Isa,
Dalawa
Tatlo
Tama na
Ayoko na
Di ko na kaya.
Tanga
Bobo
Walangkwenta
Walanghiya
Mga salitang paulit-ulit lumalabas sa inyong mga bibig,
Sa utak ko ay nakatanim at nagdudulot ng dilim,
Sa puso ko ay uti-uting bumabaon tila mga patalim.
Nagdadala ng walang katumbas na sakit sa aking damdamin
Bawat kumpas ng inyong kamay na tila latigong nag-iiwan ng marka sa aking kaluluwa,
pilat sa aking puso,
bangungot na habang buhay na sa aking ala-ala.
Pagkatakot ay nanunuot sa aking buong pagkatao,
Lungkot at galit namamahay sa aking puso
Hanggang aking isipan ay unti-unti ng nagiging blangko,
Dumating na ang punto kung saan ako'y sumuko,
Marahang kinuha ang patalim sa harapan ko,
Walang pag-aatubiling isinaksak sa aking puso,
Munting ngiti sumilay sa aking labi sa huling sandali,
Malaya na ko rito na magwawakas ang lahat nang hinagpis ng aking puso.
