ديسباسيتو

الجزء 03

أبوي طبعآ وقت سمع صوتي جا جاري وكان مقلع عيونو قدر دا 👈👁👁قال لي : ي بت مالك بتكوركي !! جنيتي !!!

ضب ي ابوي ضب..واااي

ابوي: ضب شنو !! و وين !

**طبعآ هشام زفت الطين خته لي ضب ميت في علبه...شكلو كان منفوخ و عيونو طالعات برة..شكلو غرقو بي مويه عدييييم الهارت 💔**

قلت لي ابوي انو هشام اداني ليهو ع اساس هديه..ناس البص يضحكو ساااي💔💔.قومته صريت ليهم وشي ☹ ☹☹

ابوي رماهو بالشباك وقال : غايتو انتي وهشام بري منكم..الله يعمل ليكم ضنب ي رب

) دا الحاج ☹☝ ...اتخيلو بس الدعوة !! )

❤❤❤

نومته بعد البص اتحرك ..غايتو قضيت زمني كلو نوم.لأنو صحينا من الأذآن الأول عشان نجهز للسفر ☹☹☹..تاني البص زي العصريه كده وقف في حته ...سامعه الركاب بقولو انها ( مدني ) ...نزلته مع ابوي مشيت الحمامات..طبعآ انسسسو بسس...اتمنيت مرة ابوي معالي يحبسوها في الحمامات دي الي مالا نهايه

اتوضيت وصليت الضهر والعصر..ابوي جاب لينا سندوتشات برقر..وقارورتين ببسي ومويه ...

شويه كده البص اتحرك ...طبعآ المحل كلو صحراء وخلاء..والمغرب خلااااث دخل..

الموهم ...تلفوني طششه شبكه..عشان كده زقلتو جوه الشنطه وبس كنت بعاين بالشباك..م كنت عاوزه اتذكر اني بحكم المنفيه من البيت عشان قلبي م يوجعني ..عشان كده ولا قعده أجيب السيرة لي نفسي 💔💔💔💔

بعد شويه المغرب خلاص جا..وشايفين انوار من بعييييد ..

ابوي قال لي : خلاص قربنا...وسأل الناس المقابلننا ف الأتجاه التاني : دي القدمبليه صح ؟

الراجل رد ليهو : اي ..كلها ساعه او اقل وحندخل المدينه ..طبعآ الراجل كان معاهو مرتو وطفليين..مرتو منقبه.. واطفالو حلوييين 😍😍 اولاد عمر 3 سنه كده وشكلهم تؤم ..دعيت ربنا يحفظهم يديني زيهم .

شويه كده بدت تترآي لينا هياكل مباني كده..تاني ظهر شكل جبل...سألت ابوي قال لي : بركة الزكرتيني..دي الجامعه حقتك ..و دا الجبل الأسمو ( تواوا )

قلت : امممممم طيب..

طبعآ طول م نحن جايين بس كنت شايفه خلا ساي ...كنت عاوزه اشوف القطيه بس الدنيا ضلام..ابوي ضحك وقال لي عمتك عندها اتنيييين..حتشوفيهم لمن تشبعي

...بعد شويه كده الراجل قال لينا حمد الله ع السلامه. دا السوق الشعبي...

بس م وقف..الكمساري قال : واصلين السوق لأنو ممنوع الوقوف بعد الزمن دا ف السوق الشعبي..

لكن طبعآ كلامو صح ..لانو الحته كلها ضلام..

والبص متحرك انا طيعآ بتاوق ساااي..واي حاجه بنمر بيها بسأل أبوي ..لغاية هو براهو قعد يوصف لي ..