Di ko alam kung saan sisimulan,
Paglalahad ng problemang kinalakihan,
Di ko alam kung kanino sasabihin,
Dahil walang gustong ako ay intindihin, Paano ko isasatinig?
Kung wala akong ibang magawa kundi itikom ang aking bibig?
Sakit at galit sa puso ay kinikimkim,
Sa paglipas ng panahon ito na ay isang lihim,
Gusto ko ng ibaon sa limot,
Dahil puro sakit at kabiguan lang ang idudulot.
