍﻭﻻﺩﻙ ﺍﻟﻠﻲ ﻳﺴﺘﻌﻤﻞ ﺣﺎﺟﺔ ﻃﻮﻝ ﻳﻐﺴﻠﻬﺎ ﻋﻨﺪﻙ ﻃﺎﺳﺔ ﺍﻭ ﻓﻨﺠﺎﻥ
ﺍﻳﺪﻩ ﻣﻜﺴﻮﺭﺓ ﻟﻮﺣﻲ ﻃﻮﻝ ﻻﻧﻪ ﻣﺎﻓﻴﺸﻲ ﻓﺎﻳﺪﺓ ﻋﻼﺵ ﻣﺼﺮﺓ ﺗﺤﺘﻔﻈﻲ ﺑﻴﻪ
ﺟﻮ ﺍﻟﺘﻜﺒﻴﺪ ﻋﺎﻟﺤﺎﺟﺔ ﻓﺎﻟﺤﻴﻦ ﻓﻴﻪ ﺍﻟﻠﻴﺒﻴﻦ .. ﺛﻼﺛﺔ ﺣﺎﺟﺎﺕ ﺿﺮﻭﺭﻳﺎﺕ ﻣﺎﺗﺨﻼﺵ
ﻛﻮﺟﻴﻨﺘﻚ ﻣﻨﻬﻢ ﺯﻳﺖ ﺍﻟﺰﻳﺘﻮﻥ ﻭﺍﻟﺨﻞ ﻭﺍﻟﻌﺴﻞ .. ﺍﻟﻔﻄﻮﺭ ﻃﺒﻌﺎﻭﺟﺒﺔ
ﺃﺳﺎﺳﻴﺔ ﻧﺠﻮ ﻟﻠﻐﺪﻱ ﻛﺒﺮﻱ ﺻﻮﻧﻴﺔ ﺍﻟﺴﻼﻃﺔ
ﻭﺻﻐﺮﻱ ﺻﻮﻧﻴﺔ ﺍﻟﻐﺪﻱ ﻣﺶ ﺍﻟﻠﻲ ﺻﺎﻳﺮ ﻋﻨﺪﻧﺎ ﺣﺎﻃﺔ ﺍﻟﻐﺪﻱ ﻗﻌﺪ ﻣﺒﺤﺒﺢ
ﻭﺻﻮﻧﻴﺔ ﺍﻟﺴﻼﻃﺔ ﺍﻷﺳﺎﺳﻴﺔ ﻣﺼﻐﺮﺗﻴﻬﺎ ﻭﺍﻟﻌﻜﺲ ﺻﺤﻴﺢ ﺣﺒﻴﺒﺘﻲ ﺍﻟﻠﻲ ﻓﻴﻪ
ﺍﻟﻔﺎﻳﺪﺓ ﻛﺒﺮﻳﻪ.
