روايه (نصيبي انت)♡♥
كاتبه:وردة الجوري
الحلقه الاولي
في بيت مرام
ناضت وغسلت وجهها وصلت ولقت امها في مطبخ ادير في غذاء
مرام:ماما شنو ديري
امها اسمها فتحيه:شنو تشوفي فيا ندير نطيب في غذاء اسمعي راهو اليوم بتجي مرات خوك بتغذي عندنا
مرام:اهااا تمام خلاص نعدي نضم الحوش اسمعي ماما راهو قريب امتحاناتي اعطيني راحه عشان نقرا
فتحيه:خلي يجو امتحانات وبعدين ساهل عدي نوضي باتك طول في نوم
مرام:حاضر
بابا نوض قريب غذاء مسكت يده لقيته مافيش نبض ياربي
ياماما الحقي بابا مايبيش ينوض
فتحيه:حي علينا كنه زعما بسم الله محمد نوض كنك
وقعدنا نبكو لعند جاء خويا وطلع بابا ميت ودرنا عزاء وانا نفسيتي مدمره لان بابا قريب مني واجد واكتر من روحي وجو ناس واجدين وانا ماخطرنيش في حد يعزو فينا وانا مانحكيش بكل
جت حنين قعدت بايته معايا وتهدرز في تلفون مش مدورتني بكل
تاني يوم وعيت وضميت حوسه ومزال عزاء يجو ناس عديت نبي حد يطلع كناسه مالقيتش قلت نطلعها بروحي بسرعه بسرعه قبل مايشوفني حد وانا طالعه جت عيني في عين عمر معاش قدرت نتحرك هو يقولي عظم الله اجرك وانا ساكته لعند حسيت روحي اني في موقف بايخ خشيت نجري خبطت في امي
فتحيه:كنك يابنت تجري ماتشوفيش قدامك مرام:اسفه ياماما ماشفتكش
بعدمده انتهي العزاء
وقعدت نستعد لامتحانات بس بعد نذكر بابا نبكي بعبره لان هو يتمني يشوفني دكتوره بس مات وماشافنيش
في حوش عمر
عمر:يالله ليش مش قادر نشيلها من بالي بنت هذي عيونها اول مره نركز فيهن ويسحرني معقوله هكي امي خطبتلي وقاري حتي فاتحه ونفكر في بنت تانيه خليني ننسي خير
فاطمه ام عمر:كنك تحكي بروحك
عمر:لاشي ياامي ان شاء الله خير وخلاص
فاطمه:اسمع راهو باتك قال بماانك ولدنا الوحيد قربنا العرس بنفرحو بيك
عمر:ليش ياامي مزال بدري حتي جيرانا مزال ماطقش شهر عيب والله
فاطمه:والله كلام هضا احكي لباتك مش ليا وطلعت
عمر:اه ياربي من وين نلقها بس لازم نلقي حل
يتبع.....
أنت تقرأ
(نصيبي انت)للكاتبه وردة الجوري
Storie d'amoreحب تضحيه جرح وحزن وغدر قصه تحكي علي واقع بس هي من نسج خيالي ان شاء الله تعجبكم اول روايه ليا
