ضحية حب💔

الحلقة الحادي عشر

قبل ماتقروا انزلوا صوتوا وارجعوا اقروها😙

~~~~~~~~~~~~~~~~~~~~~~~~~~~~💙🌸↪

الكل شافوله باستغراب ويراجوا في الخبر ماعدا حكيم يلي عارف

فتحي: احنا هنا عايشين في تركيا لينا فترة طويلة وانتم ماعشتوش ابدا في ليبيا ماعدا الزيارات بس احنا زي ماتعرفوا كنا غادي لحد ماتزوجنا واستقرينا هنا وجايين ع اساس شغلنا كله في تركيا وعندنا اراضي وحياش وكل شي نملكوه في ليبيا .. وانا وعمكم حكيم قررنا باذن الله ان نرجعوا لليبيا بعد لقرايا

ملاك " باستغراب" قصدكم خلاص بنعيشوا غادي

حكيم :اي بنرجعوا احنا وعيلة عمي سالم(جد اميرة)

اميرة" بحزن "بس يابابا وفتون صاحبتي

لؤي:هيييه وعلاء لامش ح نولي معاكم بروا انتم

حكيم:من هادو صغار محمد ال**** اللي معايا في الشركة

اميرة:اي

حكيم:بيولوا حتى هما لان طالعين  مع بعض احنا وياهم عمل من سنين وتوا انتهت المدة المحددة .. بعدين حياة الغربة مش لصالحنا احنا مش دايمين لكم طول العمر كيف بتقعدو

الكل:بعد عمر طويل انشاء الله

لؤي:هما توا في ليبيا ولد عمهم في العناية

حكيم:اي سمعت.. المهم تبدوا عارفين

الكل:تمام

طلعوا حكيم وفتحي وقعدوا الاخرين يهدرزوا لليل

فادية"مرت عمهم فتحي" هي احنا بنروحوا ردوا بالكم من خواتكم ومن الحوش

فاطمة: وغدوة ضموه الحوش كله وسيقوه

اميرة&ملاك:انشاء الله

وطلعوا اماليهم روحوا

(نحكيلكم قصة حوش جدهم... جدهم متوفي من 5 سنين والجدة من 2 سنتين كانوا عايشين في ليبيا بس لما تزوجوا ولادهم وجو لتركيا اصروا عليهم انهم يجو ويقعدوا يطمنوا عليهم ويكونوا قريبين  وقعد الحوش يجتمعوا فيه كل فترة يضموه ويسيقوه ويردوا بالهم منه وتوا بما ان حكيم وفتحي انتهت فترة شغلهم بيرجعوا هما وخوال اميرة لانهم ولاد عمهم ف جايين مع بعض"امها وبوها ولاد العم" اما اب فتون وعلاء صاحب حكيم وفتحي  معاهم في الشركة وتم شغله معاهم وبيولي حتى هو يعني طالعين ال3 بعثة للخارج)

طلعوا لؤي وعمر بيجيبوا عشاء ومالك قعد مع لبنات

مالك:جايب معاي افلام بعدين نفتحوهم بعد العشاء

ملاك :تمام.. اهم وصلوا

لؤي وعمر حطوا الاكياس ع الطاولة

اميرة:شن جبتوا

عمر :بيتزا وهمبورغا وبطاطا ومشروب

لؤي:هي تعالو

قعمزوا ياكلوا بعدها لموا لبنات الحوسة وقعدوا يتفرجوا ع الفيلم وياكلوا في فشار وتشبس وحاجات... ومع جو 3:30 بدو ينسحبو بالواحد رقدوا لبنات ف الدار والشباب قعدوا ف الصالة