-3 ﺍﻟﺰﺭﻉ ﺍﻷﺧﻀﺮ ﻣﻬﻢ ﻓﻰ ﺍﻟﺒﻴﺖ ﻣﻦ ﺃﻫﻢ ﺍﻷﺷﻴﺎﺀ ﻳﺠﻠﺐ
ﺍﻟﺒﺮﻛﺔ ﻭﺍﻟﺮﺯﻕ ﻓﻲ ﺍﻟﺤﻮﺵ ﻭﻳﺒﻌﺚ ﻋﻠﻰ ﺍﻟﺮﺍﺣﺔ ﺍﻟﻨﻔﺴﻴﺔ، ﺣﺒﻮﺑﺔ ﺭﺩﻱ ﺑﺎﻟﻚ
ﺗﺰﺭﻋﻲ ﺍﻟﺼﺒﺎﺭ ﻳﺠﻠﺐ ﺍﻟﻔﻘﺮ ﻧﺒﺎﺕ ﺭﺑﻲ ﺧﻠﻘﻪ ﻟﻸﻣﺎﻛﻦ ﺍﻟﻤﻬﺠﻮﺭﺓ
ﻭﺍﻟﺼﺤﺮﺍﺀ ﻣﺶ ﺍﻟﺤﻮﺵ ﺃﻭ ﺑﻠﻜﻮﻧﺎﺗﻪ . ﺃﺯﺭﻋﻲ ﺣﺒﻖ ﺍﻭ ﻧﻌﻨﺎﻉ ﺍﻭ ﻋﻄﺮ
ﻣﻨﻈﺮ ﻭﺭﻳﺤﺔ ﺣﻠﻮﺓ ⚘⚘⚘⚘
-4 ﺗﺰﺭﺯﻳﻖ ﺍﻟﻤﻴﺔ ﻣﺶ ﻛﻮﻳﺲ ﺑﺎﻟﻚ ﺗﺤﺴﺎﺑﻲ ﺗﺸﻠﺒﻴﻂ ﺍﻟﻤﻴﺔ
ﺩﻟﻴﻞ ﻋﺎﻟﻨﻈﺎﻓﺔ ﺑﺎﻟﻌﻜﺲ ﻫﺪﺭ ﺍﻟﻤﺎﺀ ﻣﻦ ﻫﺪﺭ ﺍﻟﻤﺎﻝ ، ﻛﺎﻥ ﻋﻨﺪﻙ ﺷﻴﺸﻤﺔ
ﻣﻔﻠﻮﺗﺔ ﻳﺠﺐ ﺍﻟﻘﻴﺎﻡ ﺑﺈﺻﻼﺣﻬﺎ ﻓﺈﻫﺪﺍﺭ ﺍﻟﻤﺎﺀ ﻳﺴﺒﺐ ﺗﻮﺗﺮ ﻭﻣﺸﺎﻛﻞ ﻓﻲ ﺍﻟﻌﻴﻠﺔ
ﻭﻳﻘﻞ ﺍﻟﺮﺯﻕ. ﺍﻥ ﺍﻟﻤﺒﺬﺭﻳﻦ ﻛﺎﻧﻮ ﺍﺧﻮﺍﻥ ﺍﻟﺸﻴﺎﻃﻴﻦ
-5 ﻣﺎﻳﺨﻼﺵ ﺍﻱ ﺑﻴﺖ ﻟﻴﺒﻲ ﻣﻦ ﺍﻟﻜﺮﺍﻛﻴﺐ ﺍﻟﻠﻲ ﻫﻲ ﺣﺎﺟﺎﺕ ﺯﺍﻳﺪﺓ ﻭﻏﻴﺮ
ﻣﺴﺘﻔﺎﺩﺓ ﻣﻨﻬﺎ ﻳﺎﻛﺮﺳﻲ ﺭﺟﻠﻪ ﻣﻜﺴﺮﺓ ﻳﺎﺑﺴﺎﻁ ﻣﺘﺤﻨﺪﺏ ﻳﺎﺩﺑﺶ ﻣﺘﻌﺮﻡ
ﻳﺎﻣﺮﺍﻳﺔ ﻣﻜﺴﻮﺭﺓ ... ﺍﻟﺦ ﻟﻮ ﻣﺮ ﺍﻋﻠﻴﻬﻢ ﻋﺎﻡ ﺩﻭﻥ ﺍﺳﺘﺨﺪﺍﻡ ﺍﺻﺒﺤﺖ ﻋﺜﺮﺍﺕ ﻓﻰ
ﻃﺮﻳﻖ ﻣﺴﺘﻘﺒﻠﻚ ﻭﻧﺠﺎﺣﻚ ﻛﺎﻥ ﻋﻨﺪﻙ ﺣﺎﺟﺔ ﺗﺒﻲ ﺍﺗﺼﻠﻴﺢ ﺻﻠﺤﻴﻬﺎ ﻭﺍﺳﺘﻌﻤﻠﻴﻬﺎ
ﻭﻻ ﺻﺪﻗﻴﻬﺎ ﻋﻠﻲ ﻧﺎﺱ ﻣﺤﺘﺎﺟﺔ ﻳﺴﺘﻔﻴﺪﻭ ﺑﻬﺎ ‏( ﺗﺮﺑﺤﻲ ﺍﺟﺮﻫﻢ ‏) ﻭﻛﺎﻥ ﻣﺎ
ﻓﻴﻬﻢ ﺗﻤﺮﺓ ﻟﻮﺣﻲ ﻃﻮﻝ..
