TRUE HORROR STORY

MULTO

        
       
Way back noong college ako, 19 years old ako noon, 21 na ako ngaun. Graduating na ako nun at kailangan na namang magpasa ng theses. Nahati kami sa tatlong grupo at dahil hindi pa sinasabi ang deadline di pa kami nag-umpisa (sipag namin diba? haha) and then one day sabi ng instructor namin after a week kailangan may mai-present na kaming finish na theses so kami aligaga na. Napag-planuhan namin ng dalawang team na mag-overnight kung sino man ang may malaking bahay. Nag offer si Anne, di niya totoong pangalan, na sa binabantayan nalang daw nilang bahay since wala yung may ari nasa abroad daw kaya dun nalang kami. Mga bandang 7pm nakarating na kami dun sa bahay malaki nga pero hindi pa tapos yung bahay may kailangan pang i-renovate. So ito na nga bandang 8 ng gabi bumili muna kami ng maiinom alak, ganun para may pampagana gumawa ng theses. Bale tatlo kaming lalaki ang nautusan na bumili, habang naglalakad nag kwentuhan kami tungkol sa bahay, hindi lang pala ako ang nakaramdam ng iba sa bahay na yun. Sabi ni John, klasmeyt ko, "Ang sama ng pakiramdam ko sa bahay na yun, parang laging may nakatitig."
Fast Forward
Pag-balik namin sa bahay nakalatag na lahat ng laptop namin, 4 na laptop ang gamit namin. Nagpatugtug kami ng malakas tapos malakas din yung mga boses namin habang nag iinuman. Ako nakaupo sa sofa malapit sa pintuan, habang nagke-kwentuhan may narinig akong tatlong mahihinang katok sa pinto. Bubuksan ko sana kaso tumigil. So ako si deadma tuloy lang sa kwentuhan. Tapos may kumatok ulit, tulad ng dati tatlong mahihing katok, so binuksan ko na. Pagbukas ko ng pinto walang tao, kahit pusa man lang wala! Tinanong ko yung kaibigan ko kung narinig niya kasi katabi ko lang siya, sabi niya narinig rin daw niya. Dun na ako kinalibutan, di na namin ipina-alam sa mga kasama naming girls kasi matatakutin sila. Mga 10 ng gabi natapos na kaming uminom at nagumpisa na kaming magtrabaho.
Nag-desisyong kaming lahat na sa master's bedroom nalang gumawa, so lahat ng gamit sa sala hakot lahat papunta sa kwarto. Yung dalawa naming kasama na babae naiwan sa sala sa may sofa nagse-cellphone, tapos after a while bigla silang nagsigawan at nagtakbuhan papunta sa kwarto! Tumunog daw bigla yung radio at may nag-amoy kandila. Na-alarma na kaming lahat so napag isip isip namin since maingay kami baka nakakabulabog na kami sa mga hindi nakikitang nilalang kaya tumahimik na kami at gumawa na ng dapat gawin. Since lumalalim na ang gabi napagplanuhan namin na matulog muna ang iba tapos yung iba muna ang gagawa. Isa ako sa mga unang gagawa, nag-umpisa akong mag-encode ng 10:30 pm tapos nung nakaramdam na ako ng antok ginising ko na yung kapalitan ko. Sakto nung pahiga na ako, nakatapat kasi kami sa bintana, may naka-puti na dumaan sa bintana! Ako naman tong si tapang tapangan sinilip ko sa may bintana kung sino yun, pero wala naman akong nakita!

        
       

Sa susunod na yung ibang nangyari haba na eh hahaha!