اميرة:تمام"وطلعت وهي نازلة مع الدروج تلاقت مع علاء"
اميرة:اهلا علاء كيف الحال
علاء:اووو ميرا باهي تمام شن اخبارك انتي
اميرة:الحمدلله..علاء
علاء:نعم
اميرة:لؤي الوضع اللي هو فيه مش عاجبني
علاء"تنهد بضيق"ولا انا عاجبني وكل مانفتح معاه الموضوع يا اما يمشي ويخليني نخرف بروحي او يندمني ع إني كلمته
اميرة:حاول تتكلم معاه وتنصحه وتخليه يفهم انه اللي يدير فيه كله مش ح يفيده
علاء:مع إني عارفه يسكر ف راسه لكن تو نحاول معاه ولا يهمك.. جاك هو توا
انيرة:اي يستنى برى هي سلام"ابتسمت له"
علاء"ابتسم"سلام
نزلت اميرة سلمت على عائشة وطلعت ركبت في السيارة
لؤي"بغيض"ساعة نراجي فيك
اميرة:اسكت قعدت مع البنت شوي وانت تكشخ
لؤي:به به اسكتي
"وصلوا للحوش خشوا وهما يتعاركوا"
فاطمة:شن صار ف الولد يا اميرة
اميرة:قاعد في العناية وشوره حالته خطيرة
لؤي:هو خيره مريض
اميرة:وحدين ضاربينه بسلاح وجاياته جنب القلب ويمكن مايطلعش منها بخير لا سمح الله.. هي اني بنركب تصبحوا ع خير
لؤي وفاطمة:وانتي بخير
ركبت اميرة لدارها لبست بيجاما وخدت فونها تتصل بمهاب تلقى فيه مشغول بعدها يطلع لها مقفل
اميرة:خيره مقفل مش من عوايده يقفل فيه اياه حتى اني فاضية نسأل عليه وهو ليه فترة مجافيني المفروض نتعود ع حالته بس يمكن مشغول يمكن صايرله شي اووه خلاص سادك يا اميرة تفكير نرقد ونريح راسي خيرلي من الهم بس نبي نكلم مهاب تي وااك خلاص خلاص بنرقد"حطت راسها ع المخدة وهي تفكر المدة هادي مهاب متغير عليها وقلت اتصالاته وحتى لما يكلمها بسرعة وببرود ..رقدت بعد صراع طويل مع افكارها"
______________
لؤي ركب لداره شرين هاتفه وكان المتصل علاء...
لؤي:ايوا يا علاء شن الجو
علاء:مليح شن اخبارك انت
لؤي"تنهد"كويس.. خير فيك شي
علاء:لاغير بنقولك بما انه غدوة ماعندناش كلية نبيك ف موضوع
لؤي"باستغراب" موضوع؛موضوع شن
علاء:غير نتلاقو بعدها تو تعرف
لؤي:وين نلقاك به
علاء:تو نخطم عليك انا بروحي مش عارف وين
أنت تقرأ
ضحية حب💔
Storie d'amoreفتاة عاشت حياتها بسعادة غمرت بالحب والحنان❤ تتحول حياتها الى مأساة 💔✋ فهل ياترى تجد من يخرجها من بؤسها💔 هل تجد من يزرع البسمة على وجهها الرواية فيها اكثر من بطلين ح نعيشوا مع كل شخص قصة حياته والظروف اللي يمر بيها رواية ضحية حب💔 من كتاباتي لا احل...