-6 ﺟﻬﺔ ﺍﻟﻘﺒﻠﺔ ﻭﺍﻧﺘﻲ ﺍﺗﺼﻠﻲ ﻗﺪﺍﻣﻚ ﻭﺟﻬﻚ ﻟﻠﻘﺒﻠﺔ ﻃﺒﻌﺎ ﺍﻟﻤﻜﺎﻥ ﻫﺬﺍ
ﺟﻬﺔ ﺍﻟﻘﺒﻠﺔ ﺍﻫﺘﻤﻲ ﺑﻴﻬﺎ ﻣﺘﺼﻠﻴﺶ ﻗﺪﺍﻣﻚ ﺷﺒﺸﺐ ﻭﻻﻛﻨﺪﺭﺓ ﻭﻻﻛﺎﺗﺮﻭ ﻓﻴﻪ
ﺭﺳﻮﻡ ﺣﻴﻮﺍﻧﺎﺕ ﻟﻘﺪ ﺍﻛﺘﺸﻔﻮ ﺍﻟﺼﻴﻨﻴﻮﻥ ‏( ﺟﻬﺔ ﺍﻟﻘﺒﻠﺔ ﻋﻨﺪ ﺍﻟﻤﺴﻠﻤﻴﻦ ‏) ﻫﻲ
ﺟﻬﺔ ﺍﻟﺒﺮﻛﺔ ﻭﺍﻟﻮﻓﺮﺓ ﻭﻫﻲ ﺍﻟﺠﻬﺔ ﺇﻟﻠﻲ ﻓﻴﻬﺎ ﻃﺎﻗﺔ ﺇﻳﺠﺎﺑﻴﺔ ﻛﺒﻴﺮﺓ ﻓﻲ
ﺍﻟﺒﻴﺖ ..ﻧﻨﺼﺤﻜﻢ ﺑﻜﺜﺮﺓ ﺍﻹﺿﺎﺀﺓ ﻓﻴﻬﺎ ﻭﺍﻟﺪﻳﻜﻮﺭ.. ﻓﺤﻴﺚ ﻣﺎﻛﻨﺘﻢ ﻓﻮﻟﻮ ﻭﺟﻮﻫﻜﻢ
ﺷﻄﺮ ﺍﻟﻤﺴﺠﺪ ﺍﻟﺤﺮﺍﻡ.
-7 ﺍﻟﺤﻤﺎﻡ ﺣﺸﺎﻛﻢ ﺧﻠﻴﻪ ﺩﻳﻤﺎ ﺭﻳﺤﺘﻪ ﺣﻠﻮﺓ .. ﺣﻨﺎﻱ ﺍﻟﻠﻪ ﻳﺮﺣﻤﻬﺎ ﺍﺗﻘﻮﻝ ﺗﺒﻲ
ﺗﻌﺮﻓﻲ ﻧﻈﺎﻓﺔ ﺍﻟﻤﺮﺍﺓ ﺧﺸﻲ ﻟﺤﻤﺎﻣﻬﺎ ﻛﺎﻧﺎ ﻟﻘﻴﺘﻲ ﺍﻟﻘﺎﻉ ﻣﺘﻊ ﺍﻟﻤﺮﺣﺎﺽ
ﺣﺸﺎﻛﻢ ﺍﺻﻔﺮ ﻭﻣﺴﺦ ﻣﻌﻨﺎﻫﺎ ﻣﺮﺍﺓ ﻣﺶ ﻧﻈﻴﻔﺔ ..ﺻﺒﻲ ﺍﻻﺷﻴﺪﻭ ﻭﺍﻟﻮﺭﻛﻴﻨﺎ ﺗﺒﺪﺃ
ﺗﻠﻤﻊ ﻟﻤﻊ .. ﻏﻄﺎﺀ ﺍﻟﻤﺮﺣﺎﺽ ﺩﻳﻤﺎ ﺃﻳﻜﻮﻥ ﻣﺴﻜﺮ ﻻﻧﻪ ﺣﺸﺎﻛﻢ ﻣﻮﻃﻦ
ﺍﻟﺸﻴﺎﻃﻴﻦ ﻭﺍﻟﻌﻴﺎﺫ ﺑﺎﻟﻠﻪ ..
