(نصيبي انت)للكاتبه وردة الجوري

النهايه

روايه نصيبي انت
كاتبه:ورده الجوري
الحلقه العاشره واخيره
طبعا حنين قدرت تخدع مرام بسهوله
قدمت ام مرام عصير وعدت وخلت مرام وحنين يهدرزن
حنين:صار امورك تمام يامرام
وهي قاعده تهدرز وتحط في سحر في عصير مرام ولان مرام ماتشوفش ماكانتش تندري علي شي وشربت العصير معاها وروحت حنين وفرحانه لانها انتصرت ودمرت حياه مرام
اما عمر قعد يفكر ليش طولت مرام في رد ماقالتش قرارها بس انا متاكد انها تحبني
عدي عمر لحوش حنين لان عرف وين ساكنه وقتها كانت بصدفه حنين طالعه
عمر:اهلين حنين كيف حالك
حنين:كويسه حمدالله صح نسيت نقولك اناكلمت مرام بس لاسف مرام رافضتك وماتبيش حد يخش في حياتها وقالتلي قوليله انا منحباش ولاعمري حبيته
عمر:معقوله قالت هكي
حنين:كان مش مصدق عدي وشوفها سلام
عمر كان مصدوم من رد وزعل واجد بس ماكانش عارف شنو قاعد يصير لمرام مسكينه بعد شربت العصير
فتحيه:كنك يابنتي شنو في مرام احكي معايا
مرام مسكينه في عالم تاني ومتسنجه وتبكي وتستفرغ بس مايطلعش معاها شي
امها قعدت تقرا عليها في قراءن ومرام تزيد تبكي وتعيط
بعدها بساعه قعدت كويسه وناضت
فتحيه:كيف حالك يابنيتي توا
مرام:حمدالله علي كل حال بس مش عارفه كني تعبانه واجد وجيج في راسي
فتحيه:ربي يشفيك يابنيتي
فاتن ايام ومرام حالتها تزيد وامها مش عارفه شنو دير
فجاءه دق باب
فتحيه:اهلين بولدي عمر تفضل للمربوعه
عمر:اهلين عمتي كيف حالك
فتحيه:حمدالله بخير تفضل تفضل
عمر:والله ياعمتي بنفتح معاك موضوع وحق متحشم
فتحيه:قول ياولدي
عمر:الحق انا نبي نخطب بنتك مرام
فتحيه:والله ياولدي فرحتني وين بنلقي شخص خير منك لمرام بنتي شويه نادي مرام ونشوف رائيها مرام مرام تعالي للمربوعه
مرام:حاضر ياماما جايه
اول ماخشت مرام للمربوعه كانت مسكينه تمشي بالعصي وتستند علي ساس(حائط)وتمشي بشويه اول ماشافها عمر دمعن عيونه شاف حبيبته متغيره واجد وجعاته رايحه ناقصه ومرهقه وماتشوفش
قمعزت مرام وقالت نعم ياماما
فتحيه:يابنيتي عمر ولد حيرانا طلب يدك لزواج وهو قاعد وقلتله نشوفو رائيك
مرام:كان علي عمر ولد جيرانه مانبيش ولاتفتحيلي سيره زواج خليه يشوف بنت تانيه
عمر:مرام كنك انا نبيك بحلال وحنحطك في عيوني
مرام:اطلع برا حوش اه ياراسي ياماما قوليله يطلع راهو نقتله وفجاءه اطيح مرام
فتحيه:يابنتي نوضي ياعمر جيب ميه
عمر:حاضر حاضر
بعد ربع ساعه تريحت مرام في دارها ورقدت
وفتحيه قعدت تحكي لعمر علي حاله مرام وشنويصيرلها
عمر:والله ياعمتي لازم نشيلوها لشيخ لان حالتها مش طبيعيه واعراضها غريبه
فتحيه:يصير خير وحنشوف عصام
جاء تاني يوم كلمت فتحيه ولدها عصام وشالو مرام للشيخ وحكوله علي حالتها وعطاها جلسات وعلاج وزيت مرقي وقعدت تتعالج ودير في رقيه شرعيه وتقربت من ربي اكتر بدعاء
بس قاللها شيخ
شيخ:مرام ديربالك مره تانيه من اي حد غريب وعلاج هذا باذن الله لو تمشي عليه صح حتشفي وربي حيعطيك رؤيه تشوفيها وتشوفي من دار فيك هكي وربي علي كل شي قدير
مرام:حاضر ياشيخ
بعد دارت مرام علاج وعت
مرام:ماما ياماما تعالي
فتحيه:كنك ياغاليه شنو في
مرام:شفت حنين صحبتي ياماما تقتل فيا في حلم وتطعن فيا بي سم في ظهري وقعدت تحكي لي امها في حلم وتبكي
فتحيه:خلاص يابنيتي مره تانيه ديري حذرك منها وحسبي الله ونعم وكيل

مرت ايام وشهور
وحمدالله ربي شفي مرام وعطاها الصبر وطلع سحر من بطنها وجاء عمر وتقدملها مره تانيه وافقت وعرفت ان مفروض ماتقعدت طيبه مع الكل

هذي نهايه توا نقولكم شنو صار في كل حد من ابطال روايه

مرام♥♡وعمر

تزوجو وعدي سافر بيها لفرنسا ودارولها عمليه علي عيونها ونجحت وروحت لبلادها تشوف وفرحانه وخلها تكمل قرايتها وهي توا عندها بنت وولد وحامل وقعدت دكتوره اسنان زي مايبيها باتها الله يرحمه

عصام♡♥·♥وربيعه

ربي صح عطاهم بنت وحده لكن حمدو ربي وقاعدين عايشين احلي حياه

فتحيه مره تجي تهدرز عند جارتها فاطمه ومره عند ولدها عصام ومره عند مرام وفرحانه ان حياتهم استقرت

احمد تزوج بنت اصل نساته خيانه حنين وعايش احلي عيشه معاها وعندهم ولد

اما محمد انتقم من حنين وجاها في حوش وعزق علي وجهها ميه ساخنه وانحرقت وهو هرب بره لبلاد

اما حنين
بعد انحرقت قعدت ديمه بروحها في دار لعند ركبتها حاله نفسيه وقعدت تجري في شارع لقت مرام في شارع
مرام:شوف عموري مش هذي حنين كنها هكي
عمر:هذا يلي دارته فيك رد عليها تستاهل
مرام:حرام مهما كان

جت حنين تجري لمرام وتضحك تي انتي هاهاهاها كنك تشوفي قعدتي مش انعميتي انا يلي خليتك تنعمي وماتعشيش حياتك هاهاهاها ودرت فيك حاجات واجده وهربت وشالوها بعدفتره لمستشفي مجانين
اما مرام بكت عليها وانصدمت من الحق وغل يلي في قلبها وكملت حياتها سعيده مع زوجها وعيالها وقعدت تحط في حذرها من الكل

نصيحه♡♥♡♥♡

ماتحطش ثقتك في حد حتي صاحبك او صاحبتك يجي يوم ويغار منك ومن نجاحك وتميزك ويديرفيك يلي  انت ماتتوقعاش وخليك طيب بس مش مع الكل

تحياتي للجميع
كاتبه ميمي ورده الجوري

عطوني رائيكم في روايه ككل