ضمت اميرة الكوجينة ومشت لامها خبرتها انهم بيباتو مشت ركبت لدارها وتت شنطتها ونزلت
اميرة:مامااا شن الغدا
فاطمة:مادرتش اليوم راسي واجعني وبوك مش مروح للغدا
اميرة:اووف تو نكلم لؤي يجيب"خدت هاتفها بتتصل بيه خش لؤي" اا باهي جيت برى جيبلنا غدا
لؤي"خش وهو ساكت ماشاف لحد بكل ركب الدروج بهدوء وخش لداره"
اميرة"بغيض"خيره هدا زي الحيط مايسمعش
فاطمة:خليه ف حالة بالك تعبان من القرايا"وطلعت من الصالة"
اميرة"تنهدت"ااه اي من القرايا التعب هو... نمشي ندير مكرونة صالصة ناكلها خير مانقعد هكي
"خشت لدارها لفت شعرها كعكة فوق ونزلت للكوجينة "
اميرة:تي هو اني عمري ماخشيت للكوجينة ودرت حاجة طايبة بس يلا نديرها وامري لله "بدت تاخد وتحط ف المكونات حطتهم ع النار ولمت الحوسة وطلعت قعمزة ف الصالة ع النت وقعدت تتصفح تطلع من هدا وتخش للاخر ومرت حوالي ساعة ..فجأة "
اميرة "شمت ريحة حاجة محروقة " هادي شن الريحة زعما شن " شهقت" اهئيييييي الغدااااء "ناضت تجري لقتها الطنجرة محروقة"وااااك شن هالحصلة هادي تو اني شن لزني ع التطييب..يمشي لؤي يجيب من برى غصبا عنه " ركبت لداره طقت الباب وخشت "
لؤي " شافلها " خيرك .. وشن ريحة المحروقات هادي
اميرة:اسكت باللهي زعميتني بنطيب حرقته
لؤي" بضحكة "وخيرك جيتيني تجري
اميرة:برى جيب حاجة ناكلوها
لؤي:يا والله هم احرف العيشة معاكم تشيب.. باهي به تو نمشي "طلع ولحقاته اميرة "
________________
في حوش الخالة عبير..
كانوا هبة وهديل مقعمزين ف دارهم جتهم امهم
عبير:نوضوا يابنات كان بتمشوا لحوش خالك
هديل: اني مش ماشية بنقعد نقرا تمشي معاك هبة
عبير:به نوضي هبة وتي روحك هيا " وطلعت "
هبة كانت متوترة ومرتبكة انها بتشوف فراس مش قادرة تشوفله بعد اللي صار ناضت لبست وطلعت لامها
عبير:ها شن واتية
هبة: اي وين هيثم
هيثم " خش " اهوا هيا اطلعوا
طلعوا ركبوا.. شوية ووصلوا لحوش خالهم محمد وخشوا
عبير: كيف حاله فراس تو
هناء: باهي الحمد لله
هيثم " وقف " هي انا ماشي يا امي
عبير:شفت ولد خالك قبل
أنت تقرأ
ضحية حب💔
Romanceفتاة عاشت حياتها بسعادة غمرت بالحب والحنان❤ تتحول حياتها الى مأساة 💔✋ فهل ياترى تجد من يخرجها من بؤسها💔 هل تجد من يزرع البسمة على وجهها الرواية فيها اكثر من بطلين ح نعيشوا مع كل شخص قصة حياته والظروف اللي يمر بيها رواية ضحية حب💔 من كتاباتي لا احل...