-8 ﻳﻮﻣﻚ ﺣﺒﻮﺑﺔ ﻣﺘﻔﻮﺗﻴﺸﻲ ﻫﻜﻲ ﻭﺧﻼﺹ ﻭﺗﻤﺸﻴﻪ ﻓﻲ ﺍﻟﻔﺮﺍﻍ
ﻭﺍﻟﻜﺴﺎﺩ ﺍﻟﻠﻲ ﻗﺎﺗﻠﻜﻢ ﻗﺘﻞ.. ﺟﺮﺑﻲ ﺩﻳﺮﻱ ﺣﺴﻨﺔ ﻭﺍﺣﺪﺓ ﻋﺎﻻﻗﻞ ﻓﻲ ﻳﻮﻣﻚ
ﻟﻠﻐﻴﺮ ﺣﺘﻰ ﻟﻮ ﺑﺴﻴﻄﺔ ﻣﺜﻼ ﻭﺍﻧﺘﻲ ﺍﻃﻴﺒﻲ ﻓﻲ ﻏﺪﺍﻙ ﺍﻗﻄﻌﻲ ﺻﻮﻧﻴﺔ
ﺻﺪﻗﺔ ﻋﻠﻴﻚ ﻭﻋﻠﻰ ﺍﻫﻞ ﺑﻴﺘﻚ ﻭﺍﺑﻌﺘﻴﻬﺎ ﻟﺠﺎﺭﺗﻚ ﻟﺴﻠﻔﺘﻚ ﻟﻌﺰﻭﺯﺗﻚ ﻟﻤﺎﻟﻴﻚ
... ﻗﻴﻤﻲ ﺗﻠﻴﻔﻮﻧﻚ ﻭﺃﻧﺸﺪﻱ ﻋﻠﻰ ﺣﺪﺗﻌﺮﻓﻴﻪ.. ﺍﺑﺘﺴﻢﻱ ﺻﺒﺤﻲ
ﻭﻣﺴﻲ ﺑﺎﺑﺘﺴﺎﻣﺔ ﻋﺎﻟﻨﺎﺱ ﺍﻻﺑﺘﺴﺎﻣﺔ ﻓﻲ ﻭﺟﻪ ﺃﺧﻴﻚ ﺻﺪﻗﺔ ﺷﻦ ﺧﺎﺳﺮﺓ
ﻭﺯﻋﻲ ﺍﺑﺘﺴﺎﻣﺎﺕ. .. ﺭﺍﻫﻮ ﺍﻟﺤﺎﺟﺎﺕ ﺍﻟﺼﻐﻴﺮﺓ ﻫﺎﺩﻱ ﻟﻴﻬﺎ
ﻣﻌﺎﻧﻲ ﻛﺒﻴﺮﺓ ﻣﺎﺗﺘﺼﻮﺭﻳﺶ ﻗﺪﺍﺵ ﻣﺎﻳﻔﺮﺡ ﺑﻴﻬﺎ ﺍﻟﺸﺨﺺ ﺍﻵﺧﺮ .. ﺭﺍﻫﻮ
ﺍﻟﺼﺪﻗﺎﺕ ﺗﻤﻨﻊ ﺍﻟﺒﻼﺀ ﻭﺍﻟﻨﻘﻢ ﺍﻋﻠﻴﻚ ﻭﻋﻠﻰ ﺍﻫﻠﻚ ﻭﺗﺰﻳﺪ ﻓﻲ ﺭﺯﻗﻚ
-9 ﺍﻭﻝ ﻣﺎﺗﻨﻮﺿﻲ ﻭﺗﻔﺘﺤﻲ ﻋﻮﻳﻨﺎﺗﻚ ﺣﺒﻮﺑﺔ ﻣﻦ ﺍﻟﻨﻮﻡ ﻭﺗﺘﻜﺴﻠﻲ
ﻫﺪﻳﻜﺎ ﺍﻟﺘﻜﺴﻴﻠﺔ ﻭﻗﺒﻞ ﻣﺎﺗﺤﻄﻲ ﺭﺟﻴﻼﺗﻚ ﻋﻠﻰ ﺍﻷﺭﺽ ﺗﺼﺒﺤﻲ ﻓﻲ ﺍﻟﻠﻲ
ﺧﺎﻟﻘﻚ ﺗﺬﻛﺮﻱ ﻧِﻌَﻢ ﺭﺑِّﻚ ﻋﻠﻴﻚ ﻭﺍﺷﻜﺮﻳﻪ ﺑﻠﺴﺎﻧﻚ ﻭﺍﺣﻤﺪﻱ ﺭﺑﻚ ﻋﻠﻲ
ﺻﺤﻴﺤﺘﻚ ﻭﺿﻮ ﻋﻮﻳﻨﺘﻚ ﺍﻟﺪﻧﻴﺎ ﺑﺪﺕ ﻣﺘﺴﺒﻠﺔ ﻭﺍﻟﻤﺮﺽ ﻭﺍﻟﻤﻮﺕ ﺍﻟﻠﻲ ﻣﻦ
ﻏﻴﺮ ﺳﺒﺐ ﺑﻌﻴﺪ ﺍﻋﻠﻴﻜﻢ ﻛﺜﺮ .. ﻓﺒﺎﻟﺸﻜﺮ ﺗﺪﻭﻡ ﻭﺗﺰﻳﺪ ﺍﻟﻨﻌﻢ .
_10 ﺣﺒﺎﻳﺐ ﻗﻠﺒﻲ ﺍﺧﻴﺮﺍ ﻋﻮﺩﻱ ﻟﺴﺎﻧﻚ ﻋﻠﻰ ﺫﻛﺮ ﺍﻟﻠﻪ ﻣﺎﺗﻘﻌﺪﻳﺶ ﺗﺴﺒﻲ
ﻭ ﺗﻠﻌﻨﻲ ﻓﻲ ﺣﻈﻚ ﻭﺗﻨﻘﻲ ﻋﻠﻰ ﺭﻭﺣﻚ. . ﺭﺍﻫﻮ ﺍﻟﻠﻌﻦ ﻳﻮﻟﺪ ﺍﻟﻔﻘﺮ
ﻭﺗﺠﻴﺒﻲ ﻟﺮﻭﺣﻚ ﻓﻲ ﺍﻟﻤﺮﺽ ﺍﻟﺴﻤﺢ ﺍﻟﻠﻪ ... ﺧﻠﻴﻚ ﻓﺮﻓﻮﺷﺔ ﻭﻣﺮﺣﺔ
ﻭﻧﻮﻳﺸﻄﺔ ﻭﺟﻮﻙ ﺳﻤﺢ ﻭﺍﻟﻠﻲ ﻳﺴﺘﻔﺰﻙ ﻭﻳﺤﺎﻭﻝ ﻳﻌﺼﺒﻚ ﻣﺪﻭﺭﻳﺸﻲ
ﻣﺘﻌﻜﺮﻳﺶ ﺟﻮﻙ ﺍﻣﺸﻲ ‏( ﺑﻘﺎﻧﻮﻥ ﻃﻨﺶ ﺗﻌﺶ ﺗﻨﺘﻌﺶ ‏)
ﺍﻳﺪﻳﺎ ﺗﻌﺒﻮﻭﻭﻭ ﻳﻼ ﺣﺒﻮﺑﺎﺕ ﻫﻠﺒﺔ ﻭﻭﺍﺟﺪ تصويتات  ﻭﺧﻤﺴﺔ ﻣﻠﺼﻘﺎﺕ ﻓﻲ ﻋﻴﻮﻥ
ﺍﻟﺤﺎﺳﺪ